بعد التعود على التريوس ... حلوة الجين 2

**lotfyco** · 23-01-2010 03:33 PM

السلام عليكم ورحمة الله

هو سؤال صغير للاخوة محبي السواقة للمسافات الطويلة ... بسوق تريوس 2007 اوتو (عربية الوالد) من اكتر من سنتين واتعودت عليها لدرجة اني حفظتها والحمد لله العربية مش عايز احسن من كده ... بس انا بفكر اجيب ليا جين2 ... طبعا في فرق في العربيتين من حيث الدفع الرباعي والارتفاع عن الارض والتقفيل والجودة الياباني بسافر وانا مطمن ... هل نفس الدرجة من الامان والثقة ومتعة التحكم والسواقة هلاقيها في الجين 2

**lotfyco** · 23-01-2010 03:36 PM

ملحوظة : انا مش بامدح في التريوس ولا بقلل من الجين 2 ... هوا بس قلق شراء اول سيارة شخصية

**momopersona** · 23-01-2010 04:52 PM

يا باشا التيريوس عربيه جامده فعلا بس مش شبابى خالص ولا ممتعه فى السواقه مقارنة بالجين2

بوص ياسيدى التحكم والثبات والتسارع والكماليات جين 2 هاتعجبك اكتر
وسع داخلى وعلو عفشه فى المطبات طبعا التيريوس
يا باشا بالنسبه للجوده والسفر فالجين 2 عمرها ماكسفت حد فى سفر او اى عطل ميكانيكى
ممكن تحصللك مشاكل زى السينتر يعلق او المالتى فانكشن وبيتظبطو فى الصيانه الدوريه فى الضمان
لكن مشكله فى الموتور ولا كده لا انسى فعلا
العربيه احلى ما فيها موتورها و عفشتها الرياضيه و ثباتها وكمالياتها ووسائل امانها وشكلها و(سعرها)
وربنا يوفقك وماتنساش الاستخاره

**tutankhamoun** · 23-01-2010 04:59 PM

العربيتين في فئتين مختلفتين و المقارنة متنفعش

بس لو حضرتك بتسأل على الأعتمادية في السفر أو غيره ........
أما مش هاقولك غير أني 95 % من مسافات العداد عندي ............ كلها سفر على طرق صحراء ........
و لله الحمد ........ و الشكر ............ و ربنا يديمها نعمة ........
العربية أكتر من ممتازة

أما من ناحية الأمان
فهي سيارة ثابتة جدا و تعطيك أحساس بالقوة على الطريق ( قوة في نطاق عربية 1600 )
ثبات عالي جدا ........ و لا ياقرن بالتيريوس ......... التيريوس جنب الجين 2 ......... مرجيحة ... ( مش عيب في العربية و لكن طبيعة العربية كدا )

من حيث المتعة
أركب و جرب العربية و أنت تعرف أد أيه العربية ممتعة و خصوصا في الطرق المفتوحة .......... اللي الموتور بيزأر فيها بمزاج .

**tutankhamoun** · 23-01-2010 05:00 PM

كمان بمناسبة متعة التحكم
مفيش مقارنة ....................... الجين 2 أعلى طبعا علشان الطبيعة الرياضية الخاصة بالسيارة و الطبيعة المختلفة للتيرريوس عند تصميمها للعمل في الأماكن ذات الأحتياج للدفع الرباعي .

**husseinodeba** · 23-01-2010 05:42 PM

انا معنديش خلفيه كبيره عن العربيات لكن اقدر افيدك شويه عن الجين2
انا العربيه معى لها سنه وكل مشويرى بها سفر وبيكون معى الاسره
الحمد لله العربيه مريحه جدا فى السفر وثابته وممتعه جدا وجمال ومتعه العربيه الحقيقى بيظهر لما تخرج بها بره المدينه على الصحراوى ويكون معاك مشوار فيه 6 ساعات....ساعتها بتحس بكفائه العربيه

**DR_EMAD** · 23-01-2010 07:48 PM

جين2 قمة فى المتعة بالنسبة للتحكم .. والجرى .. والأمان

حضرتك ممكن تجرب الجين
وكان فى موضوع هنا فى القسم عن أختبار قيادة لسيارات بروتون .. يوم 30/1
ممكن تتابع مع أ. أيمن .. أو أ. مهاب

وبعد ما تجربها .. حاسس أنى هقولك .. مبروك عليك اختيارك للسيارة

**lotfyco** · 23-01-2010 10:15 PM

متشكر بجد ليكم على الرد ... انا روحت انهارده فرع الدقي وقابلت ا/وائل حسين وشوفتها العربية فعلا جميلة جدا هيا غليت الف جنيه 90900 وزودوا حاجات بسيطة الفوانيس اغمس اسبويلر وحاجات تانية كده لذيذة هوا بس ليا ملاحظتين:
1-كابلات الكهراء ملزوقة بلزق سوليتيب بتاع الكهرباء بتاع البيت
2-فرش الصالون فقير نوعا ما قماش عادي خصوصا الكنبة الخلفية ... هيا مش كانت بتنزل جلد ولا انا غلطان
وكان فيه ملاحظين من احد الزملاء في المنتدى لفتوا انتبهاي :
1- العفشة ناشفة (المهم عندي ابقى قاعد مستريح ومش متضايق خاصة بعد المسافات الطويلة)
2-صوت الموتور عالي
انا انشاء الله نويت احجزها اليومين دول قالي 10 ايام وهتستلم هل ده عادي وهل في فرع احسن او شخص اقد اكلمه مباشرة بحيث اخلص ... وياريت تفسير او تعليق فني عن الملاحظات الاربعة السابقة (فقط ليطمئن قلبي) ... وشكرا ليكم بجد وبعتذر للاطالة

**memo_p910** · 23-01-2010 10:26 PM

اطلع على ا محسن صالح في الصحراوي

**momopersona** · 24-01-2010 02:14 AM

المشاركة الأصلية كتبت بواسطة lotfyco

متشكر بجد ليكم على الرد

... انا روحت انهارده فرع الدقي وقابلت ا/وائل حسين وشوفتها العربية فعلا جميلة جدا هيا غليت الف جنيه 90900 وزودوا حاجات بسيطة الفوانيس اغمس اسبويلر وحاجات تانية كده لذيذة هوا بس ليا ملاحظتين:
1-كابلات الكهراء ملزوقة بلزق سوليتيب بتاع الكهرباء بتاع البيت
دى انهى كابلات بالظبط !!!
2-فرش الصالون فقير نوعا ما قماش عادي خصوصا الكنبة الخلفية ... هيا مش كانت بتنزل جلد ولا انا غلطان
تقريبا كانت بتنزل جلد لحد موديل 2008 بس وعلى العموم مش مشكله ابئا اعملها جلد طبيعى بره وماتنساش ان العربيه كامله اوتو وب 90900 بس
وكان فيه ملاحظين من احد الزملاء في المنتدى لفتوا انتبهاي

:
1- العفشة ناشفة (المهم عندي ابقى قاعد مستريح ومش متضايق خاصة بعد المسافات الطويلة)
العفشه ناشفه لانها عفشه رياضيه ودى بتبئا متعبه فى الكسرات اللى فى الارض على السرعات البطيئه لكن مريحه فى المطبات العاليه عشان مابتهبطش مع الحمل فمبتحكش
وطبعا على السرعات العاليه بتدى ثبات عالى جدا ومابتتأثرش بمطبات الهوا
فطالما انت يهمك فى المسافات الطويله تبئا مناسبه جدا لكن لو يهمك المشى جو المدينه اكتر هاتبئا رخمه شويه بسيطه يعنى
2-صوت الموتور عالي
الصوت عالى مع القياده الرياضيه فقط يعنى على الrpm العالى يعنى لما تقرص على العربيه هاتلائى صوت الموتور رياضى وعالى شبه صوت الفلتر السبور بتاع(الريس)
لكن لو بتسوق عادى مابتكبس بنزين على الاخرفى الاوتوماتيك مش هاتحس بالصوت العالى خالص والصراحه الصوت ممتع جدا
انا انشاء الله نويت احجزها اليومين دول قالي 10 ايام وهتستلم هل ده عادي وهل في فرع احسن او شخص اقد اكلمه مباشرة بحيث اخلص ... وياريت تفسير او تعليق فني عن الملاحظات الاربعة السابقة (فقط ليطمئن قلبي) ... وشكرا ليكم بجد وبعتذر للاطالة
بالنسبه للحجز والشراء افضل تروح فرع ابورواش فى الصحراوى هاتلائى هناك م. محسن صالح اسألو على الاسعار والتخفيضات بتاعة نايل موتورز
او كلم الاول ايمن عادل اسألو قبل ما تخبط المشوار وان شاء الله فى تخفيض حوالى 2000 جنيه عن السعر ده انت اولى بيهم
رقم ايمن 0106732622
وربنا يوفقك ويباركلك فيها ان شاء الله

الموضوع: بعد التعود على التريوس ... حلوة الجين 2

LinkBack

أدوات الموضوع

عرض

-

-

-

-

-

-

المواضيع المتشابهه

سنة حلوة يا جميل ...سنة حلوة يا ياسر( yasserelsayad ‏)

الجين 2 ولا التريوس

سؤال لاصحاب الجين 2 انا بس عايز اعرف الجين 2 عربية مكلفة ولا معقولة

يا احلى اعضاء الجين 2 انا عايز محتار مبين الجين ونيواكسنت 1600

عن التعود أتحدث

الكلمات الدلالية لهذا الموضوع

المفضلات

المفضلات

ضوابط المشاركة