محرك الهوندا سيتى !!!

**medobob2** · 24-01-2010 02:17 AM

السلام عليكم

وانا بدور على امكانيات الهوندا سيتى لقيت الصوره دى

[shr71=http://www.hondaegypt.com.eg/images/city2009/city-large16-in.jpg]الهوندا سيتى[/shr71]

فحبيت اعرف معنى (i-vtec) الموجوده على المتور( هل كامه وحده مزدوجه ولا 2 كامه ) و هل هو حقن مباشر ولا متعدد النقاط

و شكرا

**M_Nabil** · 24-01-2010 02:55 AM

بإيجاز كلمة Vtec أختصار لنظام (Variable Valve Timing and Lift Electronic Control) و تم تطويرة في السنوات الاخيرة بقى اسمه i-vtec و حرف الـ i يرمز لكلمة (intelligent) ومن منظر المكنة اللى أنت حطط صورتها دى كامة واحدة عموماً لو لقيت مكتوب على غطاء المكنة من فوق كلمة DOHC تبقى كامتين ولو SOHC تبقى كامة واحدة

**medobob2** · 24-01-2010 06:33 PM

اولا شكرا على الاهتمام
و ثانيا هل المحرك ده امكانيات حلوه ( معنى الـ i-vetc )
و شكرا

**homos99** · 26-01-2010 10:08 PM

+1
متابع عشان الجهل وحش

**Horsepower** · 26-01-2010 11:32 PM

المشاركة الأصلية كتبت بواسطة M_Nabil

بإيجاز كلمة Vtec أختصار لنظام (Variable Valve Timing and Lift Electronic Control) و تم تطويرة في السنوات الاخيرة بقى اسمه i-vtec و حرف الـ i يرمز لكلمة (intelligent) ومن منظر المكنة اللى أنت حطط صورتها دى كامة واحدة عموماً لو لقيت مكتوب على غطاء المكنة من فوق كلمة DOHC تبقى كامتين ولو SOHC تبقى كامة واحدة

كلام تمام +
الفكرة كلها إن هوندا إخترعت نظام إسمه VTEC الهدف منه تحقيق أعلى قدرة يمكن الحصول عليها من المحرك + أقل إستهلاك للوقود عند ظروف التشغيل النوذجيه.
طيب إزاي أحقق أعلى قدرة و كمان بنزين قليل؟ ... ده بيتم من خلال التحكم في سرعة فتح و غلق صمامات سحب الوقود و الهواء و صمامات العادم و أيضا مقدار الفتح للصمامات و ذلك بالتوافق مع سرعة المحرك (يعني كل ما زادت سرعة المحرك (RPM) زادت سرعة الفتح و الغلق للصمامات و قيمة الفتحة لدخول كمية أكبر من الهواء و الوقود (بنزين أو ديزل) للإحتراق.
طيب التحكم في سرعة الفتح و الغلق للصمامات (وقود و هواء) و صمامات العادم علشان تتماشى مع القدرة المطلوبة حسب سرعة المحرك و فهمناها ... طيب ليه قيمة الفتحة كمان بتزيد مع زيادة سرعة المحرك للتغذية بالهواء و الوقود و التخلص من العادم؟
ده علشان القصور الذاتي (Inertia) ... يعني إيه؟
كل حاجة في الدنيا ليها قصور ذاتي ... يعني, عند دوران المحرك بسرعة منخفضة الصمامات بتقدر تسحب الهواء و البنزين عن طريق الشفط بسهولة ... و لكن لما المحرك يدور على RPM عالي 4000 و إنت طالع , الصمامات بتفتح و تقفل بسرعة كبيرة جدا لدرجة إن الهواء و البنزين مابيلحقوش يدخلو غرفة الإحتراق بسبب قصورهم الذاتي, و بالتالي كمية الهواء و الوقود (في حالة عدم وجود ال VTEC) بتقل مع زيادة ال RPM للمحرك و بالتالي العزم الخارج من المحرك و قدرته الحصانية بتقل مع زيادة ال RPM و هنا يجي دور ال VTEC إللي بيكبر مساحة الفتحة للسماح بدخول الهواء و البنزين و تعويض القصور الذاتي ليهم عند RPM مرتفع , و بكدة القدرة و العزم الخارجة من المحرك تفضل في إزدياد حتى على RPM مرتفع.
أحب أضيف إن هوندا هي أول من إخترع هذا النظام و تم تسميته VTEV ثم I-VETC و الفرق إن التحكم في ال I-VTEC بقى Electronic و كام حاجة كمان زيادة , و قامت شركات كثيرة بدراسة هذا النظام الرائع و تطبيقه في سياراتهم و طبعا تم تغيير إسمه ... فمثلا في شركة متسوبيشي إسمه MIVEC , و في شركة تويوتا إسمه VVTL و VVTL-i و شركة نيسان إسمه VVL , و شركة بورش إسمه VarioCam Plus.
شوف اللينك ده فيه توضيح مبسط لطريقة عمل ال VTEC
Honda Worldwide | Technology Picture Book | i-VTEC
أرجو أن تكون الفكرة وصلت و شكرا,
(أحمد سامي)