استكمالا لكلام الاخ الكريم طبعا كلامه كله مظبوط .... وبالنسبالي انا بنا يشهد علي كلامي ان الكليو كله ممتااااااااااااااز انا من 2004 بركب كليو حتي اخر 2009
كان معايا 2003 نص كماليات مانيوال ودي اللي حببتني في الرينو ومن كتر حبي فيها قولت فسنه 2007 اجيب بئا الكامله عشان تحكم الطاره والزجاج الكهرباء وبالصدفه لقيت ال 2005 اللي حكتلك عليها والصراحه عن تجربتي للاتنين المانيوال جمييييييل في الكليو وسحبه ناااااااااار وجري فظيع ونعومه مهوله والاوتوماتيك بردو رائع ... ده يتوقف علي مدي احتياجك لده او ده
بالنسبه لسؤالك عن قطع الغيار .... اقسم بالله قطع غيار معمره جدا ولا فدي او فدي عملت اي حاه غير غيار الزيت والتيل فقط وعايز اقولك احنا شعب بتاع اشاعات وعايزين نركب ببلاش
كله عايز يركب اوبشن عالي وفانوس بتمن ال 128
شوف يااخي الكريم انا من 2003 اخدت قرار اني مركبش غير الرينو لاني سوقت كل الجديد اللي يخطر علي بالك ومرتحتش في السواقه او النظافه زي الرينو
مش بردو بتسمع عن حاجه اسمها متعه القياده ...؟؟؟؟؟؟ اهي الرينو بتديلك ده بكل امانه عربيه تخليك تحب السواقه وتعشقها
الكليو حترضي طموحك وغرورك تماما ... قطع غيار صدقني معمره واسعارها مش غاليه خالص واوعي تسمع كلام حد مش فاهم وبيسمع فقط
نعومه ممتازه.. عفشه قويه ومعمره جدا جدا صالون رائع وخامات بنت ناس كاست بناع العربيه فابريكتها مش متجمع هنا .. تحكم الصوت والراديو وكله في الطاره ... شاشه معلومات رفاهيه مقبوله وعاليه ...شنطه واسعه جباره .. الكنبه اللي ورا فعلا ضيقه شويه ولكن في المساحه بين اللي قاعد وبين ضهر الكرسي اللي قدامك لكن مش متعب .. يعني متفردش اوي ولكن 3 يعدوا جنب بعض عادي جدا.....من الاخر سيبك من اللانوس والفيرنا والاكسنت والكلم اللي في فئتها ومتسمعش كلام حد ..واتل علي الله بس تكون نظيفه وصونها حتصونك جدا جدا جدا...ربنا يوفقك ويهديك للخير يارب
وتحت امرك فاي وقت