الموضوع: حد كان فى سيتى ستارز الليله اللى فاتت ساعت ماتش الجزائر عشان الشباب الجزائرى اضربوا

المشاركة الأصلية كتبت بواسطة Dr_AHMAD

يا عم دول ناس بيلعبوها صح
هما عارفين ان في احتمال نتقابل في قبل النهائي يبقى يكرروا السيناريو بتاع كاس العالم
ازاي؟
استفزوا المصريين علشان يعملوا خناقه وتلاقيهم محضرين الكاميرات بتاعتهم وصوروا المشهد مع شويه دم وشوية اغماء يقولولك جثث الجزايرين وصلت للمطار ويهيجوا شعبهم وطبعا ريسهم بوتفليقة يبعت البلطجية بتوعهم بالطيارات الحربية علشان يحضروا الماتش (واحنا طبعا هنبعت فردوس عبد الحميد وهيثم شاكر)
وهما خلاص اصبح عندهم فكرة ان اللاعبين المصريين والمشجعين جبانات اول ما يشوفوا سكينة هيترعبوا ويعيطوا
ويصعدوا هما للنهائي
بس خلاص

+1
هي دي دماغ الناس بتوع الجزائر.... القذائر

يستاهلوا دي بجاحة رسمي إنهم يهيصوا و يشجعوا في مصر كده خصوصا إن المصريين لسه مابردوش

هي دي رجاله مصر شافيتو غليلكو ولسه كل واحد فيهم هيحصل في كده
تحيا مصر و رجالتها احسن رجاله في الدنيا

المشاركة الأصلية كتبت بواسطة farfora20082008

ايه يا جماعه اللي بسمعه وبشوفه ده !!! هلي اللي بيتكلم دول مصريين ومسلميين ؟؟؟؟؟؟

يا اخوه لحد امتي هنفضل متعصبين ودمنا حامي ونغلط ونقول دمنا حامي -- بزمتكم ده يرضي ربنا !!!
ده اللي دينا وسيدنا محمد قال عليه !!! ده لو كافر او يهودي دخل مصر من حقه الامان وكرم الضيافه
ده اللي بيقولو دينا واخلاقنا وعروبتنا

كونهم بيتعاملو باسلوب غير ده - ده مش يدينا حق نكون زيهم وبصراحه تعالو نرجع بالزمن لورا شويه كده - تصوروا لو انت مكانهم واتعمل فيكم الموضوع ده في الجزائر واتصور والشعب المصري شافه هنا في التلفزيون بدعايه صح وتضخيم -- احساس الشغب هيكون ايه

ماهو مش ينفع نضربهم جوه بلدنا ونقول عليهم همج

انا يحضرني موقف اتمني مش يكون غلط " مره دخل شخص كافر اظن او يهودي المسجد وتبول في حضره النبي - لم يتحرك احد ولم يتخانق معاه حد او يقتله حد ولكن باللين والحلم والعقل تعاملو معاه"

" اسف لو الموقف ده مش حقيقي بس فعلا انا سمعته مره "

انا لو موجود في سيتي ستارز كنت دافعت عنهم - حتي لو هموت - دول في الاخر بني ادمين ومهما عملو فلهم الامان والكرم وكده نبقي بنغلطهم وبعد كده نتعامل بعقل في اي حاجه - انما هنفضل عصبيين وبنتصرف بهبل " اسف " يبقي احنا الخسرانين

واظن كان باين قوي رغم الهمجيه في اسلوبهم انهم تعاملو في الموقف ككل بشكل اذكي مننا وكنا احنا اللي خسرانين علي المستوي السياسي والاعلامي وبرضه دمنا اتحرق

يا ريت نفكر قبل ما نعمل اي شيء نندم عليه علي الاقل امام ضمائرنا :u_thin1[1]:

وربنا يوفق المنتخب بتاعنا ونقابل الجزائر ونغلبهم وبعد الماتش نخرج بره الملعب كلنا احبه ومسلمين وعيب ننقل شويه كوره من ملعب لدرجه اننا نحلم في النوم اننا بنقتل جزائري :b4_556:

لحد امتي هنفضل بنتجمع علي شويه هوا ونصحي ونقوم علي هوا وننسي حاجات اهم

يعني نضرب على قفنا ونسكت
لحد امتى

كل واحد يتحمل نتيجة تصرفاته ولما يتربو مرة يمكن يعملولنا حساب لان التسامح معاهم ما بيجبش نتيجة
بس يا ريت يكونو اتربو صح

حد يجبلى نمره التاكس اللى هربهم
ماحنا سكتنا و قولنا حقنا هايجلنا بالادب خدنا أيه ؟؟؟؟؟؟؟؟؟؟؟؟؟؟

ربنا يهدى المسلمين حسبنا الله ونعم الوكيل

المشاركة الأصلية كتبت بواسطة ahm177

يا رتنى كنت معاهم

اللى يحضر عفريت يعرف يصرفة

معلش يعنى تعليق بسيط اتمنى ان حضرتك تتقبلة
رد حضرتك على الموضوع غير متماشي تمام مع توقيع حضرتك
(ماتت قلوب الناس ماتت فيينا النخوة يمكن نسينا فى يوم ان العرب اخوة)

المشاركة الأصلية كتبت بواسطة pro-drive

كدا يبقي المصريين هما اللي همج !! !

فعلا كدة بقينا همج زيهم

المشاركة الأصلية كتبت بواسطة م/مصطفى محمود

أمعة

ده وصف رسولنا الكريم لمن يُقابل الأسائة بالأسائة

أى حد مصرى فى الجزائر لازم هيفرح ويهيص لما نكسب ، ده حقوقهم

الناس دول دخلوا بلدنا وأديناهم الأمان ، حرام نغدر بيهم ، حقهم يفرحوا وكل حاجه

انا كمان كان نفسى ساحل العاج تكسب ، بس مش لدرجة أننا نضرب ضيوفنا

بجد دى أسمها ندالة ، وخسة ، أه هما مُستفزين ورخمين ومعندهمش أدب (بس ده مش كلهم)

ربنا يسامحهم ويسامحنا ،

اللهم لا تجعل بين المُسلمين فتنة

بجد مفيش كلام بعد كلام حضرتك
وربنا يهدى المسلمين ويصلح حالهم

المشاركة الأصلية كتبت بواسطة metenawy

انا مش معاكم الحصل داه مش غلط ولا عيب دول مش قاعدين في حالهم والناس جات ضربتهم لكن دول استفزو الناس واستهترو بيهم فخادو جزاءهمممممممممممممممم

يعنى مثلا لو فى مباراة كرة بين الزمالك والاهلى وحضرتك مثلا اهلاوى وفريقك خسر ولاقيت واحد زملكاوى ماشي فى الشارع فرحان هتنزل تضربة

المشاركة الأصلية كتبت بواسطة الطنطاوي

يعني لو واحد مننا في الجزائر لو حصل معاه زي ما حصل مع الجزائريين في مصر يبقى من حقهم ولا احنا على راسنا ريشة

لا ازاى احنا نعمل اللى احنا عيزينة ولو حد عملنا حاجة يبقى غلطان

المشاركة الأصلية كتبت بواسطة mohamed_refaat

كدة شربوا من نفس الكاس يستاهلوا اكتر من كدة كمان
بالنسبة للناس اللى بتدافع عنهم مهو البادئ اظلم
والعين بالعين والسن بالسن ::::::
صح ولا اية ....
وكون ان هما مسلمين واخوانا فاحنا تمسكنا باحترمنا لاخر دقيقة وهما اللى لغوة ...
فمن الطبيعى ان هما يلاقوا الرد دة دة كفاية اللى عملوة فى ولادنا وبناتنا اللى كانوا شغالين فى الجزاير واللى راحوا يشجعوا كمان ....
ولو اى حد من اللى بيدافع كان لية حد قريبة فى الجزاير واتاذى اكيد كان حيغير موقفة تماما

انا ضد اللى حصل لاننا كدة اصبحنا همج
على فكرة انا والدى فى الجزائر وحضر المشكلة الاولى وكمان هناك دلوقتى

المشاركة الأصلية كتبت بواسطة tamer2020

حد يجبلى نمره التاكس اللى هربهم
ماحنا سكتنا و قولنا حقنا هايجلنا بالادب خدنا أيه ؟؟؟؟؟؟؟؟؟؟؟؟؟؟

:_alshmokh08[1]::_alshmokh08[1]::_alshmokh08[1]::_alshmokh08[1]:

ومين اللى هيجيب لنا حقنا
اللى جابولنا حقنا فى عبارة السلام ولا اللى جابولنا حقنا فى صخرة الدويقة ولا القطارات اللى بتولع ولا اللى بتتقلب
ولا كمان اللى بيجبولنا حقنا فى العربيات اللى عمالة تتقلب بسبب الحفر اللى فى الشوارع
هما دول بقى اللى احنا مستنينهم يجيولنا حقنا من الناس اللى برة

اتمنى ان كلامى ميضايقش حد