يا جماعة ايه فايدة عداد rpm

**romeo_6887** · 08-02-2010 07:21 PM

طب لما الاربي ام بيلعب لوحده يبقي ايه المشكله ؟

**yoko** · 09-02-2010 01:41 AM

لو العربيه مش بارده وبيلعب لوحده يبقى فيشة tps

**yoko** · 09-02-2010 03:22 AM

لو فوق الواحد لحد ما العربيه تسخن وينزل لوحده ده عادي (لو إنجكشن طبعا)
لكن غير كده يبقة فيه مشكله

**yoko** · 09-02-2010 03:43 AM

أعتقد إن الإبيزا ٩٩ إنجكشن هيا المفروض تفضل كده حوالي دقيقة وبعد كده تنزل ل٠.٧ أو ٠.٨ لو منزلش يبقى حساس tps أو مشكله في الecu

**ahmedyehia515** · 09-02-2010 06:11 AM

المشاركة الأصلية كتبت بواسطة draonx

هى العربية ابيزا99 اول ما دورتها العداد طلع للواحد وفضل ثابت عليه

زى ما الزملاء قالوا لو العداد طلع ل اكتر من واحد و بعدين نزل ده طبيعى بس لو منزلش بيكون فى مشكلة و برده لو نزل بس بيلعب، يعنى بيرعش و مش ثابت على رقم معين برده بيكون فى مشكلة بس فى حالة الرعشة بيكون حاجة من دول فلتر الهوا او البنزين عايزين تنضيف او تغيير. الرشاشان و النجكشن عايزين يتنضفوا و فى حالة الرشاشات لو استنيت عليها ممكن بدل ما تتنضف بس الاسبراى او بالالتر سونيك و ترجع سليمة يبقى لازم تتغير.

**ahmedyehia515** · 09-02-2010 06:16 AM

المشاركة الأصلية كتبت بواسطة kh_fawzy

لو سمحت يااستاذ احمد كنت عايز اسال المفروض الواحد ينقل على كام علشان مايبقاش بيقرص على العربيه وشكرا مقدما للاجابه

على حد علمى كل عربية و ليها ظروفها عشان النقل بدرى اوى بيحمل جامد على الموتور و على الجير بوكس، فالموضوع ملوش اجابة صح و اجابة غلط، على حسب نوع و سعة موتور العربية و ظروف الطريق. يعنى مثلاً العربية ال1400 س ىسى عادة بيبقى الريد زون ( المنطقة الحمرا اللى الغيار بيفصل عندها) بتكون عند 5.5 او6 يبقى منطقى انك تنقل عند 3 ا3.5 بس لو راكب m5 و الريد زون عند 8أو9 يبقى مفيش مشكلة خالص انك تنقل عند 5 أو 6.
و برده مينفعش على مطلع كوبرى مثلاً تمشى على أر بى ام قليل اوى عشان انك بتحمل على الموتور جامد.

و الله اعلم