رجاء اللى عمل عمر او نص عمر اوغير موتور يدخل هنا

**emad_ms** · 25-01-2010 11:01 PM

اننى اقترح ان من عمل عمرة او غير طقم شنبر اوغير موتور يكتب تجربتة فى هذهى المشاركة ويوضح نوع موتورة وما هى ظاهرة العطل اللى كان عندة وما هى قطع الغيار اللتى احتاجت للتغيير والتكلفة قد اية حتى يستفيد الجميع من تبادل المعلومات ولانتعرض للاستغلال من الميكانيكية وتجار قطع الغيار ونصيحة منى لمن اراد ان يجرى اصلاح فى سيارتة سواء كان الاصلاح كبير او صغير ان يقف على ايد الصنايعى وياخذ قطع الغيار اللتى تم استبدالها حت لايركبها الى احد اخر واسف للاطالة

**mohamed777** · 26-01-2010 01:40 AM

السلام عليكم ورحمة الله وبركاته
يسعدنى ان اكون اول من يرد على الموضوع واحكيلكم على تجربتى اللي مش قادر انساها مع عمرة المازدا 323 مو 82
اولا مواصفات الموتور 1300سى سى 8صباب كامه علوية مفرده نظام الاشعال ميكانيكى (ابلاتين)
المشكله ظهرت من قبل العمرة بحوالى خمس سنين وكنت ماشى بالموتور مفوت وعدمت الناس ريحه ودخان ازرق وكنت بغير بوجيهات كل شهر تقريباً من كتر الزيت اللى كان بيجى على البوجيهات
ولما اذن الله سبحانه وتعالى بدأت فى عمل العمرة
روحت للميكانيكى اللي عملى عمرة قبل كده دى تانى عمرة ليها لقيتة قفل الورشة وبيشتغل تحت بيته والعده فى بير السلم وقالى ولا يهمك هعملها يعنى هعملها
الصراحه هو واد فاهم جدا وشاطر جداً وانا بثق فية من ناحية التصليح جدأ لانى بتعامل معاه من حوالى 12 سنه
ماطولش عليكم
الطلبات اللي طلبها
طقم صمام وطقم بستم زيرو20 وهلال كرنك وطقم سبيكه كلهم بس ب650جنية
روحت بعد كده للمخرطه خرط الشمايز وقواعد للصمامات ورودية واخد 450جنية
وبعد كده قفلنا الموتور والحمد لله
بس فى حاجات انا غيرتها ماكنش ليها لازمه انها تتغير وكانت شغاله كويس بس الحمد لله التعليم مش ببلاش
زى طلمبة الماية والزيت مش شرط انهم يتغيروا
وكمان فى حاجات كان مهم اوى انها تتغير ماغيرتهاش لحد الان زى الديسك وسير الكاتينة الجنزير وان شاء الله هغيرهم لما تكون فى سيوله شوية
نيجى بقى لمرحلة التليين
اللي انا قراءته فى كتب الميكانيكا ان العربية فى بداية تدويرها لازم تدور 10 دقايق ونبطل 10 زيهم وبعدين ندور نص ساعه ونبطل زيهم وهكذا نضاعف فترات الدوار والتبطيل لحد ما نكمل مجموع اوقات التشغيل ع الواقف من غير ما نتحرك اربع ساعات
طبعاً الشائع عند الميكانيكية نحرق صفيحتين بنزين ع الواقف وبعدين نتحرك
اما بقا اللي انا عملته حرقت 10 لتر ع الواقف وبعدين اتحركت ماكنت قادر اصب الصراحه اتشليت
الحمد لله عدت على خير ومشيت 1000كم وظبط تكيهات والامرو مستريحه بسرعه لا تزيد هن 60 الى 70 كم/ساعه

مهم جدا عن تدوير الموتور لاول مرة انك تكون عامل مفتاح لمروحه الردياتير على شان الموتور هيولع من السخونه اول ما تدور وربنا سترها معايا اول ما دورنا الموتور العربية اترفعت حرارتها فى دقيقة واحده لقيت الماية بتغلى فى الردياتير وبطلنا الموتور فورا وعملنا مفتاح لمروحة الردياتير

الحرارة مهمة جدا فى المرحلة دى جداً جداً متابعتها لحسن الشغل كله يبوظ
وربنا يستر على كل واحد داخل فى الموال ده
والليى عاوز اى استفسار يتفضل
والحمد لله رب العالمين

**emad_ms** · 26-01-2010 05:49 PM

السلام عليكم ورحمة اللة وبكاتة

**tabeb** · 26-01-2010 06:27 PM

فكرة اكتر من رائعة وهتفيد كل اللي داخل علي عمرة او نص عمرة
انا بسمع كتير عن السخونية اللي بعد العمرة ايه بيكون سببها؟وازاي نتجنبها؟

**emad_ms** · 26-01-2010 06:30 PM

السلام عليكم ورحمة اللة وبركاتة الحمد للة انك وجدت ميكنيكى كويس وربنا يناركلك فى عربيتك انا لسة ماعملتش عمرة لاكن سوف احكى لكم تجربة وقع فيها احد اصحابى مع سيارة mazda323 زى سيارتك الميكنيكى اشتغلوا فى العمرة وصرفت علية اكثر من2000 جنية بالرغم منان صاحبى الى اشترا الطلبات للعمرة بس ما كانش واقف مع الميكانيكى ولا بيرحلة الابعد انتهاء العمرة ولملصاحبى طلب قطع الغيار اللت تم تغييرها اداهملة على مضض المهم ان صاحبى مشى بالسيارة بعد العمرة وكان بمعدل كل يومين عند الميكانيكى بسبب كثرة المشاكل فى الموتور لحد ماكملت العربية4000 كمكان فى مشوار ولمبة الزيت نورت بطل السيارة وجاب لهل ميكانيكى اخر كان معدى بسيارة لم بص على السيارة وعرف ان العربية لسة عاملة عمرة وانة غير طلمبة الزيت باخرى يابانى اصلى اخبرة ان اكيد اللمبة معلقة وبعد مامشى بالسيارة2كم الموتور قفش فجاب الميكانيكىاللى عمل العمرة وبعد مشاف الموتور اخبرة انة لابد من اعادة العمرة والسبب فى كدة ان طلمبة الزيت عطلت واخبرة ان اكيد انها كنت مغشو شة ولما فك الموتور اخذ صاحبى الطلمبة العاطلة وذهب اللى بائع قطع الغيار لانة يعرفوا فاكد لة التاجر ان هذة الطلمبة ليست هى اللتى اشتراها منة فا صاحبى والتاجر جابوا ميكانيكى اخر وراحوا كشفوا على الموتور فوجدوا ان الميكانيكى النصاب اللى عمل العمرةاخذ قطع الغيار الجديدة لية وركب بدالها قطع غيارقديمة حتى مش قطع غيار استيراد مستعملة بل قطع غيار هو شايلهامنسيارات قبل كدة وكمان ان الميانيكى فى حجات كتير حاسبوا عليها وهو ما عملهاش فاخذ من الميكانيكى النصاب 1000 جنية وعمل العمره عند ميكانيكى اخر وكان واقف على ايدية وهو بيعمل كل حاجة واسف للاطلة

**mohamed777** · 27-01-2010 12:33 AM

المشاركة الأصلية كتبت بواسطة tabeb

فكرة اكتر من رائعة وهتفيد كل اللي داخل علي عمرة او نص عمرة
انا بسمع كتير عن السخونية اللي بعد العمرة ايه بيكون سببها؟وازاي نتجنبها؟

بيكون سببها ان الاجزاء الجديده لسة ماطبعتش مع بعضها وبيكون فى زوائد هى دى اللي بتزود الاحتكاك بين اجزاء الموتور اثناء فترة التليين
وتجنبها يفضل عمرة الشتا عن الصيف ومتابعة درجه حرارة الموتور جداً
انا اضطريت انى اعمل مفتاح لمروحة الردياتير على شان احافظ على درجة الحرارة مستقرة

**emad_ms** · 28-01-2010 01:21 PM

اية ياجماعة فين ردود الى عمل عمر او نصف عمرة ولا غير موتور ياريت مفيش حد يكسل فى الرد وسوف نستفيد كلنا من تجربة الاخرين وشكرا

**dr_abooody** · 03-02-2010 09:36 AM

و الله انا كمان شغال في العمرة و عايز استفيد و عايز اعرف اخد بالي من اية

**tamer_a7** · 08-02-2010 12:00 PM

السلام عليكم اولا اخوتي الكرام
حقيقه العمره بتكون 50 % ميكانيكي و50% خراط
انا عملت عمره لماتور العربيه الداتشيا نوفا 1998 بتعتي
طبعا كان طقم البساتم بالشيميزات بتعها فرنساوي ب700 جنيه
طقم صباب
غيرت الكتينه
بصراحه الميكانيكي ما كنش اد كده بس هو امين جدا
انا جمعت الماتور عنده بس بعد كده ظبطته عند واحد تاني صنيعي اكتر منه بس مش امين زييه
فعلا في الاول كانت مشكله السخونه بس انا كنت مركز اووي فيها
يمكن اكبر المشاكل كانت فعلا انه الفلتر بتاع الزيت ركب غلط فضرب
ودي كانت مصيبه لانه الزيت نزل علي الارض في ثواني ولولا رحمه ربنا كان وزمان العمربتتعاد تاني(جار ليه نط من الشباك من غير كلام حتي وطفي العربيه فورا وانا جوه ما كنتش شايف انه الزيت ضرب وانا بادور)
التكلفه الاجماليه حوالي 2000
قطع الغيار كلها فرنساوي من شارع الترعه

**tabeb** · 08-02-2010 01:28 PM

بعد كذا مرة تأجيل ان شاء الله تعالي بكره هودي العربية للميكانيكي
عشان عمرة كاملة بإذن الله
دعواتكم ونصايحكم الله يكرمكم

الموضوع: رجاء اللى عمل عمر او نص عمر اوغير موتور يدخل هنا

LinkBack

أدوات الموضوع

عرض

-

-

-

-

-

المواضيع المتشابهه

محتاج مساعده عايز اسقط موتور فى عربيتى الفليشيا اى نوع موتور اللى ينفع يسقط ع

اللى زعلان من النيسان يدخل هنا

اللى رش اكصدامات يدخل يفيدنى

اللى يستلم او اللى استلم اى عربيه بيرسونا او جين 2 2009 يدخل

الكلمات الدلالية لهذا الموضوع

المفضلات

المفضلات

ضوابط المشاركة