عضو جديد ... وعايز مساعدة (الأوتوماتيك بيهيس)(والسنتر متيس)

**ashalaby** · 16-12-2007 11:32 PM

السلام عليكم ورحمه الله وبركاته
بدايه بجد بجد المنتدي أكثر من رائع , ومشاركات الأعضاء ماشاء الله ممتازة
دخلت من يومين بس لكن استفدت فيهم كتير قوي , ألف شكر للقائمين على المنتدى ولجميع الأعضاء :)

بدايه أنا خبرتى فى السيارات فوق الزيرو بشويه , واشتريت عربية من شهر
وطبعا كشفت عليها فى بنزينة قالولى كويسة(أوعى حد يكشف على عربية فى بنزينة - روحوا التوكيل)
المهم كل يوم من ساعتها أكتشف عيب جديد , أخطرهم من وجهه نظرى الفتيس
العربيه سيتروين إكسارا 2 , Automatic
بيحصل عندى مشكله غريبة ... العربية تمشى كويس وبتنقل كويس لكن فجأة تلاقى العربية نطرت نطره جامدة (أكنى عملت كيك داون) وبعدين ألاقى البيان بتاع الفتيس فى التابلوة اختفى وابتدى يعمل فلاش على Sport(s) and Snow(*)
والعربيه ماشية وكل حاجة بس ال أر بى أم لو زودت السرعة يعلى قوى وصوت الموتور بحس انى راكب جرار زراعي
مجرد ما أبطل العربية وأشغلها تانى ترجع لطبيعتها ........ شوية تشتغل كويس وشوية تعمل الحركة دى فى كل مشوار ... بصراحة أنا مرعوب إن يكون الفتيس بايظ لان دة على حد سمعى بيكلف ألوفات ..وربنا يستر
طبعا أنا عملت شوية حركات غبية منها أنى من ساعه مااشتريت العربية مغيرتش زيت ومش عارف أخر مرة كان صاحبها مغيرة امتى .... بس أن شاء الله بكرا أغيرة
المشكله التانية إن السنتر مش شغال لما أقفل يفتح تانى لوحدة , مع العلم انه قعد مثلا اسبوع مش شغال وبعدين اشتغل كويس اسبوع وبعدين مات بقاله اسبوعين ( أنا لم أغسل السيارة خالص :D) يعنى مش مشكله ميه !!
ورحت لواحد بتاع مفتاح وباب فتحه ومعرفش يعمل حاجة وقالى إن دى ممكن تكون مشكله فى ال (PSI)
اللى هوا الكمبيوتر وقالى عليك وعلى عز باشا العرب .... بصراحة أنا حاسس أن مفيش قدامى حل غير إنى فعلا أروح لمستر عز ..... بس دا أكيد هيكون بعد أول مرتب أقبضه بعد العيد

حد فيكم عنده فكرة دي ممكن تكون مشاكل ايه !!!!!!
ودى حاجات من البسيطة بتاعه ميات جنية ولا من بتاعه ألافات خاصة الفتيس (مش عارف كان ماله المانوال)
أنا كان معايا 132 ربنا يكرمها كانت بتمشى لوحدها , مفتكرش ان عمرى غيرت لها زيت (كنت بزود عليها بس كل ما أفتكر:p) ولو كان فيها حاجة كنت برميها عند أول عجلاتي وأنا مطمئن إنه أكيد هيعرف يصلحها

**tutankhamoun** · 17-12-2007 02:56 AM

فيما يبدوا أن مشكلة حضرتك عويصة و الله أعلم
فتيس أوتوماتيك و كمان فرنساوي !!!!!!!!! ربنا يستر و ميكونش بايظ ........... بس أستنى ردود ناس تكون خبيرة في الميكانيكا شوية علشان تفيدك أكثر
بس طبعا هو الأفضل أنك تكشف عليها في التوكيل بالكمبيوتر و يشوفوا هي فيها أيه بالظبط علشان متقعدش تعمل معاك رحكات نص كم و إن شاء الله تكون بسيطة

**Elsayed** · 17-12-2007 07:44 AM

أهلا بالأخت فى المتدى
أنا ايضا عضو جديد من شهرين فقط وهو بالفعل منتدى قيم وياريتنى تعرفت عليه قبل ما اشترى العربيه فأنا عملت مثلك تماما وذهبت الى البنزينه ونفس الشىء بعد 3 ايام اكتشفت الكثير فى العربيه الفتيس التوماتيك والموتور والعفشه بها مشاكل وبدأت فى الإصلاح مش هاطول عليك

كان عندى مشكله فى الفتيس الأتوماتيك وهى نتشه جامده والتوكيل قال لى لازم تفك الفتيس ونشوف ونغير وبلاوى كتير المهم النصيحه هى ان انا اتفقت مع واحد شغال فى التوكيل لكى يصلح العربيه بس بره التوكيل وكان العطل بسيط مقاومه ب700ج والحمد لله
اما المشاكل الأخرى فأنا شغال فيها
انصحك هناك ورش كبيره بها جهاز كمبيوتر إسألى عليها فين وهم يكشفوا على العربيه علشان انا اعتقد ان دى مشكلة حساسات داخل الفتيس لأن الفتيس شغال كويس واحيانا يعمل مشكله ولما تطفى العربيه وتشغليها تانى ترجع لطبيعتها فدىة مشكلة كهرباء ممكن تتصلح مش تغيير الفتيس كله
بس التوكيل هايهول لك الموضوع ومش بيصلح خالص لكنه بيغير بس
اما الورش بره بتغير الحساسات وربنا يسترها معانا جميعا من النصابين وهاقول ايه """ إحنا فى مصر"""

**khaledfox** · 17-12-2007 07:50 AM

السلام عليكم
انا عربيتى اوبل اوتوماتيك حصل شوية مشاكل فى الكهربا سببت ان تقريبا كلام زى اللى حصل عندك كان بيحصل عندى
المهم ربنا لمركز صيانةد قلتله على اللى بيحصل فقالى حكشف على الكمبيوتر بتاع الفتيس وبالفعل دخل عليه وظبطة والحمد لله رجعت كويسة
حاول انت كمان تشوف مركز صيانة خاص بنوع السيارة و تتكلم معاه فى الاول وربنا يوفقك ان شاء الله

**ابراهيم** · 17-12-2007 11:35 AM

السلام عليكم
طب فيه حد عنده فكرة عن مركز صيانة خاص باللانسر علشان عايز اكشف على الفيتيس

**Xpert** · 17-12-2007 10:14 PM

انا ليا تعليق بسيط يمكن يجيبك شويه قدام ..
ممكن (والله اعلم) يكون الفتيس من النوع "الرخم" و يكون ليه كونترول .. و الكنترول ده يكون حصل فيه حاجه ؟
اما بالنسبه للسنتر فالعيب في حاجه من 2 .. ياءما كتاوت السنتر (ده ان كان الستروين زي باقي العربيات و ليها كتاوت منفصل... اصل الجماعه دول بيحبوا يفتو و يتفزلكوا و يخترعوا حاجات عجيبه كده )
اما بقي بالنسبه للفتيس .. انصحك اما بالتخلص من السياره ( هيا الستروين كده) ياءما التغيير للفتيس المانوال (بتغيري الفتيس لو فيه حاجه بايظه في الفتيس .. بس للو غيرتيه هاتي مانوال علي طول) ...
اما بقي بالنسبه للميكانيكي .. فيه واحد في عين الصيره امام بنزينه اسو .. متخصص فتيس اوتوماتك ... روحيله و شوفي ايه النظام .. و برضه باقول تاني لو قالك عاوزه فتيس .. يبقي تجيبي فتيس مانوال احسن
و طبعاً مستر عز الخير و البركه .. بس ساعتها تعملي حسابك في مرتب اول شهر و باقي الشهور معاهم برضه .. (الاحسن بقي .. تروحي التوكيل .. و تكلمي الميكانيكي المتخصص .. و تقوليله اعملهالي بره التوكيل ..)

**Ahmed Selim** · 18-12-2007 01:09 PM

أنا كان فى واحد صلحلى أوبل فيكترا و هما كويسين.....ما توكيل أوبل معتمد بس كنت بشوفهم بيشتغلوا فى عربيات تانية ساعات.

العنوان شارع السكاكينى قبا شارع أحمد سعيد بالعباسية

و أن شاء الله تكون حاجة بسيطة