ايهما افضل سيراتو2010او لانسر شارك2010

**Mshawky** · 28-01-2010 11:17 AM

المشاركة الأصلية كتبت بواسطة aalim

هوه فيه فى مصر لانسر شارك موديل 2010؟؟ معلوماتى ان كل الموجود 2009 نظرا لفشل العربيه فى السوق بسبب الموتور 1500 و هى بتنزل بره بموتور 1800 على الاقل
و انا كنت هاشتريها لحد ما لقيتها بتتباع بخساره فادحه (واحد صاحبى اشتراها من واحد كسر زيرو نزلت من 140 الف سعر الزيرو اللى اشتراها بيه الى 95 الف و بتتباع بأقل من كده كمان)
و مع انى كان امنيتى انى اركب لانسر قررت اشترى السيراتو و ما ندمتش لأن الموديل الجديد تحفه و تقفيله لا يقل عن اليابانى و مع انى كنت لا انظر الي الكيا اصلا غيرت وجهه نظرى 180 درجه و يكفى انها بتتباع خليجى بالهبل و الناس مش فارق حتى معاها الضمان لأن سعر اعادة البيع جيد جدا.

و برضه فارق السعر و قطع الغيار و الوكيل فى صالح الكيا

و الكيا حاليا هى نجم الساعه و اعتقد انها هاتحل محل اللانسر البومه فى السنتين الجايين

و الرأى ليك فى الاخر و نصيحتى جرب العربيتين الأول

كلام سليم جدا

**omar91119** · 28-01-2010 12:59 PM

فعلا السيراتو تكسب لو فعلا المشاكل الى كانت فيها فى الموديلات السبفه اتحلت فى 2010 يبقى خليك فى الكيا وربنا يكرمك

تحياتى

**fouady** · 28-01-2010 01:24 PM

معا احترامي للناس كلها اللانسر شارك تكسب مستريح قوي وبصرحة أنا مش عرف الي اله ثابت السراتو احلة اله على أي أساس ده فرق السما وال ارد هو يمكن السيراتو تجمعها بعد el-130 كده أحسن بس قابل el-100 الشارك أحسن ده من واقع التجربة وأرشحلك الشارك

**Atrees** · 28-01-2010 01:33 PM

مع احترامي ليك انا معايا التنين - السيراتو اثبت واقوي في الموتور - بس الانسر انعم في لبسرعات العالية

**SeiffoZ** · 28-01-2010 01:33 PM

أنا بحب اللانسر الشارك أكتر ...

و بحسها كجودة أقيم ...

**fouady** · 28-01-2010 02:16 PM

أنا صدقني مش بشكك فيك خالص واللهِ اوعى تكون زعلت أنا حكيت عن تجربة بالنسبلي أنا راكب الا على نفس الطريق مرة السيراتو وأنا رايح الساحل وأنا راجع نفس الطريق كنت راكب الشارك وبصراحة أنا شايف إن فيه فرق شاسع ده من رايه طبعا وال سيرتوا بالناسبلي خفيفة زي الالنتراه كده لكن اللانسر من رايه السبت ب فرق

**Ahmed Samy** · 28-01-2010 02:29 PM

المشاركة الأصلية كتبت بواسطة Atrees

بص يا باشا - انا معايا الاتنين وحقولك الصراحة من واقع استخدامي

نعومة ومتانة و خامات وجودة لانسر تكسب - موتور وثبات وكماليات وسعر ووكيل سيراتو تكسب

لما احب اخرج خروجة شيك اخد لانسر - لما احب اخرج شقاوة يبقي سيراتو
عائلية تبقي لانسر - شبابية تبقي سيراتو

لانسر انعم في السواقة بس الموتور كلب بلدي - ممكن تجيب 180 - 190 مستريح بس بعد فترة

استهلاك بنزين لانسر تكسب - انا بمون تقريبا كل 6 ايام - نفس المشوار بالكيا اخري 4 ايام

لو معاك فلوس لانسر هاي لاين او سبورت يبقي لانسر

كلام جميل جدا

بس ليا تعليق

جودة الخامات بين الهاي لاين و الهاي لاين هنا و هنا متساوية تقريبا

دلوقتي السيراتو التابلوه و الأبواب كمان بقوا جلد وده مش في اللانسر

الانسر ملفاتها على سرعات وحشة جدا عكس السيراتو

التوكيل بتاع ميتسوبيشي كويس برضه مش وحش

يعنى يسد قدام توكيل كيا (مع فارق لصالح كيا)

شنطة اللانسر معدومة تماما بسبب الجنط الكبير و البرواز الفوم في الأرضية

عكس السيراتو اللي شنطتها كبيرة جدا

أما الكلب البلدي ..فدي في الجووون

أنا جبت 170 و ماعرفتش أجيب أكتر من كده

أما السيراتو بتجيب 170 لوحدها .....على فكرة دي حاجة مش كويسة (قلبتني)