ايهما افضل لانسر 1300 ام نيسان صنى

**احمدعبدالعزيز** · 26-07-2007 10:29 AM

ايهما افضل لانسر 1300 الخليجى ام نيسان صنى 1600 المصرى حيث ان السعر واحد
فهل الامكانيات واحده ايضا ؟؟؟؟؟

**احمدعبدالعزيز** · 26-07-2007 01:47 PM

المشاركة الأصلية كتبت بواسطة zizo

ايهما افضل لانسر 1300 الخليجى ام نيسان صنى 1600 المصرى حيث ان السعر واحد
فهل الامكانيات واحده ايضا ؟؟؟؟؟

**Dr Ahmed** · 27-07-2007 06:33 PM

من المفترض أن تكون 1600 أقوى لكن ستكون أكثر استهلاكا للبنزين + عيوب التقفيل المحتملة + قطع الغيار الأغلى.
لانسر 1300 مانيوال معى من شهور وهى تعمل بكفاءة الحمد لله حتى مع عمل التكييف طول الوقت+ قطع غيار متوفرة خارج التوكيل+ استهلاك بنزين أفضل + لا توجد عيوب تقفيل ، وعموما لم أحتاج لقوة أكبر من محرك 1300 رغم انى من هواة الجرى.

**Ashraf A.Kader** · 27-07-2007 06:38 PM

علي الاقل الصني ليها توكيل وضمان ومراكز صيانة معتمدة اما اللانسر الخليجي فلا يوجد0 اما عن استهلاك البنزين فهو مش عالي قوي في الصني وقطع غيارها ارخص بكتير من اللانسر كما ان عيوب التقفيل لم اشعر بها

**Dr Ahmed** · 27-07-2007 06:50 PM

يا أستاذ أشرف الموضوع أبسط من كده، إزاى يعنى الخليجى مالوش ضمان ولا مراكز صيانة؟ الضمان موجود والمراكز فى كل مكان وأكتر من مراكز صنى بمراحل ، وقطع غيار الصنى لم أسمع أبدا أنها أرخص من أى سيارة أخرى وأرجو أن تعطينا امثلة تؤيد رأيك.

**mado_1977** · 27-07-2007 07:08 PM

السلام عليكم ورحمة الله وبركاته
احب ان اشارك معكم في هذا الموضوع بناء علي تجربه شخصيه مع العربيتين
انا معايا لانسر 2007 1300 مانيوال ومديري معاه صني اوتوماتيك مصري وطبعا الامر مايسلمش من الغلاسه عليه واستعمال سيارته في كثير من الاوقات واليكم انطباعي عن الصني واللي خلاني ما اشتريهاش
اولا سحب العربيه مع التكييف والاوتوماتيك ضعييييف جداااااااااااااا
ثانيا عفشة الصني ناشفه جدا انا اخويا معاه كورسا 2004 مصري والمعروف عن عغشة الالماني انها ناشفه بس لا عفشتها احسن من الصني بكتيييييييييييييييييير وده مش تحييز والله
ثالثا تكييف العربيه ضعييف
رابعا لما سالته عن استهلاك السياره للبنزين قالي ان استهلاكه عالي وهوه اللي نصحني باللانسر وقالي ابعد عن الصني

**M_Abdallah** · 27-07-2007 07:34 PM

فرق السعر بين اللانسر 1600 و1300 مش كبير(الخليجي)
في رأي هات لانسر1600 احسن من صني 1600

**hossamedeen** · 31-07-2007 10:37 AM

الاخوه الاعزاء لو سمحتولي بالتعليق انا معايا نيسان صني و كمان عندي خبره معقوله في اللانسر في الواقع اللانسر متفوقه علي النيسان في عدة نواحي مثل العفشه لان الصني ناشفه في عفشتها عن اي سياره يابانيه اخري وبالتالي تشعر بعدم راحه عند استخدامها (مقارنة باي ياباني اخر) ولكن عن تجربه تكييف الصني وموتورها من افضل ما عرفت في الياباني كما ان صاج الصني اقوي من اللانسر واستهلاك البنزين واحد تقريبا في كل الياباني عند توحيد (سعة الموتور) ولكن عيب الصني القاتل ليس هذا ولا ذاك ولكن في الواقع هو غلو قطع الغيار فهو ياتي في المرتبه الثالثه بعد الهوندا والسوبارو وهو اغلي من اللانسر ولا يوجد للاصلي بدائل كثيره ولكن السياراتان تتميزان بالعمر الطويل (خصوصا الصني) فالنيسان هم من افضل من صنع محركات في العالم...بالمناسبه انا معايا صني 1300 مانيوال موديل 2000 وزملائي في العمل معهم الصني الجديده