زيت شيل من توكيل كيا ...

**ghazy12** · 27-01-2010 04:10 PM

المشاركة الأصلية كتبت بواسطة atrees

ايه يا عم كل علامات التعجب دي !!!!! - محسسني اني كتبت هيروغليفي

- الكلام واضح مش محتاج توضيح حضرتك - اقراه تاني بس وكل حاجة حتبقي فل ان شاء الله

بالنسبة لاني اقتبست كلامك - متزعلش مني - انا مكنتش اعرف انه غلط

وبالنسبة لدورة الزيت والاتربة انا سالت مهندس محركات طيران زميل اعرفة وقال ان الهواء بتاع اي محرك لازم يمر علي مجموعة فلاتر وبالذات في محركات الانجكشن ودة لمنع اي شوائب تدخل غرفة الاحتراق تماااااااما حتي لو في اعصار مش عاصفة ترابية - وبالتالي لون الزيوت الغامق ناتج فقط من احتراق جزيئات الزيت تحت الضغط والحرارة وبعض الشوائب الناتجة عن الاحتكاك وتاكل المعدن داخل بدن المحرك

ارجوا ان كلامي يكون اوضح دلوقتي ومتحتجش علامات تعجب كتير اوي كدة :ob_mak1[1]:

إيه يا عم!!!!!!!!!!!! اسلوب كلامك غريب جدااا, أنا بقولك (بعد إذنك) وضح, ردك كان (إيه يا عم)!!!

فرق الأسلوب واضح جداا بين كلامي و كلامك, يا ريت لو عايز تتناقش تتكلم بأسلوب احسن من كده

انا بردو ماقلتش ان التراب هو اللي بيخللي الزيت مش نظيف...!!!!

و مقولتش ان الزيت لو لونه غامق او اسود بيكون مش نظيف أصلا..!!!!!

أنا قلت بالفعل ان السبب الرئيسي ان زيت المحرك لونه غامق, هو الاحتكاك بأجزاء المحرك
و معنى ان لونه غامق يبقى بيقوم بدوره على أكمل وجه, و الناس المفروض ما تفهمش انه كده مش نظيف

و لو فيه حد محتاج يقرأ الكلام كويس فهو حضرتك, مش انا أكيد..

راجع الكلام كويس, و اقراه بهدوء علشان تعرف انك فاهم غلط, لأن انا كلامي بردو واضح و مش محتاج مترجم

و مش فاهم علامات التعجب مزعلاك في ايه بالظبط, بس هي تعبير عن إني مستغرب كلامك
لأنك بترد و بتعلق على حاجه انا ماقولتهاش أصلا...

و بالنسبه لإقتباس كلامي, فده شئ مش مزعلني و مفيش منه مشكله بالنسبه ليا, عادي...

ملحوظه: فلاتر الهواء بتاعة العربيه بتمنع الأتربه و الشوائب (بنسبه) و مستحيل تمنعها 100%...

أرجو يكون كلامي بقى واضح, و مفهوم بالنسبه ليك دلوقتي, و اتمنى تكون عرفت ان انت اللي فاهم غلط مش أنا...

يا ريت نتكلم باسلوب أحسن من كده, خصوصا اني بكلمك باحترام, يبقى لازم ترد الاحترام بالاحترام لو سمحت

**Atrees** · 27-01-2010 04:38 PM

علي فكرة انا كنت واخد الموضوع بتهريج ودة كان واضح في ردي عليك - بس واضح انك بتحاول تقلبة خناقة وخلاص

ثانيا ودة الاهم - انا كلامي محترم غصب عنك ومتهيالي اني مغلطش فيك باي كلمة واذا كانت مزعلاك اية يا عم دي بلاش منها رغم اني بهرج مع كل الناس - والا انت اي حد يرد عليك وعلي اي كومنت يبقي اخطا في الكلام ؟؟؟؟؟؟

وبعدين علامات التعجب دي تخاليهالك انا كلامي مش عجب عشان تعمل فيها مش فاهم

ولما تتكلم عن الاحترام تبقي تعرفة الاول لان انا معلقتش علي كلامك باي شيء غير محترم عشان تقولي نتكلم باحترام

واضح جدا اني اتكلمت مع الانسان الغلط والغلط الاكبر اني رديت عليك تاني مرة لاكن توصل المناقشة للمستوي دة ؟؟؟؟؟

بلاها احسن - واخيرا شكرا ليك علي ذوقك في الردود - واضح انك محترم وصدرك رحب للمناقشة اللي هيا اساس المنتدي

**ghazy12** · 27-01-2010 05:41 PM

المشاركة الأصلية كتبت بواسطة atrees

علي فكرة انا كنت واخد الموضوع بتهريج ودة كان واضح في ردي عليك - بس واضح انك بتحاول تقلبة خناقة وخلاص

ثانيا ودة الاهم - انا كلامي محترم غصب عنك ومتهيالي اني مغلطش فيك باي كلمة واذا كانت مزعلاك اية يا عم دي بلاش منها رغم اني بهرج مع كل الناس - والا انت اي حد يرد عليك وعلي اي كومنت يبقي اخطا في الكلام ؟؟؟؟؟؟

وبعدين علامات التعجب دي تخاليهالك انا كلامي مش عجب عشان تعمل فيها مش فاهم

ولما تتكلم عن الاحترام تبقي تعرفة الاول لان انا معلقتش علي كلامك باي شيء غير محترم عشان تقولي نتكلم باحترام

واضح جدا اني اتكلمت مع الانسان الغلط والغلط الاكبر اني رديت عليك تاني مرة لاكن توصل المناقشة للمستوي دة ؟؟؟؟؟

بلاها احسن - واخيرا شكرا ليك علي ذوقك في الردود - واضح انك محترم وصدرك رحب للمناقشة اللي هيا اساس المنتدي

لو انا ماعرفش الاحترام ما كونتش قلتلك (بعد اذنك وضح وجهة نظرك, و لو سمحت,......)

و ردك على كلامي كان (إييه يا عم, و كلامي مش هيروغليفي, و الكلام فل.....)

أظن مش محتاج أوضح, لأن الكلام و الأسلوب واضح جدااا...

و لو انت بتهزر, فطبيعي زي ما كل الناس بتعمل هتقول بعد كلامك (على فكره انا بهزر)...

بس ما عملتش كده, فطبيعي جداا أفهم كلامك انه جد, مش تهريج أبدااااا, و كلامك مش واضح انه تهريج...

و لما قلتلك يا ريت نتكلم باسلوب كويس, كان المفروض تقوللي انك بتهزر...

فكنت هرد عليك بكل بساطه (معلش انا اللي فهمتك غلط, و حقك عليا) لكن انت ماعملتش كده بردو للأسف

يبقى مين اللي عايز يعمل خنافه و يقلب الموضوع؟؟؟؟؟

عموما مش مشكله أبدا, و انا مش زعلان منك لأنك قلت إنك بتهزر, و ده اللي ماكانش واضحلي خالص

أنا ما قلتش انك مش محترم أصلا و راجع كلامي تاني بردو, لأنك فاهم كلامي كله غلط

انا بتوسم في كل الأعضاء بدون استثناء الأحترام و الأدب و الذوق... و انت واحد من الأعضاء

و بلاش الكلام اللي مالهوش معنى (غصب عنك, و اعرف الاحترام.........)
لأنه مش كويس نتكلم بالشكل أو الأسلوب ده مع بعض, لأن سوء التفاهم عندك مش عندي أصلا...

و ممكن نحل الموضوع بشكل أفضل من كده, و بصدر رحب أكتر مني و منك...

و أنا هتجاوز الكلام اللي انت كتبته و كأني ماشوفتوش و بمد ايدي الأول يا سيدي بالسلام...............

**ghost1900** · 27-01-2010 05:53 PM

بالراحة يا شباب أنتوا سخنتوا كده ليه حقكوا على أنا انتوا الاتنين، حصل خير احنا كلنا أخوات لو حد فهم التانى غلط فهى غلطة غير مقصوده.

وبعدين المهندس غازى شخص محترم والأستاذ عتريس كمان مفميش داعى نزعل من بعض ونصعد لغة الحوار فيما بينا.

يلا بقى بلاش دلع وسلموا علي بعض وزى مقلت كلنا أخوات وناس محترمة .

**YaSSerwIN** · 27-01-2010 05:57 PM

اية يا رجالة هو انا عملت الموضوع علشان يحصل كدة ؟؟؟؟

الكش تولع العربية عالزيت بس بلاش خناق

**Atrees** · 27-01-2010 06:08 PM

عموما انا كدة محتاج اغير زيت ليا انا ----- عشان بقيت بسخن بسرعة

**ghazy12** · 27-01-2010 06:11 PM

و انا بقولك يا سيدي ما تزعلش, و انا فهمت كلامك و هزارك غلط, و والله ماعنديش أي مشكله ان حد يهزر معايا

بالعكس والله, انا بحب نهزر و نتكلم بره مواضيع العربيات بكل روح طيبه, و احب اكسب اصدقاء محترمين دائما

هزارك مقبول, و احنا صافي و مافيش مشاكل بينا............

تقبل تحياتي مع علامات تعجب....!!!!!!!!!!!!!!!! ههههههههههههههه (بهزر معاك طبعا)

**hobiko** · 27-01-2010 07:55 PM

الحمد لله الموضوع خلص بالسلام و انتو الاتنين أعضاء غاية في الإحترام

**AELMESRY** · 23-02-2010 09:20 PM

الحمد لله ان الموضوع خلص على خير
بس أنا لي استفسار أنا غيرت زيت شل ال10000 في صيانة ال1000 وسألت المهندس في التوكيل اذا كان استهلاكي للعربية مش كتير يعنى صيانة 10000 حتتأخر شو ية فقاللي يبقى لازم تغير الزيت بعد 9 شهور
المهم أنا رحت سألت أصحابي العاملين في مجال الزيوت
فاختلفت الآراء
منهم اللي قاللي أن الزيوت التخليقية غير مرتبطة بالزمن و منهم قال العكس وأنا مش عارف أعمل ايه