Dremel

**shiko85** · 26-02-2010 09:42 PM

المشاركة الأصلية كتبت بواسطة funnymickey

اول حاجه مفيش بيننا شكر ولا حاجه
احنا اخوات واكتر كمان

اول حاجه مستغربلها سعر الانكو
لاني المفروض اني جايبه من واحد حبيبي لشيكو بالسعر ده

والمفروض اني مش حلاقيه بره

فمعني انك جبت السعر ده يبقي الراجل ده بيشتغلني
وليلته سوده بكره ان شاء الله

ثانيا ابعد عن الموللر عشان ده ولا الماني ولا بتاع
الكرتونه مكتوب عليها كده بس
انما هوا صيني

اللي عجبني انا وشيكو في الانكو نضافته

غير ال abt خالص

وعالعموم يارجاله اسألوا مجرب
اهو شيكو معاه الميني كرافت الانكو بقاله ييجي اسبوعين واكتر
واستعمله وهوا بيعمل الرينجات
اسألوه مين احسن

وعالعموم انا مصورلكو علبه الabt والانكو من جوه

ولو عاوزين اصورهالكو تاني مفيش مشكله

بالنسبه لقطع الغيار
عاوز افهمكو ان قطع غيار الميني كرافت اللي هيا الصواني والسنفره والكلام ده بيتباع لوحده عندنا في الشارع كتير جدا

وفيه محلات مش شغاله غير في القطع والصواني دي
وانا شخصيا اشتريت صينيه منهم وشريف اشتري بردو

اللي مش موجود المسامير نفسها
اللي بتدخل في الميني كرافت ويتثبت فيها الجزء اللي حتشتغل بيه

ودي حلها لو باظت او اتكسرت لاا قدر الله

تتخرط عند خراط

وحتتعمل احسن من الاصليه كمان

وربنا يوفقكو واي حاجه في اسئله او استفسارات من شارع الجمهوريه انا تحت امركو

فعلا السعر عجيب, انت فاكر يا صبحى الثمن الأصلى كان 295 صح ؟ و المفروض الراجل عمل خصم يعنى 195 دى صعب شويه (ممكن يكوم 295 بس هو مخدش باله ) و بعدين دا انا جايبه من التوكيل بتاعه محل مش بيبيع غير Ingco بس, على العموم انا شايف انه افضلهم كاتقفيل بس انا مقدرش احكم على الباقى من غير تجربه
بالنسبه للبنط الــmini craft ممكن تركب عليه اى حاجه يكون الaxe بتاعها 3 مم غير كده لا

**thefoster** · 27-02-2010 04:36 AM

السلام عليكم
بالنسبه لسعر الانكو انا متاكد منه
وكان فى اول محل اسال فيه كان ب 225 جنيه

هو يمكن يكون رخص بعد ما انتو اشتريتوه
الله اعلم

طيب انا عندى استفسار
انا عندى شنيور هل ممكن اجيب البنط بتاعه المينى كرافت واركبها عليه
ولو الاكس بتاع الشنيور كبير ايه الحل
وشكرا

**shiko85** · 27-02-2010 11:06 AM

المشاركة الأصلية كتبت بواسطة thefoster

السلام عليكم
بالنسبه لسعر الانكو انا متاكد منه
وكان فى اول محل اسال فيه كان ب 225 جنيه
هو يمكن يكون رخص بعد ما انتو اشتريتوه
الله اعلم

ممكن يكون رخص فعلا

المشاركة الأصلية كتبت بواسطة thefoster

طيب انا عندى استفسار
انا عندى شنيور هل ممكن اجيب البنط بتاعه المينى كرافت واركبها عليه
ولو الاكس بتاع الشنيور كبير ايه الحل
وشكرا

البنط ولا اسلحه القطع ؟؟
بالنسبه للبنط فعادى جدا بس الشنيور فيه نفس البنط و اصغر كمان
اما لو قصدك السلاح اللى بتقطع بيه, السلاح بيتركب على اكس 3 مم بمسمار من فوق يعنى انت هتبقى محتاج انك تجيب الأكس و السلاح بس خلى بالك الــMini Craft الميزه اللى فيه ان سرعه الفات بتاعته اقل من الشنيور يعنى حتى لو جبت السلاح و الأكس هيبقى صعب عليك تتحكم فالشنيور يعنى لو بتعمل حاجه دقيقه يبقى اكيد هتبوظ منك, لكن لو انت عايز حاجه تقطع بيها و خلاص ممكن تعمل زى صبحى و تجيب السلاح عادى مش بتاع الــMini Craft و تربطه على مسمار و تركبه فالشنيور وخلاص

**a7madramadan** · 28-02-2010 01:32 AM

في محلات متخصصة في بيع الشنيورات و معدات البناه و المواتير و الترمبات ........ روح شوف عندهم شنيور wireless الي بيتشحن ببطارية و هاتله الاضافات دي من اي حد متخصص بتاع عده بوية تقريبا انا باشوف الحاجات بتاعة الصنفرة دي علطوول..

بس الي باقولك عليه ده مجرد بديل ممتاز و الصوت العالي هيخف خـــــــــالص لو جيبت الشنيور ألماني نظيف بس ما تسالنيش عن الاسماء علشان انا موش دايش قد كده في الحاجات دي

**shiko85** · 28-02-2010 12:40 PM

المشاركة الأصلية كتبت بواسطة TheDieSeL

في محلات متخصصة في بيع الشنيورات و معدات البناه و المواتير و الترمبات ........ روح شوف عندهم شنيور wireless الي بيتشحن ببطارية و هاتله الاضافات دي من اي حد متخصص بتاع عده بوية تقريبا انا باشوف الحاجات بتاعة الصنفرة دي علطوول..

بس الي باقولك عليه ده مجرد بديل ممتاز و الصوت العالي هيخف خـــــــــالص لو جيبت الشنيور ألماني نظيف بس ما تسالنيش عن الاسماء علشان انا موش دايش قد كده في الحاجات دي

طيب البديل الألمانى هيكون بكام ؟ و الأسلحه بكام
فالأخر هتوصل لثمن mini craft و ممكن اكتر كمان

**thefoster** · 13-03-2010 01:05 AM

السلام عليكم
احب ابشركو يا حماعه انا الحمد لله اشتريت المينى كرفت الانجكو
واشكر كل الاعضاء اللى اتفاعلو معايا ونصحونى ربنا يباركلهم
وبالنسبه للسعر انا جبته ب 195 جنيه
ولو فى حد عايز يشتريه وعايزنى انزل معاه انا مستعد
ولو حد عايزنى اديله اسم المحل يقولى (بعد اذن الاداره اذا ماكنش ممنوع)

**FunnyMickey** · 13-03-2010 11:18 AM

الف مبروك ياباشا

**FunnyMickey** · 14-03-2010 02:54 AM

لا شكر علي واجب ياجميل
انا مكتفي لحد دلوقتي اني تاجر اعواد اكلريك
استخدمت حوالي 7 اعواد لحد دلوقتي
ومعملتش بيهم حاجه
كلها تجارب فاشله
ولكن لا يأس مع الحياه ولا حياه مع اليأس

اديسون اخترع اللمبه بعد 1000 محاوله
ادينا قاعدين بقي