كل حاجه وليها حاجه يعني ماينفعش انك تركب مساعدين غاز والعربيه أصلا زيت
الخواجه عارف انه في مساعدين غاز انما هو ركب في العربيه مساعدين زيت لأنها هي دي اللي تنفع مع العربيه
معني كدة ان ثبات العربية هوا وظيفة المساعدين و بيكون علي حساب راحة الركاب
شكرا لاستفسارك... الاجابه العلميه والعمليه: نعم فى تعارض بين خواص معامل اخماد المساعد اللى يحقق راحة الركاب (Softer) ومعامل الاخماد اللى بيحقق اتزان المركبه (Rigid)
إزاى؟ مثلا تخيل ان فى عربيه بتلف على سرعه (قول 50 كم/س) اللى بيحصل ان فى انتقال ديناميكى لوزن السياره من العجل اللى جوا الملف الى العجل اللى بره الملف. لو كان معامل الاخماد للمساعد كبير (Rigid) نسبة انتقال الوزن دى هاتقل وده معناه ثبات القوى العرضيه اللى بتحافظ على ثبات وتوازن السياره فى الدوران.
نفس ا لشئ لو ان العربيه بتفرمل بيحصل ان فى انتقال ديناميكى لوزن السياره من العجل الخلفى الى العجل الامامى. لو كان معامل الاخماد للمساعد كبير (Rigid) نسبة انتقال الوزن دى هاتقل وده معناه ثبات القوى الطوليه اللى بتحافظ على ثبات السياره أثناء الفرامل.
ممكن تقول نفس الكلام برده لو العربيه بتعمل تسارع.....
الخلاصه ان من وجه نظر تحسين اداء السياره فى ظرووف العمل المختلفه يجب تقليل تغير الاحمال (ديناميكيا) على العجل/الاطار وده بيتطلب زى ما قلت معامل اخمادكبير للمساعد (Rigid).
طيب لو قلت (زى ما بيقول الناس) ان المساعد ناشف (معامل اخماد للمساعد كبير -Rigid) ده هايسبب تقليل امتصاص الصدمات اللى بيسببها المطبات وخلافه بالتالى تقليل راحة الراكب والاحساس بخشونه الطريق.
وده معناه تعارض فى تحقيق الاهداف لنفس التصميم .... طيب عملو ايه؟
حطوا مجموعه من الحساسات لاستناج ايه هى الظرووف المطلوب فيها تحسين راحة الراكب والظرووف المطلوب فيها الاهتمام اكتر باتزان السياره واعطاء نسبة الاخماد اللى بتحقق الهدف المطلوب ومن هنا كان بدايه تصميم نظم التعليق النشط او النصف نشط
اتمنى انى اكون اضفت ليكم شئ..... وشكرا
حضرتك ليه اعتبرك كلامى مقصود بيه تقليل من شان اضافتك القيمة؟ انا فقط حطيت التنويه ده علشان محدش ينزل يدور على منظومة التعليق الالكترونى اللى حضرتا اتكلمت عنها فى عربيته الفيرنا او اللانوس، اما عن قصة 99.9% فحضرتك عملت زى اللى قال ولا تقربوا الصلاه، حضرتك اخدت نص جملتى وسبت النص التانى، انا قلت 99.9% من السيارات....نكمل جملتى من فضلك... التى نراها ونستعملها كل يوم. يعنى انا بتكلم عن اللى احنا عايشينه هنا فى مصر ، لا ليا دعوة بأه اول تعليق الكترونى نزل سنه كام ولا غير ذلك، ولو مش مصدق نسبة ال 99.9% انزل مشكورا اقعد على اى كافيه على شارع صلاح سالم وعد العربيات اللى بتعدى وشوف كام واحدة منهم فيها نظام تعليق الكترونى، غالبا هتلاقى ان نسبة ال0.1% اللى انا اقترحتها مبالغ فيها كمان . فقط ارجو ان قبل ما نفكر ناخد الأمور على محمل شخصى ونرد ردور تحمل ملامح التهكم( وحضرتك بتقول 99.9%) اننا نفترض حسن النية لأن انا مقصدتش اى حاجة من اللى جه فى دماغك وبنيت عليه ردك
مشكور يا باشا
مشكوووووووور
هل المساعدين له علاقة بقواعد المحرك ,, بمعنى لو المساعدين من النوع الرياضى (الناشف)
هل ده بيضر قواعد المحرك ولا لازم اغير قواعد المحرك لنوع اقوع ,مش عارف
استاااااااااااااااااااااا ااااااااااااااااااااااااا ااااااذ
أنا عايز أسأل يعني ايه كوبلن وبياعمل ايه ولو سمحت اسمه بال إنجليزي