[OVERLINE] [/OVERLINE][OVERLINE]
دعوه لاصحاب الفتيس mmt وحصل معاهم مشاكل (عيب وتم تصليحه في التوكيل) وليس مشاكل عدم معرفه استخدام الفتيس كل واحد يحكي الي حصل معاه بالتفصيل ونتعاون للوقوف ضد التوكيل وجعله يحل هذه المشكله باي طريقه وشكرا
[/OVERLINE]
عرض للطباعة
[OVERLINE] [/OVERLINE][OVERLINE]
دعوه لاصحاب الفتيس mmt وحصل معاهم مشاكل (عيب وتم تصليحه في التوكيل) وليس مشاكل عدم معرفه استخدام الفتيس كل واحد يحكي الي حصل معاه بالتفصيل ونتعاون للوقوف ضد التوكيل وجعله يحل هذه المشكله باي طريقه وشكرا
[/OVERLINE]
معايا كورولا 2008 بروفيشنال وعامل بيها 78000 كم بالنسبه للفتيس بجد هو رائع والي يعرف يتعامل معاه بيقدر يطلع البور بتاع العربيه انا عن نفسي بسوق دايما علي e ومستحيل حد قاعد معايا في العربيه يحس بزكه او نتشه هو عاوز تدريب وفهم طبيعه الفتيس بس وانت عن طريق دواسه البنزين بتقدر تتحكم في كل حاجه تسقط نقله تحرق علي الغيار تنقل بدري كله من دواسه البنزين فقط ممكن تعمله
بالنسبه للسوفت وير ده عباره عن اعاده تغيرر قيم الخلوصات بتاعت الفتيس لان نتيجه الاستخدام اسطوانه الدبرياش بتتاكل والكلاتشات فلازم بيدخلو للكمبيوتر المسؤل عن عمليه النقل بتاع الفتيس المسافات و القيم الجديده بس مش اكتر ودي بتتم مع كل صيانه دوريه عادي مبتعملش اختلاف محسوس كبير
المشكله بقي في الفتيس ده انه عاوز معامله خاصه شويه ومحافظه ويكون الواحد بيتعامل معاه بحساسيه لان بيجيب عيوب و العيوب دي نتيجه عده عوامل التعامل الغلط مثل حد رجله ثقيله او مش عارف يتعامل مع الفتيس والزحمه في مصر من اسباب عيوب الفتيس ده لان الفتيس فيه نظام حمايه اي حاجه تحصل غلط في الفتيس الكمبيوتر بيفصل الحركه ويخلي الفتيس علي N وميعشقش للمحافظه علي الفتيس وعدم احداث ضرر به ويسمي ب (N Error)
يعني لو اسطوانه الدبرياج سخنت بيفصل او اي حاجه باظت في الفتيس
بمجرد انك تطفي العربيه وتسيبها دقائق وتشغلها تاني بيشتغل الفتيس عادي مده الدقائق المنتظره تعتمد علي العيب الي في الفتيس نتيجه سخونه او ايه
يجب مراعاه اثاء القياده عند النقلات تخف رجلك من علي الدواسه شويه عشان الاسطوانه متسخنش لانها مش اوتوماتك يعني بتاخد جزء من الوقت للنقل لما انت بتفضل دايس بنزين بتحمل علي الاسطوانه ومع التكرار بتسخن طبعا الكلام ده انا مش جايبه من عندي انا عرفته بعد مناقشات وابحاث مع المدير الفني لتوكيل ابو رواش
انا جيه معايا n error ده مرتين اول مره كانت عند 20000 كم تقريبا والعربيه دخلت التوكيل وقعدت 4 ايام واتغير فيها جزء اسمه اكتويتور وهو عبار عن ماتورين المسؤلين عن عملية النقل وتحريك عصا الفتيس بدل منك وده بيتاثر جدا في الزحمه للان من كتر النقلات بيسخن تقريبا ثمنه حوالي 800 جنيه غير المصنعيه بس التوكيل غيرهم ببلاش بس انا سئلت علي سعرهم
العربيه بقت زي الفل وتمام مشيت بيها لحد 45000 كم اخويا كان في الفتره دي بيسوقها ورجليه تقيله شويه و مش فاهم كيفيه التعامل مع العربيه جابت n error وديتها التوكيل ودخلت 4 ايام وقالو المره دي هنغير طقم دبرياج كامل وغيروه فعلا والعربيه بقت تمام سئلت برضو علي ثمنه :) من باب العلم لقيته 3000 جنيه
العربيه مشيت تمام لحد 70000 كم لقيت ان في صوت بيجي تكه بين الغيار التانى و الاول وتحديد و هي بتنزل من ال 2 للاول هي مكنتش عامل معايا عيب و الصوت ده كان بيروح ويجي بس لما اسوق بطريقه رياضيه قولت اروح اشوف ايه ده قبل ما اطلع من الضمان
روحت التوكيل و انا عامل بيها 78000 كم وكشفو عليها قالو الغوايش بتاعت الفتيس وده عيب صناعه :) وفعلا دخلت التوكيل للمره الثالثه وغيروها وقعدت 4 ايام الحمد لله العربيه كويسه جدا دلوقت و لسه مستلمها من التوكيل و هي عامله 78000 كم بجد الفتيس ده احلي من الاتوماتيك والمانيوال بس للاسف العيوب دي بتظهر لانه مش ماشي مع الزحمه هنا والوقوف و الطلوع كتير وتيوتا اليابان علي علم بالمشكله دي لان نسبه العربيات الي بتدخل التوكيل صيانه في الفتيس كبيره عشان كده وقفو نزولها مصر المشكله بقي مش عارف التوكيل هيعمل معانا ايه بعد خروجنا من الضمان يعني بعد ما نعدي 100000 كم اكيد اي عيب هيعملو الفتيس هندفع فيه دم قلبنا :) يا ريت كل واحد له تجربه مع التوكيل و لسه في الضمان يقولها ونتجمع ونشوف التوكيل ده هيعمل معانا ايه حتى لو نرفع قضيه علي التوكيل ونطالب بتغيير الفتيس باتوماتك عادي او جعل فتره الضمان علي الفتيس فقط مفتوحه
امكانيه تغيير الفتي باتوماتيك عادي انا سئلت فيها في التوكيل ممكنه بس مكلفه جدا لان بيتم تغيير الضفيره و الكنترول يونت و الكمبيوتر
وشكرا لتعاونكم
الف شكر لحضرتك لطرح خبرتك مع الفتيس ده أكيد هتفيد الأعضاء هنا
أنا معايا العربية من 2008 ومفيش ولا مشكلة من الفتيس لغاية دلوقتى 30000 كم لكن غيرت كوبلن و2 مساعدين ودلوقتى حاغير عمود الدركسيون بس لسه ما وصلش
لكن مشكلة تعامل التوكيل مع الفتيس بعد الضمان دى فعلا عايزه وقفة جماعية منا
احتمال كبير ان الصيانة بعد الضمان هتبقي من بنود الصيانة الدورية او عند الحاجة وان كان فيه فلوس هتبقي رمزية علي حسب كلام موظفين في التوكيل بس لسة الكلام ده مش اكيد عشان لسة الضمان اللى علي العربيات لم ينتهي بعد.
صيانة الn error بيبقي علاجها السوفت وير والبرمجة مش بتاخد ساعة.
لو فيه تأخير في النقلة او في صوت عالى للنقلة.....الخ بيبقي علاجها في ربط الكلتش اكتويتور علشان يكون قريب من الأسطوانة....لأن الأسطوانة مع الأستخدام بتتأكل سواء كان في فتيس مانيوال عادي او ام ام تي لكن في المانيوال العادي بتبقي دواسة الدبرياج هيدروليك فمع الضغط عليها الواحد مش هيحس بمشكلة اما في الأم ام تي علشان الكلتش اكتيويتور بيقوم بدور الدبرياج لازم تكون المسافة بينه وبين الأسطوانة 0 zero ....يعني كأنه بيعمل رجلاش للكلتش زي رجلاش الفرامل وبرده العملية دي غير مكلفة علي الأطلاق ومافيهاش تغيير لأي قطع.
ال n error مش بيتحل بي السوفت وير السوفت وير بيظبط بس حساسه العربيه معاك يعني بيعلي حساسيه العربيه واو ما تشيل رجله من علي الفرامل بتجري العربيه ال آن ايرور بيجي مع كل عيوب الفتيس يعني لو سخن لو كمبيوتر الفتيس خرف لو الكلاتشات سخنت ومبقتش بتنقل لو اسطوانه الدبرياج سخنت او باظن انا اول مرتين اداني فيها ان ايرور كل مره كان عيب مختلف مره غيرت اكتويتور والمره التانيه اداني ان ايرور غيرت طقم الدبرياش واقل تكلفه تعالج بيها اي ان ايرور مبتقلش عن 1000 جنيه يعني مفيش حاجه هتكون ببلاش بعد الضمان
ياجماعة يا ريت اى حد عنده مشكلاه ف الفتيس يكلمنى ضروري لان العربيه فعلا فيها عيوب صناعه وانا اشتكيت لجهاز حمايه المستهلك و وعدونى انهم هيجبرو التوكيل يغير الفتيس ب اوتوماتيك عادي زي2010 او العربيه بالكامل بس المشكلة ان التوكيل بيقول ده حاله فردية. ياريت نجمع اكبر قدر من الشكاوي عشان نضغط علي الشركة علما اني غيرت......اربع مساعدين&و اربع طنابير و تيل خلفى و امامى وبلية عجل ومنتظر وصول عمود الدرىكسىون لتغييره كل دة علي حسابهم واخيرا الفتيس فصل تماما و العداد علي 30.000 كم مروان عبد العليم 0103333062
العضو الفاضل marwanmohamed ممكن تفاصيل أكثر عن موضوع الفتيس ؟ وليه التغيرات دى كلها في العربية ؟
المفروض في الحالات اللى زي دي بيجيبوا لجنة من كلية الهندسة تعاين العربية وبتعمل تقرير.
مشاكل الفتيس والn error اصبحت حالات فردية خاصة بعد تحديث السوفت وير وانا احد ملاك العربية المشكلة دي حصلتلي من سنة ومن بعد تحديث السوفت وير لم تظهر عندي قط والناس اللى معاها موديلات 2009 مشفتش حد بيشتكي من المشاكل دي لكن ممكن يشتكوا من النتشة الخفيفة والحاجات البسيطة اللى زي دي.
الفتيس بينزل في اوروبا من 2005 و بينزل عندنا من 2008 والعربية ماتسحبتش من اوروبا وده هيدعم موقف التوكيل ضد اي شكوي.
جميع الصيانات التي تحدث في الضمان تتحملها الشركة المصنعة(تويوتا) متمثلة في التوكيل تويوتا ايجيبت لذلك لايستطيع التوكيل اصدار قرار بسحب السيارة دون موافقة الشركة الأم.
معلش على التأخير فى الرد
غيرت المساعدين قدام ومش بامشي فى طرق مكسرة لكن ده وارد انه يحصل فى اي عربية وعمود الدركسيون الفنى طلب انه يتغير لما طلع يجرب العربية لان كان فيه صوت زي نقره كده ناحية الدركسيون - كل الاصلاحات دى كانت على حساب التوكيل لان العربية لسه فى الضمان وبصراحة دى ميزة كبيرة فى تويوتا لانهم مش بيجادلوا فى تصليح اى عيب يظهر حتى لو كان خفيف
أولا: عمود الدركسيون وصل يا استاذ مروان وانا غيرته يوم 2/2
ثانيا: وانا فى التوكيل دخلت لمسئول الصيانة وتناقشت معاه فى موضوع الـ N error اللى حصل لبعض مالكى العربية وموضوع طلب رئيس حماية المستهلك بان تتعامل تويوتا مصر مع المصرين بنفس الطريقة اللى اتعاملت بها فى اوروبا وامريكا وكان عنده مدير العلاقات العامة لتويوتا مصر وقاللى انهم متابعيين مع اليابان كل المشاكل الخاصة بالفتيس mmt وكان هناك ايضا رئيس حزب شباب مصر أ /أحمد عبد الهادى بيصلح عربيته وهى mmt برضه وتدخل فى الكلام وتحمس جدا لعمل لوبى من أصحاب العربية للضغط على التوكيل لان بصراحة مشكلة الـ N error دى خطيرة جدا وهى للامانة ماحصلتش عندى لغاية دلوقتى لكن عموما ده رقم تليفونى ورقم تليفون
أ / أحمد عبد الهادى لانى استاذنته انى أحط تليفوناته هنا على المنتدى ورحب جدا:
تليفونى: 0117755222
تليفون أ/ أحمد عبد الهادى رئيس حزب شباب مصر 0102596096 - 23912014
المجموعة لغاية دلوقتى
مروان عبد العليم 0103333062
حسام كمال 0117755222
أحمد عبدالهادى 0102596096
طب معلش سؤال.
الأخوة مالكي السيارة بيشتكوا من ايه بالظبط من الفتيس ولا من الحاجات اللى اتغيرت-مساعدين طنابير-عمود دركسيون)
وايه المطلوب تعديل تصميم الفتيس-ولا استبدال السيارة-اسبدال الفتيس.
وموديلات العربيات2008 ولا 2009.
وهل كل السيارات حصللها الn error واللى حصلتله حصلتله كام مرة وقبل ما يحدث السوفت وير ولا بعديه.
علي فكرة الموضوع ده مهم جدا لان إذا فعلا هناك عدد بالمجموعة يمكن الضغط علي الوكيل والمطلوب إن يتم استبدال الفتيس وذلك لان الوكيل فعلا وقف استيراد العربية وايضا لم يضعها في خطته فبالتالي هناك عدد من السيارات كورولا mmt لا يعرف احد مصيرها بعد انتهاء فترة الضمان -- وبالتالي اذا كانت العربية من قبل الوكيل ليست في حساباته فمن الافضل تغيرها. او فتح فترة الضمان مدة اكثر .
انا محسلش ليه مشكلة ال n بس ممكن تحصل لان ده وارد جدا طالما حصلت لاي عربية اخري مع اني بشد بالعربية و اجري بيها ، وانا انضم لكم وده رقمي 0118574458
أنا نقلت الصورة بكل امانة ووضوح وأنا مش باشتكى من سوء أداء للفتيس لكن حبيت أشرككم فى تجربتى الاخيرة مع التوكيل.
والتوكيل بصراحة هايل فى التعامل مع مشاكل السيارة من استبدال مساعدين وسوفت وير أو اى حاجة تظهر بالسيارة
لكن المبدأ اللى باتكلم فيه انه مش لازم كل السيارات تحصل فيها الـ N error علشان يبدأوا فى مصر يتعاملوا مع الموقف ده بدليل ان فى اوروبا وامريكا حصلت المشكلة بتاعة دواسة البنزين مع عدد قليل جدا من السيارات واتخذت شركة تويوتا قرار بسحب السيارات من السوق زى ما اخ فى المنتدى وضح فى موضوع أخر.
وأنا شايف ان مشكلة N error دى جديدة وفى منتهى الخطورة يعنى ممكن تحصل لاى حد وهو ماشى فى منتصف طريق سريع مثلا أو فى ملف.
والمطلوب: انه اى حد حصل معاه مشكلة N error او يعرف حد حصله المشكلة دى ينسق مع المجموعة للضغط على التوكيل لحل هذه المشكلة.
لكن يحلها ازاى فأعتقد ان ده قرار تويوتا اللى اعتقد انهم أحرص الناس على الحل بشكل مرضي للعملاء
أشرف محمد 0118574458
يا خساره يا تويوتا
:vctry:المجوعة لغاية دلوقتى بقت 5
طب ماهو تويوتا حلت المشكلة عن طريق السوفت وير الجديد وده غير ان الشكاوي قلت مع انتشار العربية يعني في 2008 شوف الشكاوي كانت عاملة ازاي وبعد كده في 2009 الكورولا تزلت بالفتيس وعليه السوفت وير الجديد ولغاية دلوقتي ماشفتش حد من ملاك هذا الموديل اشتكوا من حاجة غير شكاوي متعلقة بطريقة السواقة....يبقي مش المطلوب اننا نطالب بسحب العربية واستبدال الفتيس لأننا كلنا متفقين علي ان اداءه رائع لكن نطلب ان الفتيس يتعمله فحص علي الجهاز مع الصيانة الدورية (وده وارد جدا) مثلا يبقي الدعم للسوفت وير مدي الحياة والحاجات دي امرها سهل لأن مافيش شركة هتبدل عربية يعني حتي في العربيات اللى فيها مشكلة دواسة البنزين اتسحبت علشان الدواسة تتعدل وهترجع لأصحابها تاني.
وانا علي ثقة ان لو الفتيس فيه مشكلة تصميم يبقي تويوتا هتحلها ومش معني انها وقفت انتاج العربية يبقي خرجتها من حساباتها ممكن تكون فيه دراسات وابحاث وتجارب بيعملوها علشان تطوير الفتيس زي ما وقفوا انتاج السيارات لمدة اسبوع لحين وصول الدواسات البنزين الجديدة....ده غير ان فيه فتيس ابتدي ينزل في اوروبا 6نقلات.
يا استاذ ابو وليد الموضوع مش سوفت وير السوفت وير ده عباره عن تعويض فارق الخلوصات الي بتتاكل عشان متحسش بالنتش بتقل والعربيه تطلع بسرعه اول ما تشيل رجلك من علي الفرامل ومبيحلش اي مشاكل غير المشكلتين دول بس انما الفتيس بيجيب عيوب ودي حقيقه ومع الوقت الي مظهرش عنده عيب هيظهر والتوكيل بيستخدم سياسة تسكيت العميل و الله اعلم بعد ما فتره الضمان تخلص هيكون الوضع ايه بس انا ليا صديق مهندس جوه في توكيل تويوتا قالي في عيوب فعلا في العربيه بتجيب مساعدين بسرعه ومشاكل الفتيس متكرره كتير ونسبه عاليا جدا بتدخل صيانه للفتيس وبيتغير فيها اجزاء وتنحصر الاجزاء الي بتعطل في (كمبيوتر الفتيس وده غير الكمبيوتر بتاع العربيه الرئيسى - اكتويتور وهو عباره عن ماتورين بيحركو عصاه النقل بدل منك - طقم الدبرياج بيستهلك بصوره سريعه واي سخونه ليه لازم يتغير ومعندسين التوكيل بيقولو الطبيعي انه يتغير كل 20 او 30 الف كيلو بس ده تهريج طبعا لان الفتيس العادي المانيوال بتاع تويوتا بيقعد ب 100 الف و اكتر ده فينا والله قاعد معاهم لحد 200 الف ومغيرهوش لما انا بق اكون محتاج اغير طقم دبرياج كل 30 الف ثمنه 3000 دي متبقاش عربيه تويوتا دي محصلتش الصيني حتى - الغوايش بتاعت الفتيس وبرضو عرفت ان نسبه كبيره بتغيرها ) والعيب الي بيجي في عكود الدركسيون تقريبا برضو عيب عام لان كذا واحد اشتكي منه انا برضو عندي العيب ده بس العضه فيه خفيفه ومش عارف لسه هغيره ولا ايه و عندي المساعدين برضو بايزه ولسه مغيرتهاش ولما كنت بشتكي في التوكيل من المساعدين كانو بيقولولي ان العفشه هي كده طبيعتها ناشفه عشان رياضيه بس الي عرفته من بعض الزملاء بعد تغيير المساعدين البايزه العفشه بقت معاهم ناعمه ومبتعملش صوت ولا دبدبه المهم المطلوب من اي شخص قابلته مشكله وحلها يحكيها بالتفصيل للاستفاده من بعض وشكرا
انا غيرت الحاجات دة كلها بعد مشاكل كتيرة مع التوكيل وكانو ف كل مرة بيحاولوا يقنعوني ان العربيه نظامها كدة ولازم تكون العفشة ناشفة عشان تكون ثابتة علي الطريق ولكن لما كنت بزعق واعلى صوتي هناك كانو بيعترفوا ان المساعدين بايظة وغيرت الاول المساعد الخلفي يمين وبعدين الشمال ولما حسيت بتحسن كبير ف العربية عملت معاهم مشكلة تانية و اجبرتهم يغيروا المساعدين الاماميين وبجد حسيت بنعومة غريبة احسن ماكانت العربية جاية وبعد المساعدين جربت العربية مع مهندس الصيانة و اعترفلي ان في تخبيط لسة موجود بسبب عمود الدريكسيون وادانى كارت اغيرها بية لأنها مش موجوده دلوقت.وبعدين لقيت العربية بترعش جامد على الطريق والفرامل بقت سيئة رحت التوكيل قالولى الطنابيرالامامية والخلفية فيها عيوب صناعة هنغيرها ف الضمان بس التيل الخلفى و الامامي هيتغير على حسابك ب 1200.0جنية.عملت معاهم مشكلة كبيرة و قلتلهم مدام بتعترفوا ان الطنابير بايظة يبقى اكيد هيا الى بوظت التيل وماردتش ادفع ولا مليم وغيروها على حسابهم.وبعدين سمعت صوت جشانة جامدة ف العجلة الشمال قدام ورحت التوكيل وغيرولي بلية العجلة علي حسابهم . واخيرا مشكلة الفتيس رحت التوكيل و حاولوا يقنعونى انها مشكلة فردية و مابتحصلش وهنصلحهالك على حسابنا رفضت وعليت صوتى جامد اكتشفت ان في ناس كتير موجوده وبتصلح الفتيس لثالث و رابع مرة وكل واحد مفهمينوا ان المشكله عندة هو بس.عملت معاهم مشكلة كبيره واتصلت بالنجدة وعملت محضر ف قسم الوايلى فحاولوا يهدونى و قالولى حضرتك هي نظامها كدة ولازم كل عشرين الف كم تغير اسطوانة ودسك .قولتلهم ولما الضمان يخلص هعمل اية ماعرفوش يردوا عليا.......دلوقت الى عايز ياخد حقة لازم يعمل شكوي ف جهاز حماية المستهلك على رقم 19588ويبعتلهم على الفاكس صورة الضمان والرخصة لان الاستاذ.سعيد الالفى رئيس الجهاز بيجمع اكبر عدد من الشكاوي عشان يثبت للتوكيل انها مش حالات فرديه.وانا واللة واخد منة وعد ان لو ثبت ان فية شكاوي كتير من نفس العيب الجهاز حيجبر التوكيل انة يرجعلنا فلوسنا او يغيرولنا العربيات ودة حصلت مع توكيل كومودو و اسبرانزا........المشكلة يجماعة ان التوكيل متأكد اننا عمرنا ما هنتجمع و انهم بيعرفوا ازاي يسكتوا كل واحد على حدة ويوهموة انها مشكلتة هو بس...........انا عايز كلنا نعمل الشكاوي , وكلنا نوصل لبعض ونحاول نحدد يوم و نروح التوكيل كلنا مش بأقل من عشر عربيات ونقف قدامهم و نوريهم انها مشكلة عامة ومن غير مانعمل مشكلة معاهم.....
تليفونى0103333062
يا ساتر يا رب
دا ايه المشاكل دى كلها
بصراحة حاجة تسد النفس ان الواحد يركب العربية
بس سؤال هى مش المانيوال والاتوماتيك العادى 2010 نفس عربيتنا ما عدا الفتيس
يعنى مفروض يكون فيها كل المشاكل اللى بتكلموا عليها ما عدا الكلام اللى على الفتيس ولا هى العيوب فى العربيات اللى فيها فتيس mmt بس ؟
الى بيحصل ده مهزله بصراحه انا كمان بشتكى من الفتيس المالتى موود
كده تمام احنا لازم نجمع اكبر عدد من الناس
انا من اسكندريه ومعايا 3 كمان بيشتكو من نفس الموضوع
اسلام /0101508064
انا بالرغم اني العربية معايا مافيهاش مشاكل لكن اعلن تضامني معكم لأني برده مالك للسيارة زي اللى معاكم بالظبط ووارد لاقدر الله ذلك انه تظهر مشاكل في المستقبل بس انا شايف ان معظم الناس اللى دخلت قليل منهم اللى حدد مشكلته مع الفتيس وده كان طلب صاحب الموضوع لأن العملية مش مطالبة ان العربية تتسحب وخلاص طب ماهو بعد ماتتسحب احنا كده استفدنا ايه في امريكا العربيات متسحبتش من اول شكوي لكن اخذت وقت وابحاث ودراسات......الخ...المفروض نعمل مقابلة نقعد فيها مع مدير خدمة العملاء ومدير خدمة ما بعد البيع وهو ده اللى مفروض يحصل في الأساس بمعني الحل الودي اولا لأن برده جهاز حماية المستهلك هيبتدي بالحل الودي.
الشكوي دلوقتي لو حددناها هنلاقيها بتنحصر في السوفت وير و الكلتش اكتيويتور ومجموعة الدبرياج وغوايش الفتيس.....اهم حاجة في دول هو الكلتش اكتيويتور لأن ده الجزء المستحدث في فكرة عمل الفتيس والسوفت وير اللى كان بيهنج وده مشكلته اتحلت.
وفيه عربيات تانية فيها نفس الفتيس زي الأوبل والفيات ماسمعتش فيها مشكلة لغاية دلوقتي غير برضه مشاكل تتعلق بطريقة السوافة.
وفيه موضوع اتعمل للعضو sadany18 فMMT2007 Recallيه قرار لتويوتا اوروبا بعمل حملة فحص للسيارات الكورولا الفيرسو والكورولا العادية المزودة بنفس الفتيس وحملة الفحص ممتدة حتي 2012 زي ما انا فهمت من الكلام المكتوب.
يبقي المطلوب ايه مد فترة الضمان او تكون فترة الضمان تبتدي من اخر صيانة اتعملت للفتيس يعني واحد عمل صيانة او تغيير لأحد الأجزاء في الفتيس لعربية موديل 2008 عملها في 2010 يكون الضمان علي الجزء المتغير يبتدي من 2010 حتي 2011 .
واللى عنده اقتراح يا ريت يقول.
يا استاذ ابو وليد انا معاك ان مد فترة الضمان ممكن يكون حل .وانا عن نفسى فكرت ف كدة....بس المشكلة ان الفتيس مايخليش اي حد يجرؤ يسافر بالعربية او يستخدمها فى مشاوير طولية لانة لما بيفصل بn errorمابيديش انذار قبلها و مالوش عدد كم معين يعنى ممكن كل 10000كم او 12000او 20000تقريبا علي حسب ايه المشكلة ال فية وانا على فكرة الفتيس فصل منى ف طريق اسيوط الصحراوي وما اشتغلش غير بعد ساعتين..ومره ثانية على طريق القطامية و قطرت العربية. ف الواحد فقد الثقة انة يمشى بالعربية ده . غير ان العربية بتستهلك قطع غيار بصورة فجة.........
علي العموم حيكون فى 10افراد يوم السبت الموافق(13فبراير)عاملين شكاوي في حماية المستهلك واقفين قدام التوكيل بعربياتهم عشان نطالبهم بأبسط حاجة و هى تغير الفتيس لأوتوماتيك عادي.وقبلها بيوم( الجمعة 12فبراير) هنكون متجمعين كلنا في مصر الجديده عشان نحدد طلباتنا بالظبط...
الي يحب يكون معانا يتصل بيا 0103333062
بالفعل يا ابو وليد اي قطعه غيار بيتم تغييرها في التوكيل بتاخد عليها ضمان لمده 3 شهور او 5000 كم بس مد فتره الضمان مش حل لان زي ما استاذ مروان قال ان العربيه معرضه تقف في اي طريق وده مشكله كبيره
هو انا كده محطوط امام الأمر الواقع لأني حتي لو انا رضيت بالفتيس دلوقتي وانا الأن فعلا مقتنع بيه تماما ...مجرد ان واحد بس هيغير الفتيس هيضر كل اللى معاه العربية بالفتيس ال mmt حتي لو معملتش معاه مشاكل كفاية ان بيعها هيتوقف وكمان عايز اقول ان الناس اللى اشترت العربية مؤخرا في العرض متزعلش او تضايق بالعكس ده ممكن يكون خير ليها ......
فأنا لسة هشاور الأمر مع نفسي لأنه امر صعب عليا جدا وهشوف رأي استاذ فاروق عبد الحفيظ ايه مع اننا احنا الأثنين مقتنعين بالعربية جدا بس لازم نحكم عقلنا ونسيب العاطفة علي جنب ونمشي مع مصلحة الجماعة.
أبو وليد
انا معاك بس خلينا نكون واقعيين -- العربيه كويسه ؟؟ اه كويسه جدا و جمده وكلام زي الفل بس انا عنفسى منقوط من TOYOTA:: مش منطقي اطلاقا اني اشتري عربيه المفروض (يابانـــي) عشان كل سنه او 25000 ك اروح اضبط حاجه فالفتيس ..وكمان اخسر 17000 جنيه في 3شهور وانا لسه حتى معملتش 15000 ك المشكله مش فكده بس ..
ده مشكلة ال N-error مظهرتش اوي فى مصر انما واضح جدا انها منتشره فى اوروبا (تخيل كده تويوتا كورولا 2009 وقفه فشارع صلاح سالم ولا تتزق ---ليه (اصل الفتيس قفش) )
تعالى بقى نفكر نبيع
1 -خساره على الاقل 40000 (الله يكون فى عون ال اشترى ب 165000) .اذا حد عرف يبيع
انا مش بقول الكلام ده عشان احسر حد على العربيه.... لا انا معيا العربيه 2009
وتاني بقولك العربيه اقوى من الاوتوماتك و اريح من المانيول -- بس برضو احنا عيزين نشتري دمغنا مش كل متكلم حد يقولك اصل العربيه دي فيها عيب فالفتيس , اصلها تقيله في بعها |..
الخخخخ .
مع احترامي الشديد انا مش شايف الحل فى مد فترة الضمان , انا مع تغيير الفتيس لاوتوماتك
و على فكره موضوع ال MMT Recall اكيد هيجي مصر قريب و هيبقى حقنة فولترين لكل الملاك بس قولى بقى سمعة العربيه دي هتبقى ايه ؟؟؟
و فى كل الاحوال انا مع الى فيه مصلحه للجميع .
علي فكرة احنا اشتريناها ب165000 وساعة ما الnerror حصلتلي من سنة كانت في صلاح سالم وانا نازل من كوبري الجلاء بس الدنيا كانت ليل والطريق فاضي.
وزي ما انت قولت هي راحة دماغ مش اكتر ...لكن والله الفتيس يعز عليا اني افرط فيه.
المهم اننا نوصل لحل يرضي كل الملاك سواء اللى حصل معاهم مشاكل او محصلش.
اول حاجه عشان بس منتكلمش كتير ارجوكو كلنا عارفين عيوب الفتيس ده كويس
بس فى عده مشكله اولها انا اشتريت العربيه على انها اوتوماتيك و بعد كده شكيت انها مش اوتوماتيك مع القياده على الطرق وبعد كده اكدلى مهندس التوكيل و شرحلى الفتيس بيشتغل ازاى
المهم الفتيس ده نظريا قمه العبقريه لكن فى الواقع العملى و القياده فى الشوارع قمه الفشل
انا سقت فولكس فاجن باسات 1400 تى اس اى و سقت فيات بونتو العربيتين دول نفس الفتيس الى عندنا بس لايمكن مقرانه العربيتن دول بلكورولا لان فيهم محسيتش اصلا ان الفتيس مانيوال الفتيس ناعم جدا و وسلاسه فى النقل مفيش اى لخبطه مفيش اى تهنيج مفيش اى نتش مفيش اى مشكله فى المطلعيات و النزلات
الاسبوع ده ان شاء الله هجمع 100 مالك للكورولا علشان نروح لحمايه المستهلك
حضرتك ممكن تبعت الشكوي بالفاكس او البريد وفيه استمارة مجانية للشكوي موجودة في مكاتب البريد وممكن عبر الأيميل او الخط الساخن.
جهاز حمايه المستهلك
والله بدأت اخاف من تويوتا الجنوب افريقي
كنا ناويين نجيب موديل 2011 وmmt برضه بس باين هعيد التفكير
ومش تنسو موضوع الشنطة
واللي قال ان الطنابير باظت
واللي قال عمود الدركسيون
هو في ايه؟
انا معايا كورولا 99 جايبينها موديل السنة يعني من عشر سنين مش غيرنا غير ديسك دبرياش وكام طقم سيور
هي تويوتا فستكت ولا ايه؟
انا متابع معاكم
رقم شكاوى جهاز حماية المستهلك 19588وعلى فكرة عدد الشكاوي من فتيس الكرولا حتي اكثر من عشريين شكوي.
انا قرأت كل ردود الزملاء وحابب أققول ان كلنا ناس ورانا شغل و اكيد محدش فينا فاضى لشكاوي ووجع دماغ.بس التوكيل لازم يشوف مجموعة كبيرة. وواقفة مرة واحدة عشان يشوفولنا حل و انا عن نفسى حطرح عليكم طلباتي من التوكيل(وطبعا هى من وحي الخيال)بس لو امكن تنفيذها انا حكون مرتاح بالعربية.
1: اضافة لمبة تعطى اشارة تحذير او توصيل الفتيس بكمبيوتر السيارة لتنبية السائق بوجود مشكلة في الفتيس دون توقف(متيهألى ابسط حاجة ان العربية ماتقفش منى او اعرف مثلا انى خلال الف كيلو لازم اكشف على الفتيس.
2: ايجاد حل لجميع الاعطال مثل(الغوايش و الاسطوانة والاكتويتر و..........)بحيث ان مفيش حاجه منهم تبوظ قبل 100000كم.
3:تظبيط زمن نقلات الفتيس بحيث ان الاول يكون اخرة 10 او 20 كم وبعدين تغير للثانى عشان ماتبقاش العربيه ماشية زى الجمل!!!!
4:ضمان 10سنوات للفتيس ككل(تغيير الفتييس اذا تعذر اصلاحة) لان فى عربيات التوكيل غٍيرالفتيس كلة على حسابة لانة مانفعش يتصلح .وطبعا ماحدش فينا يقدر على ثمن فتيس كامل بعد انتهاء الضمان.
5:عمل سوفتوير يلغي اى تهنيج للفتيس(يعنى ماينفعش ال rpmيوصل ل5و6و7..والعربية ما تنقلش و اضطر انقل مانيوال
لو التوكيل يقدر يعمل الحاجات دة انا مش هكون عايز حاجة تانية... بس لو هيقولو ماينفعش يبقي ماعنديش حل غير انهم يغيرولي الفتيس باوتوماتيك عادي و انا مستعد اتحمل جزء من الفلوس لحد 5 او 6 الاف جنيه او اخسر 25000الف جنية وياخدوا العربية ..
متهألى دة ابسط طلبات !!!!!!!!!