فكرة جميلة تؤجر عنخا خيرا ان شاء الله
و لكن ارجو الا تحبط من ضعف المردود
رقم العضوية : 28462
تاريخ التسجيل : 25Dec2008
المشاركات : 734
النوع : ذكر
الاقامة : المملكة العربية السعودية
السيارة: اسبرانزا تيجو
السيارة[2]: فيات
الحالة :
ممكن تساعدني .. لو سمحت .. أرجوك !!!!!!!!!!!
الى كل إخواني وأصدقائي الأعزاء أعضاء المنتدى المحترمين ، احتاج الى مجموعة من المتطوعين من الشباب الواعي المثقف المحترم ممن قال عنهم رب العزة :
وَالْكَاظِمِينَ الْغَيْظَ وَالْعَافِينَ عَنْ النَّاسِ وَاللَّهُ يُحِبُّ الْمُحْسِنِينَ (134)نعم أريد الكاظمين الغيظ وممن يعفون عن الناس وممن يحسنون الى الناس، وذلك للدخول على كافة الوصلات في اليو تيوب التي تسب وتهاجم مصر أو الجزائر، ونكتب التعليق التالي عشرات المرات في نفس الفيديو ( بحيث شئ فشئ تختفي التعليقات غير اللائقة)سورة آل عمران
اتق الله يا صاحب هذا الفيديوهذا الفيديو سيئة جارية ستكون لك يوم القيامة حسرة وندامةمصر والجزائر أشقاء مهما حدث ولن يفرق بينهم أحد
أخواني الرد بالإساءة والسباب ليس من تعاليم ديننا الحنيف وليس هو ما تربينا عليه، أرجو الا يفهم أحد أنني لم أغضب مما أراه وأقراءه في المنتديات عن الهجوم على مصر التي هي أكبر من أي شئ يمكن أن تتخيله وليس تحيزا لمصر، فالتاريخ والحاضر والمستقبل هو لنا نحن المصريين ، شاء من شاء وأبى من أبى، وسيكون الرد بالعمل لا بالصريخ والصوت العالي.
ولن أصدق أبدا أن مصريا يصلي ويصوم ويذكر الله ثم يتهم 40 مليون مسلم بانه لقيط، كما أنني لا أصدق أن جزائري مسلم حقا يتهم 80 مليون بالخيانة والعري و .....، فكل ما يحدث من الطرفين هي من الفئات الضالة ممن لا يتقون الله وهناك خلل من التربية والتدين الحقيقي، وممن يدعون الى دعوة جاهلية وقبلية.
كن أنت معنا صوت للعقل ، والمعدن النفيس والأصيل، ومرأة للدين الحنيف ، الذي يستطيع أن يرد دون أن يخطأ ، الذي يستطيع أن يخاصم دون أن يفجر ، وأقولها لك " العين بالعين والسن بالسن والبادئ أظلم " هي قاعدة فقهية ليكم بها القاضي بين المتخاصمين، وهي في الأصل منسوخة من التوراة ، يعني هي قاعدة للولي وليس للرعية ، حتى لا تكون الدنيا غابة، وهو ما يحرص عليه الدين الاسلامي الحنيف. بالطبع الكلام كثير جدا في هذا الشأن، ولكن لا أريد أن أطيل عليكم، وكل ما أريد أن أذكرك به حتى تنضم معنا في الحملة:
بسم الله الرحمن الرحيموَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ (9).سورة الحجرات
المهم أنا كل يوم بأعمل حسنة جارية لمدة ساعة أو نص ساعة وأدخل على اليو تيوب وأكتب الجملة السابقة كتعليق على الفيديو اللى فيه هجوم وتبادل الشتايم سواء مننا أو منهم، أرجوك انضم لنا وساعدني في وقف هذه المهزلة التي تنقص منا كمسلمين وكعرب وكمصريين.
أنا في إنتظار الردود
رقم العضوية : 604
تاريخ التسجيل : 12May2007
المشاركات : 3,344
النوع : ذكر
الاقامة : مصر المحروسة-السويس
السيارة: لا يوجد
السيارة[2]: الحمد لله Tiida 07 auto
دراجة بخارية: لا
الحالة :
فكرة جميلة تؤجر عنخا خيرا ان شاء الله
و لكن ارجو الا تحبط من ضعف المردود
كيميائى / محمد طه------------------بسم الله الرحمن الرحيموَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَصدق الله العظيمالتوبة 105
رقم العضوية : 50214
تاريخ التسجيل : 17Oct2009
المشاركات : 836
النوع : ذكر
الاقامة : المقطم
السيارة: صني 2011 ex
السيارة[2]: صني 2013 ex
دراجة بخارية: لا يوجد
الحالة :
جزاك الله خيرا
رقم العضوية : 28462
تاريخ التسجيل : 25Dec2008
المشاركات : 734
النوع : ذكر
الاقامة : المملكة العربية السعودية
السيارة: اسبرانزا تيجو
السيارة[2]: فيات
الحالة :
رقم العضوية : 28462
تاريخ التسجيل : 25Dec2008
المشاركات : 734
النوع : ذكر
الاقامة : المملكة العربية السعودية
السيارة: اسبرانزا تيجو
السيارة[2]: فيات
الحالة :
هل تعلمون أن هناك قناة إسرائيلية تنقل بشكل شبه دائم وبشماته الأعداء ما يحدث بين المصريين والجزائريين على المنتديات واليوتيوب، بل أن المزيع الصهيوني يقولها أنه لم يعد هناك خوف من الشعوب العربية
والله حرام
إن لله وإن اليه راجعون
رقم العضوية : 17999
تاريخ التسجيل : 05Sep2008
المشاركات : 4,235
النوع : ذكر
الاقامة : El-Haram, Giza
السيارة: Mercedes C200 K 09
السيارة[2]: Kia Cerato High Line 09
الحالة :
يا سيدي الفاضل....... كلامك ده و المبادره دي و الفكره من أروع ما يكووون فعلا....
بس انت بتخليني أحزن اكتر على اللي احنا فيه.... انا ما عنديش أي اعتراض بس خاليني ادردش معاك شويه...
أولا: هل مافيش ولا عاقل في الجزائر يعمل اللي حضرتك و ناس كتيير بتحاول تعمله؟؟؟
و ليه احنا بس اللي باقيين عليهم و بنحاول نصلح التوتر؟؟؟؟؟؟؟
ثانيا: الناس دي مش بتفهم هذا الكلام نظرا للتضليل الاعلامي الفظيييع اللي عندهم...
يا فندم الناس دي عايشه في عالم آآآآآخر, و وسائل الاعلام عندهم بتعملهم غسيل مخ...
دوووول مش عايزين مصر و المصريين يفرحوا, و هما خرجوا يهللوا كأنهم كسبوا..!!!!
و بيقولوا احنا مش عارفيين المصريين فرحانيين لييييييه..!!!!!!!!!!!!!!!!!!!
ثالثا: لماذا سمينا عرب؟؟؟ لأننا نتحدث لغة القرآن الكريم (العربيه), و ليس الفرنسيه كلغه أولى!!!!!
هل تتوقع ان (أنصاف عرب) يمكن أن يفهوا كل هذا الكلام؟؟؟؟؟
يا أخي دول قالوا على الحضري و حسني عبد ربه و هو بيقرأ قرآن ربنا و بيدعي
أنه بيعمل سحر و بيتمتم بكلام سحره.....!!!!!!
و مستغربين ان احنا ذبحنا عجل و وزعناه على الفقراء و ان ده جزء من السحر..!!!!!
هيما دول الجزائريين المسلمين المتدينين؟؟؟؟؟؟؟؟؟؟؟؟
رابعا: حضرتك هتقولي نكون احنا الأحسن, طيب نعمل ايه أكتر من كده؟؟؟؟؟
الاعلام و هدى الدنيا, الناس و قالت هارد لك بكل روح رياضيه, قلنا هنشجعكوا في كأس العالم
نعمل ايه تااني أكتر من كده, شوف سلموا علينا ازاي و سلموا على نيجيريا ازاي..؟؟؟؟ الأشقاء !!!!
كلهم بقى و بعد ماتش 4-0.... شتموا علاء مبارك, و الريس نفسه, و كل ما هو مصري و المصريين
قالوا علينا (ياهود) و يسموننا (مصرائيل) و بدل أم الدنيا بقت (هم الدنيا), و مش معترفين ان ربنا كرم مصر
و مش معترفين انها ذكرت في القرآن (استغفر الله العظيم), و الشعب المصري ده هو العدو و لازم يحارب
و الجهاد في سبيل الله هو انك (تشتم مصري) او (تضرب مصري) او (تكسر شئ ملك مصري)
و اللي يعمل كده يحتفلوا بيه و يكون هو البطل.....!!!!!!! لأنه (أذى) مصري....
ده لما عرفوا ان اللاعب بتاعهم (رفيق حليش) شتم حسن شحاته بعد ما طرد, راحوله البيت و احتفلوا هناك
علم مصر اتحرق أكتر من مره, و اتداس بالعربيات في وسط الشارع...........
أقول ايه تاني بس...... و بعد كل ده انا اصفى ازاي من الناس دي؟؟؟؟؟؟ ازاي اكظم غيظي؟؟؟
انا مصري و غيور على بلدي و لا اقبل ان أي مخلوق مهما كان يعمل كده فيا او في بلدي او في أي مصري
ليه هما كلهم بيقولوا نفس الجمله مهما كانت المناسبه... (معك يا جزائر ظالمه أو مظلومه)..!!!!!!
ليه احنا مش مع مصر ظالمه أو مظلومه؟؟؟؟؟؟؟؟؟؟ هل هما وطنيين أكتر مننا؟؟؟ هل بيحبوا بلدهم أكتر مننا؟؟؟؟
أنا ممكن ما اشتمش جزائري او اهينه او اسبه, بس مش عشان هو جزائري او عربي او شقيق... لأ
علشان ديني و اخلاقي و تربيتي و ثقافتي لا تسمح لي اني أعمل كده, بس مش هحط ايدي في ايده ابدا مهما حصل
طوووول عمرنا بنطبطب, و نحايل, و نعدي, و نفوت, و نقول احنا الكبار..... و بعدين, و كانت اخرتها ايه
اتهزقنا, اتشتمنا, اتضربنا, رئيس بلدك اتشتم, ولاده اتشتموا, علم بلدك اتحرق و اتداس بالجزم!!!!!
عفوا....... انا لن أنسى حتى آآآخر يوم في عمري......
العين بالعين... و السن بالسن.... و ربنا ما يرضاش الظلم ولا الاهانه و لا المذله
و هما مش احسن مننا, و اللي قادر ينسى ربنا يكرمه و يباركله, بس اللي مش قادر لا يلام بالمره
و بلاش الناس تعتبره مش متدين, و جاهل, و مش عربي, و بيشجع على الفتنه و الكلام ده
هما اللي ابتدوا و عليهم ان يتحملوا عواقب ما بدؤه حتى النهايه, عايزيين يقاطعوا مصر, يقاطعوا...
بس انا مش هتحايل على حد انه يحب مصرو او يحب شعبها, او اجري وراه علشان يعرف الحقيقه
الحقيقه واضحه و زي الشمس, و أصحاب العقول هيفهموا, و اللي بيعمل مش شايف و مش فاهم هو حر
الناس دي بتكدب الكدبه و تصدقها بجد... و بيزيفوا في كل الحقائق, وغش و خداع عمري ما شفته على بشر
و لو اسرائيل شمتانه, فهما اللي شمتوها فينا مش احنا, و مش لازم على طوول احنا اللي غلطانيين...!!!!
بس اعذرني أرجوووك بجد..... أنا من الناس اللي مش هتنسى (حتى آخر يوم في عمري)....
أنا محترم كل كلمه انت قلتها, و محترم سلوكك الرائع و المتدين جداا, و بحترمك كشخص, و ربنا يجازيك خير
Eng. Mohammed Ghazy
The New Mercedes-Benz C 300
رقم العضوية : 28462
تاريخ التسجيل : 25Dec2008
المشاركات : 734
النوع : ذكر
الاقامة : المملكة العربية السعودية
السيارة: اسبرانزا تيجو
السيارة[2]: فيات
الحالة :
الأخ العزيز الصديق الغالي غازي
دعني في البداية أشكرك على كل كلمة كتبتها في ردك الراقي ، ولا أنكر عليك أنني وقفت لفترة ليست بالقصيرة لكي استجمع قواى للرد ، كما أن ردكم أعتقد أنه يحتاج الى ساعات حتي استطيع أن أعلق على بعض ما جاء فيه. كذلك شكرا لك على الأسلوب المتحضر في الرد دون الإتهام ببرودة الدم وعدم النخوة أو عدم الوطنية التي كنت أخشى أن يلقى في وجهي واحدة من هذه الإتهامات، ولكن الحمد لله ربنا سلم.
عموما سوف أرد على بعض النقاط التي جاءت في تعليقكم الكريم:
أولا: هل مافيش ولا عاقل في الجزائر يعمل اللي حضرتك و ناس كتيير بتحاول تعمله؟؟؟ و ليه احنا بس اللي باقيين عليهم و بنحاول نصلح التوتر؟؟؟؟؟؟؟
الرد:
لا أستطيع أن أجيب بالنفي أو الإثبات، لأن هذا سوف يحتاج الى بحث طويل مني في منتدياتهم وصحفهم. إذا الرد غير موجود لدي في هذه الجزئية
ثانيا: الناس دي مش بتفهم هذا الكلام نظرا للتضليل الاعلامي الفظيييع اللي عندهم...يا فندم الناس دي عايشه في عالم آآآآآخر, و وسائل الاعلام عندهم بتعملهم غسيل مخ...
الرد:
هم يقولون علينا نفس الكلام ، وموجه الى قنوات مودرن سبورت وقناة الحياة وقناة دريم بالاضافة الى الأخ المثير للجدل عمرو اديب، وهناك استشهاد بكل ما يقال. يعني سنكون في حلقة مفرغة ، البضة ولا الفرخة.
ثالثا: لماذا سمينا عرب؟؟؟ لأننا نتحدث لغة القرآن الكريم (العربيه), و ليس الفرنسيه كلغه أولى!!!!! هل تتوقع ان (أنصاف عرب) يمكن أن يفهوا كل هذا الكلام؟؟؟؟؟
يا أخي دول قالوا على الحضري و حسني عبد ربه و هو بيقرأ قرآن ربنا و بيدعي أنه بيعمل سحر و بيتمتم بكلام سحره.....!!!!!! و مستغربين ان احنا ذبحنا عجل و وزعناه على الفقراء و ان ده جزء من السحر..!!!!!
هيما دول الجزائريين المسلمين المتدينين؟؟؟؟؟؟؟؟؟؟؟؟
الرد:
كل ما تراه من هؤلاء لا يمثلون الشعب الجزائري – وأرجو الا تعتقد أنني مصر على الدفاع عن الجزائريين – كما أن إبراهيم سعيد أو ما فعله حسام حسن وإبراهيم حسن هناك لا يمثلون الشعب المصري المطحون وراء لقمة العيش ولا يعرف أي شئ عن كرة القدم ولا غيرها، هذا بالإضافة الى انه يمكننا أن نقول لهؤلاء أن هذا ليس سحر ولكنه قراءة للقرآن ، ولا تنسي " ليس عليك هداهم". ولا تنسي أيضا كيف تصرف الرسول صلى الله عليه وسلم عندما جاء أحد الكفار ودخل المسجد وتبول أمام الرسول والصحابة في قلب المسجد، وقد أراد بعض الصحابة ان يفتك به لولا الرسول أن منعه وعذره بالجهل. إذا شئ مهم جدا في صلب العقيدة الاسلامية التعزير بالجهل حتى تقيم عليه الحجة.
رابعا شتموا علاء مبارك, و الريس نفسه, و كل ما هو مصري و المصريين
الرد:
من باب أولى أن يتحرك رئيسنا المبجل ويجيب حقه وحق ابنه وحقنا احنا كمان من اللى شتمونا، وأنا لا اعتقد بأنني سأكون غيورا على نفسه واولاده أكتر منه، وأنت رأيت موقفه من المشكلة وكيف طالبنا نحن بالهدوء وعدم الإنفعال.
قالوا علينا (ياهود) و يسموننا (مصرائيل) و بدل أم الدنيا بقت (هم الدنيا),
الرد من نفس كلام ، إذا كان رب العباد شهد لك ، فلسنا بحاجة الى شهادة أحد ، وما أقوله لك حاليا هو ما أريده عند الرد عليهم دون أن ننساق وراء المهاترات والسباب، وإذا لم يقتنع بالحجة والاثبات فهل تعتقد أنهم ستوقفون بالشتيمة واللعنة وووووو. أعتقد المنطق واضح تماما
و الشعب المصري ده هو العدو و لازم يحارب و الجهاد في سبيل الله هو انك (تشتم مصري) او (تضرب مصري) او (تكسر شئ ملك مصري)و اللي يعمل كده يحتفلوا بيه و يكون هو البطل.....!!!!!!! لأنه (أذى) مصري...
الرد:
نرد عليهم بأن الله يقول في محكم كتابه : بسم الله الرحمن الرحيم
وَإِذَا خَاطَبَهُمْ الْجَاهِلُونَ قَالُوا سَلاماً (63)سورة الفرقان
إذا لم يأمرنا رب العزة بان نخوض معهم في حديث لا طال منه لأنهم جاهلون
ده لما عرفوا ان اللاعب بتاعهم (رفيق حليش) شتم حسن شحاته بعد ما طرد, راحوله البيت و احتفلوا هناك
الرد:
أنا طبعا لا أكذبك ولكن سوف أسالك إذا لم ترى هذا بعينك فأرجو ألا تنسي قول الله : بسم الله الرحمن الرحيم
يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6)سورة الحجرات
علم مصر اتحرق أكتر من مره, و اتداس بالعربيات في وسط الشارع...........
الرد:
المطلوب من الحكومة المصرية هي التي ترد على مثل هذه الأفعال، ولا تنسي أنهم عندهم صور للكلاب والحمير وعليها علم الجزائر، يعني رجعنا للحلقة المفرغة.
في النهاية
أشكرك مرة أخرى على الحوار الهادئ والمحترم والمتحضر، وسوف أنهي تعليقي بآية كريمة تبين لنا كيف مثل الله عز وجل الغضب بشيطان عندما قال: بسم الله الرحمن الرحيم
وَلَمَّا سَكَتَ عَنْ مُوسَى الْغَضَبُ أَخَذَ الأَلْوَاحَ وَفِي نُسْخَتِهَا هُدًى وَرَحْمَةٌ لِلَّذِينَ هُمْ لِرَبِّهِمْ يَرْهَبُونَ (154)
سورة الأعراف
رقم العضوية : 17999
تاريخ التسجيل : 05Sep2008
المشاركات : 4,235
النوع : ذكر
الاقامة : El-Haram, Giza
السيارة: Mercedes C200 K 09
السيارة[2]: Kia Cerato High Line 09
الحالة :
أنا ايضا أشكرك على الرد بالأسلوب المتحضر و الهادي جداا ده, و يــــا رب كلنا نتعامل كده مع بعض...
طبعا أنا متفق معاك تماما.... بس خاللي بالك اننا كنا دائما (رد فعل) و ليس الفعل نفسه أو البدايه
و بالنسبه للرئيس و أولاده, انا معاك انه لازم يتحرك و يعز بلده و يمنع التطاول عليها و يعملنا قيمه
زي الرئيس الراحل محمد أنور السادات (الله يرحمه) اللي كان عامل لمصر و المصريين قيمه
و بالفعل و ليس القول.... و مواقفه كتيييير و فعلا عمل للمصريين قيمه جوه و بره....
لكن دي سياسه و ليها أبعاد ممكن جداا احنا مانكونش عارفين عنها حاجه, و أبعد من اللي ممكن نتصوره
و لكن ده مايمنعش إني اتضايق و يتحرق دمي لما (اقرأ و أسمع و أشوف) شتيمتنا و اهانتنا و تكفيرنا كمان
أنا معاك في كلامك ان في منهم (الجهله), و زي ما تصرف النبي (صلى الله عليه و سلم) احنا لازم نعمل زيه
بس شفت فرحة الناس في الشوارع و البيوت (رجاله, ستات, شيوخ, أطفال......)؟؟؟؟
شفت الناس اللي كانت بتسجد بعد كل جون شكر لله, و بتدعي ربنا بأنه يجبر خاطرنا و يفرحنا
لو شفتهم كنت هتعرف لأنهي مدى الناس دي شايله في قلبها و حاسه بالاهانه
و مع ذلك و بعد الماتش, قالوا احنا أشقاء و عرب و مش هنزعل منهم أبدا و هنشجعهم في كأس العالم بردو
في الوقت اللي اللعيبه بتاعتهم في الملعب كانوا بيحاولوا (الأذى) بلاعب مصري عربي مسلم بشكل واضح
و مفيش حد قال عيب, أو حرام, أو مايصحش......!!!!!!! هنا احنا بنتكلم عن الأذى المتعمد
تفتكر ليه مصر كلها كانت بتعمل كل ده في حتة ماتش كوره؟؟؟؟ ليه الناس شايله قوي كده؟؟؟
ليه كانت الستات بتصلي و تدعي؟؟؟؟ ليه الرجاله رفعوا اديهم بالدعاء و قالوا يـــا رب؟؟؟؟
ليه كل الناس دي فرحانه قوي قوي قوي كده؟؟؟؟ الناس في الشارع بتبارك لبعض و هما مايعرفوش بعض!!!
ليه علم مصر بقى في ايد كل واحد و على كل عربيه؟؟؟ ليه الناس لو سمعوا أغنيه وطنيه دلوقتي جسمهم بيقشعر
أنا لو هسامح جزائري, فالسبب هيكون انه هو السبب ان احنا بقينا يد واحده و قلبنا على بعض قوي
رجع العلم المصري يتعلق في كل مكان, رجعت الناس تخاف على بعض, رجعنا نفرح مع بعض
شوف الناس دي, هي نفس الناس اللي بتقدم كل المساعدات لضحايا السيول, ايدهم في ايد بعض
هو ده المنتخب اللي كل لاعبيه اتبرعوا بمكافآت الفوز بتاعتهم لضحايا السيول.......
مستحيييييل اللي يعمل كده سواء الناس أو المنتخب يكونوا ناس وحشه, مش متدينه, آآآل فرعون كما وصفونا
و يقدروا يتأكدوا و يعرفوا الحقيقه, لكن هما مصدقيين الكدبه اللي كدبوها للأسف, و مبسوطين كده
ربنا يهدي كل النفوس, و يفتح عنيهم على الحقيقه, و يحسوا بالزيف و الخداع اللي هما عايشين فيه
هو الموضوع كبير فعلا و صعب النقاش فيه من خلال الكتابه.... و لكن احنا مش مختلفين
عموما أنا سعيد بالنقاش معاك جداا, انت انسان محترم و على خلق, و ربنا يبارك فيك و يكتر من أمثالك
Eng. Mohammed Ghazy
The New Mercedes-Benz C 300
المفضلات