مش عايز أحبطكم فى موضوع توكيل أبو رواش
أنا سألت فى التوكيل و قالولوى مش حيفتح غير فى أخر السنة :(
عرض للطباعة
مش عايز أحبطكم فى موضوع توكيل أبو رواش
أنا سألت فى التوكيل و قالولوى مش حيفتح غير فى أخر السنة :(
ازيكم ياشباب
من مدة بسمع صوت شخشخة عند بداية الدوارة واحيانا وان ماشى فشكيت فى الشكمان وفعلا رحت لواحد بتاع شكمانات فى بورسعيد وقالى علبة بيئة
وهى موجودة استيراد ب800 جنيه وناوى اغيرها اىيوم اكون فاضى بس مش عارف لو استنيت شوية يحصل حاجة ولا لاء
صوت خشخشة عند بداية الدوارة اللي انا اعرفه ان ده الديفزور والله اعلم
انا لسة عامل صيانة ال6000 ومفيش اى مشاكل انا مقتنع بدرجة كبيرة انها علبة الشكمان
اصل انا عندي صوت الخشخشة ده و المفروض ان هو ديفيزور فقولت اقولك يمكن يكون تشخيص بتاع الشكمانات غلط
انا اعتقد ان ممكن اللى يكون عندك هو الشكمان برده وسهل الكشف عليها هترفع العربية وتخبط على علبة البيئة لو ظهر صوت الشخشخة تبقى هيه
لو فى حاجة فى الشكمان...إيه إللى يخلى الصوت يظهر عند الدوارة فقط ؟؟؟!!
تأكيدا لمسألة إن العيب فى الشكمان..ممكن تدوس على دواسة البنزين بشكل متقطع و حاد و إنت واقف ( على "N" ) و تشوف...لو الصوت ظهر يبقى السكمان...لكن لو صوت خشونة عند الدوارة فى الصباح و هى باردة تماما فقط...يبقى لا أعتقد إنها علبة بيئة...
ثم إن حضرتك بتقول صيانة ال 6000 كيلو لسه عاملها...يعنى العربية زيرو و لسه فى الضمان..مالك و مال بوسعيد و استيراد...مالتوكيل عندك و هما عارفين الموضوع ده كويس...بس هتتعب فى إنك هتسيب العربية يوم ما هاتروح علشان هايشوفوها تانى يوم ( لازم تقضى الليل هناك علشان يتأكدوا من ال De-Phasor )... و خير إن شاء الله و ابقى طمنا عملت إيه
اتا اسف فيه صفر ناقص هى صيانة ال 60 الف