الموضوع: ::: أعطـــال الميجـــان من مالكى السيارة :::

المشاركة الأصلية كتبت بواسطة aly_elhawary

موضوع مفيد جداً جزاكم الله كل خير
وأنا قرأت الموضوع بالكامل وده لأنى بفكر أشترى الميجان ولا أعرف عنها أى شئ دخلت إلى منتداكم المميز لمعرفة السيارة عن قرب
لكنى فوجئت بكمية أعطال غريبة فى عربيات تعتبر جديدة يعنى فى حجات كتير بتبوظ فى حين أنها فى عربيات تانية ممكن ما تتغيرش طول العمر
يعنى مثلاً
- مواتير الزجاج أو مكن الزجاج
- موتور مية المساحات
- عوامة البنزين
- طرمبة البنزين
- علبة الدريكسيون بتبوظ كتير
- عمود الدريكسيون
- كومبريسور التكيف
- كويلات أو ملفات الأشعال عطل شائع والواحد بـ550 جنيه
- الكوعة والجوان اللى بـ900جنيه
- الدفيوزر وحساس السرعة وحساس الفتيس وحساس الكامة وحساس الفريون
وطبعاً تغير الحجات دى لو العربية خارج الضمان حيبقى مكلف

بس برده واضح أن العربية أدائها مميز جداً بدليل الناس اللى ظهر عندهم أعطال كتير قوى بيقولوا فى الأخر أن أحنا لسه بنحب العربية بالرغم من الأعطال دى

طبعاً أنا ما بفكرش أشتريها زيرو علشان ما أخسرش عند إعادة البيع وعلشان أستفيد من أن أسعار المستعمل منها بيقل كتير بس بعد قراءة الموضوع إحترت هل أبعد عنها خالص ولا أشتريها حتى لو بتحتاج مصاريف صيانة كتييييييير ما هى أصلاً المفروض أنى حاشتريها بسعر أقل بكتييييييييير عن مثيلتها فى الأداء و الـ options من الأنواع الأخرى ...... دبرونى

أنت كده حسبتها غلط تماماً........

هى الأعطال دى كلها ظهرت عند كل الناس ؟؟؟؟

الأعطال دى ظهر بعضها عند بعض الناس....و بعضها الأخر عند ناس تانية و ناس تالتة محصلش عندهم حاجة خالص.

لعلم حضرتك.....
بى أم موديل من 99 الى 2004 الفئة التالتة كان فيها مشاكل فى مكن الزجاج ( كانت مشكلة شائعة جداً )
بى أم من موديل 99 الى 2001 الفئة التالتة كان فيها مشكلة فى الفتيس الأوتوماتيك.

لما يبوظ موتور مياه مساحات عند واحد من حوالى 45 واحد معاهم العربية يبقى ده مش عيب شائع فى العربية
ممكن تكون الموتور عنده فيه عيب تصنيع.....و ممكن يكون أتسد لأى سبب.

عموماً لو أنت خايف من العربية بلاش منها عشان مش هتعرف تستمتع بيها.