أعطــــــــــال النيو النترا من مالكى السيارة

**bishoy02010** · 05-05-2009 12:26 AM

طبعا ياجماعة أنا لقيت إننا محتاجين نعمل موضوع فى المنتدى يكتب فيه ملاك النيو النترا فقط جميع الأعطال اللى ظهرت فى العربية و قطع الغيار اللى إتغيرت بره الصيانة العادية

لأنى عن نفسى لغاية دلوقتى مش لاقى فيها عيوب وابتديت اسمع إشاعات فعايزين تأكيد من الناس وبالذات الناس اللى عملت كيلو متر كتير

لذا أرجو من جميع ملاك الإلنترا فى المنتدى الكتابة حتى يستفيد الاخرين من تقيمنا للعربية و الأعطال اللى ممكن تظهر فيا و أعراض ظهورها

ياريت اللى يكتب يكتب العربية خليجى ولا وكيل وعاملة كام الف كيلو واستلمها امتة والعيب ظهر امتة وهكذا عشان كلنا نستفيد

أرجو التثبيت من الإدارة ليكون مرجع يستفيد منة أعضاء المنتدى

تنبيه للعضو بعدم طلب تثبيت الموضوع
يرجي مراجعه قوانين المنتدي
و للعلم فأن الاداره تتابع الموضوعات جميعها و في حاله التفاعل مع الموضوع لن تتردد مطلقا من تثبيته علي الفور
مشرف هيونداي

**bishoy02010** · 05-05-2009 12:29 AM

أنا هبدأ عربية عاملة 4500 كيلو استلام 12-2008 اوتوماتيك غبور لا يوجد بها أى نوع من انواع المشاكل حتى اليوم

**bob12345** · 05-05-2009 03:47 AM

أنا معايا إلنترا ٢٠٠٨ خليجي عملة ٣١٠٠٠ كيلو و الحمد لله مفيش مشكال غير الكالكس صوتوا راح مش عارف ليه

**popzzzzz** · 05-05-2009 10:29 AM

انا معايا النترا 2009 مانيوال غبور عملة 2000 كيلو و مفيهاش اى عيوب حتى الان

**beshoyemad** · 05-05-2009 12:40 PM

انا معايا النترا 2009 خليجي عاملة 8000 كيلو استلام 12\2008 وظهر فيها صفارة لما بدوس دبرياج بتروح من اسبوع بالظبط بس انا راكن العربية و لسا معملتهاش لاني مش من القاهرة في واحد صاحبي حصل معاة نفس الموضوع و قالولة دة رجلاش في الدبرياج و عملة و بعد 3 شهور رجع و غيرلة بلية دبرياج

**HamadaMOMO** · 05-05-2009 04:21 PM

انا معايا النترا 2007 هاى لين غبور مشكلتى فى الطنابير الامامية العربية بتغربل ودى تانى مرة تعملها بعد ما غيرتهم اول مرة

**bishoy02010** · 05-05-2009 09:54 PM

تنبيه للعضو بعدم طلب تثبيت الموضوع
يرجي مراجعه قوانين المنتدي
و للعلم فأن الاداره تتابع الموضوعات جميعها و في حاله التفاعل مع الموضوع لن تتردد مطلقا من تثبيته علي الفور
مشرف هيونداي

طبعا بعتذر للإدارة لأنى فعلا مقرتش القوانين بس انا كنت بشوف كتير كلمة أرجو التثبيت فى كذا موضوع ومجاش فى بالى انها مشكلة وكل قصدى ان كل الناس تشوف الموضوع ده ويفضل فى الأول عشان أكتر عدد من الناس تقول العيوب وبقيت الناس تستفيد لأنى دورت كتير فى القسم عشان الاقى زى قسم الرينو مثلا واعرف الناس قالت عيوب إيه فى العربية ملقتش عمتا انا بعتذر وممكن تشيل كلمة أرجو التثبيت وشكرا

لا داعي للاعتذار اخي العضو
و تأكد ان التثبيت يكون للافضل
شد حيلك بس و هو يتثبت
مشرف هيونداي

**bishoy02010** · 05-05-2009 09:57 PM

المشاركة الأصلية كتبت بواسطة bob12345

أنا معايا إلنترا ٢٠٠٨ خليجي عملة ٣١٠٠٠ كيلو و الحمد لله مفيش مشكال غير الكالكس صوتوا راح مش عارف ليه

مانيول ولا اوتوماتيك !!! عمتا ربنا يباركلك فيها وعقبال ال 300 ألف كده :) وبالنسبة للكلكس فية رجلاش بسيط كدة ممكن يتعمل ده لو الكهربا وصلالة والكلبس مش فاكك وطمنا طلعت المشكلة من إيه

**bishoy02010** · 05-05-2009 10:00 PM

المشاركة الأصلية كتبت بواسطة popzzzzz

انا معايا النترا 2009 مانيوال غبور عملة 2000 كيلو و مفيهاش اى عيوب حتى الان

ربنا يباركلك فيها :) وانشاءالله تستمر معاك كدة :)

**bishoy02010** · 05-05-2009 10:02 PM

المشاركة الأصلية كتبت بواسطة HamadaMOMO

انا معايا النترا 2007 هاى لين غبور مشكلتى فى الطنابير الامامية العربية بتغربل ودى تانى مرة تعملها بعد ما غيرتهم اول مرة

العربية عاملة كام الف لما المشكلة الأولى ظهرت والتانية ظهرت بردة على كام الف ومعلش حضرتك شايف ان ده عيب صناعة !!! ولا المشكلة مثلا انك جايب تيل مش أصلى او غسلت العربية والطنابير سخنة !!! ؟؟؟؟

الموضوع: أعطــــــــــال النيو النترا من مالكى السيارة

LinkBack

أدوات الموضوع

عرض

أعطــــــــــال النيو النترا من مالكى السيارة - انشر الموضوع فى :

-

-

-

-

-

المواضيع المتشابهه

استفسار هام جدا وياريت من مالكى النيو سيراتو

النيو النترا ولا النيو سيراتو

مالكى النيو سيراتو وحاجزى النيو سيراتو

رأى مالكى النيو أكسنت؟؟

الكلمات الدلالية لهذا الموضوع

المفضلات

المفضلات

ضوابط المشاركة