برجاء المساعدة من خبراء الكمبيوتر فى المنتدى

**mohamed_mohsen** · 01-02-2010 07:45 AM

المشاركة الأصلية كتبت بواسطة youssef_00

ازاى يا جميل مش محتاج امكانيات عالية
لا فى بعض الاوقات بيبقى محتاج طب يا عم احنا فيها هات هارد 160 جيجا وتعالى ركبعة على بينتيوم 2 وابقى قابلنى لو اشتغل دى حاجة
السيرفر هو :
وهو جهاز الكمبيوتر الذى يرسل بيانات الكارت الى المستقبلين وهو أما ريسيفر دريم بوكس او جهاز كمبيوتر يعمل بنظام اللينوكس او ويندوز أكس بى وطبعا أشتراك DSL و طبعا كارت اشتراك أصلى وأخيرا مبرمجة فونيكس لقراءة الكارت وهى متوفرة ومعظم مبرمجات الكروت تعمل بنظام الفونيكس 600 وهذا ما نريده

خرجنا شوية من الموضوع بس معلومات عامة

هارد زى ده محتاج كاش على الاقل 4 ميجا وده بيبقى فى البروسيسور
وساعتها هتلاقى اداء بورش او بوجاتى
وعلى فكرة فى بروسيسور جديد اسمه intel core i7
وهم بمعنى الكلمة وماينفعش اكلمك عنه عشان هياخد صفحتين لوحده كتابة ده مش يشغل كمبيوتر ده يشغل طايرة
بس بصراحة معرفش اسعاره ايه
ويارب اكون افادتك

مش عارف ...بس تعريف السيرفر مش فاهمه
بص هقول لحضرتك حاجه...مش لازم يكون السيرفر هلامي و إمكانياته رهيبه...ممكن يكون مثلاً WINS server و ده لو عدد الأجهزه قليله مش لازم إمكانيات عاليه...فاهم قصدي

أنا كنت مشغل هارد 160 علي بينتيوم 3 و 512 ميجا رام و كان تمام علي فكره

الفكره إن صاحب الموضوع ماقلناش إمكانيات جهاز زميله إيه ...بس بيقول إنه كان مشغل الهارد ال500 جيجا و كان تمام...يبقي التيرا مش هيفرق كتير...خصوصاً إني فهمت من كلامه إنه شال ال500 و شغل التيرا بس...مش الهاردين مع بعض

و الi7 860علي فكره ب1625

و بعدين إحنا معانا عتاوله هنا زي الاستاذ أحمد كمال يفهم أحسن مني 1000000000 مره عايزين رأيه برضه في الكلام ده

ملحوظه : أنا لسه بتعلم و معنديش مانع أبداً إن حد يصححلي معلوماتي لو كانت غلط

تقبل تحياتي

**MohamedFadel5** · 01-02-2010 07:46 AM

بسم الله الرحمن الرحبم
أولا أعتقد أن الهارد ده Green علشان ده اللى منتشر فى السوق دلوقتى فبالتالى سرعته هتبقى بطيئة نسبيا عن الBlue و بطيئة أوى عن الBlack و أعتقد أنه SATA 2

بس الفكرة أنك شغلت عند واحد تانى و كان يعتبر أحسن على حد قولك
فنمسك حاجة حاجة
البروسيسور متهيألى مش هيأثر أوى
الرام برده نفس الفكرة
ممكن و الله أعلم يكون Power Supply و متستغربش
و ممكن بردة الوصلة (الكابل) و ممكن برده تغير مكان المخرج

**MohamedFadel5** · 01-02-2010 07:48 AM

المشاركة الأصلية كتبت بواسطة mohamed_mohsen

و بعدين إحنا معانا عتاوله هنا زي الاستاذ أحمد كمال يفهم أحسن مني 1000000000 مره عايزين رأيه برضه في الكلام ده

ملحوظه : أنا لسه بتعلم و معنديش مانع أبداً إن حد يصححلي معلوماتي لو كانت غلط

+11111111111111111111

**youssefmustang** · 01-02-2010 08:20 AM

المشاركة الأصلية كتبت بواسطة mohamedfadel5

مش عارف ليه بس تقريبا فى معلومات غلط فى الموضوع ده

انهى بالظبط
انا مش بقول كلام وخلاص ولا من دماغى انا بستعين بمعلومات من مواقع مخصصة للكلام ده
كمان ده هارد 1000 جيجا بايت يعنى اكيد 900% برمجة غير برمجة الهاردات اللى احنا متعودين عليها وليها نظام تانى وليها مبردات معينة
انت فكرتنى بموضوع البروسيسور اللى بيبرد بالمياه والناس قالت ده حوار فكسان هو فيه الكترونيات بتتقبل مياه
ودلوقتى فى بروسيسورات بتبرد بالهيدروجين وانابيب مياه معينة ودى انا شوفتها فى سوق الكمبيوتر اللى فى جامعة الدول
واولا واخيرا
اختلاف الرأى لا يفسد ود القضية
تقبلو مرورى
اخوكم يوسف

**mohamed_mohsen** · 01-02-2010 08:45 AM

المشاركة الأصلية كتبت بواسطة youssef_00

انهى بالظبط
انا مش بقول كلام وخلاص ولا من دماغى انا بستعين بمعلومات من مواقع مخصصة للكلام ده
كمان ده هارد 1000 جيجا بايت يعنى اكيد 900% برمجة غير برمجة الهاردات اللى احنا متعودين عليها وليها نظام تانى وليها مبردات معينة
انت فكرتنى بموضوع البروسيسور اللى بيبرد بالمياه والناس قالت ده حوار فكسان هو فيه الكترونيات بتتقبل مياه
ودلوقتى فى بروسيسورات بتبرد بالهيدروجين وانابيب مياه معينة ودى انا شوفتها فى سوق الكمبيوتر اللى فى جامعة الدول
واولا واخيرا
اختلاف الرأى لا يفسد ود القضية
تقبلو مرورى
اخوكم يوسف

زعلت ليه بس....أكيد الراجل مايقصدش حاجه

**MohamedFadel5** · 01-02-2010 08:45 AM

شوف القتباس ده و ان شاء الله ينفعك و تقريبا دى مشكلتك مع الهارد

تحذير مهم جدا جدا

- لكل من يفكر فى شراء هارد ويسترن ديجيتال 1 تيرابايت جديد .

- أنتبه فهناك نوعان :

- الأول هو wd1000eads وهو النوع المعتادين عليه وهو يأتى بذاكرة 32 ميجابايت وسرعة دوران 5400 لفة فى الدقيقة.

- الثانى هو wd1000ears وهو النوع الجديد وهو يأتى بذاكرة 64 ميجابايت وسرعة دوران 5400 لفة فى الدقيقة أيضا.

- حسنا ، ماهى المشكلة ؟؟؟

- مع الهارد الثانى wd1000ears قامت ويسترن ديجيتال بالأنتقال إلى مرحلة تصنيع الهاردات 4kb للسيكتورز بدلا من ال 512 بايت المعتادة.

- سيتسأل المستخدم العادى : وماذا يهمنى فى هذا ؟؟؟ ألأجابة : لن تستطيع الأنظمة القدمية من الويندوز مثل ويندوز أكس بى وويندوز 2003 العمل بسلاسة على تلك الهاردات بسس طبيعة نواة الويندوز الغير مصممة لذلك.

- الحل مع تلك الويندوزات هو توصيل البينات رقم 7 ورقم 8 مع بعض لتشغيلهم ولكن سيعانى المستخدم من سرعة القراءة والكتابة البطيئة وخصوصا مع الملفات ذات الأحجام الصغيرة والتى يستخدمها الويندوز عادة فى ملفاته ، ولذلك سيشعر المستخدم ببطء النظام عامة وفى نقل الملفات خاصة الصغيرة منها.

- الحل الأمثل هو الأنتقال لويندوز فيستا ( وهو ما لا أشجع أحد عليه ) أو الأنتقال لويندوز 7 وهى خطوة محبذة ، أو شارء الهاردات القدم ذات ال 512 بايت ، والتى بدأت الشركات كلها فى التخلى عن تلك التقنية.

- تم التحذير ، وقد أعذر من أنذر ، دمتم سالمين

**hani945** · 01-02-2010 09:15 AM

أنا متشكر جداً ليكم ياجماعة وعلى ردودكم السريعة

بالنسبة لمواصفات الجهاز فهى مواصفات عادية للغاية
بروسيسور 3 جيجا كاش 2 ميجا
مازر بورد جيجا بايت g41
هارد ديسك 1 تيرا بايت

**MohamedFadel5** · 01-02-2010 09:15 AM

المشاركة الأصلية كتبت بواسطة youssef_00

انهى بالظبط
انا مش بقول كلام وخلاص ولا من دماغى انا بستعين بمعلومات من مواقع مخصصة للكلام ده
كمان ده هارد 1000 جيجا بايت يعنى اكيد 900% برمجة غير برمجة الهاردات اللى احنا متعودين عليها وليها نظام تانى وليها مبردات معينة
انت فكرتنى بموضوع البروسيسور اللى بيبرد بالمياه والناس قالت ده حوار فكسان هو فيه الكترونيات بتتقبل مياه
ودلوقتى فى بروسيسورات بتبرد بالهيدروجين وانابيب مياه معينة ودى انا شوفتها فى سوق الكمبيوتر اللى فى جامعة الدول
واولا واخيرا
اختلاف الرأى لا يفسد ود القضية
تقبلو مرورى
اخوكم يوسف

يا أستاذى محدش ينكر أن الهارد مش هيتأثر أكيد هيتأثر بس مش للدرجة أنه عايز جهاز جبااار
و بالنسبة للبروسيسور أكيد معروفة طريقة تبريد المياه و أشهرها فى مصر Gigabyte Galaxy و على فكرة الـ Gigabyte Galaxy معملش حاجة كبيرة فى تبريد الحرارة و برده فيه نيتروجين سائل و هيليوم سائل بس متهيألى مفيش تبريد بالهيدرجين للكمبيوتر تقريبا فيه تبريد بالهيدرجين بس مشفتوش للكمبيوتر
و الله أعلم

**hani945** · 01-02-2010 09:26 AM

المشاركة الأصلية كتبت بواسطة MohamedFadel5

بسم الله الرحمن الرحبم
أولا أعتقد أن الهارد ده Green علشان ده اللى منتشر فى السوق دلوقتى فبالتالى سرعته هتبقى بطيئة نسبيا عن الBlue و بطيئة أوى عن الBlack و أعتقد أنه SATA 2

بس الفكرة أنك شغلت عند واحد تانى و كان يعتبر أحسن على حد قولك
فنمسك حاجة حاجة
البروسيسور متهيألى مش هيأثر أوى
الرام برده نفس الفكرة
ممكن و الله أعلم يكون Power Supply و متستغربش

و ممكن بردة الوصلة (الكابل) و ممكن برده تغير مكان المخرج

الهارد ديسك فعلا Green ، وأخدنا ووصلناه على أكتر من جهاز وهو نفس السرعة البطيئة ، ومشكلة تأثير البروسيسور والرام دى حاجة بتبقى بسيطة جداً بس فيه حاجة أنا كمان عاوز أقولها بخصوص مواصفات الكمبيوتر وهى إن المفروض إن الهارد لما يبقى سريع فى نقل البيانات يخلى الجهاز سريع فى التحميل ، وفيه مثال عملى على الكلام ده وهو أنه شاءت الظروف إنى أوصل هارد ديسك 80 جيجا بايت ويسترن ديجيتال على جهاز بانتيوم وان وكنت عارف ومتأكد إن البيوس بتاع المازر بورد مش هيقدر يقرأ الهارد الكبير ده ( بالنسبة للجهاز ده يعنى ) لكن الجهاز استطاع إنه يقدر يقرأ الهارد وكمان سرعة الجهاز زادت فى التحميل وفى النسخ .
الخلاصة : إن مواصفات الجهاز كانت قليلة بالنسبة للهارد والناس متخيلة إن الكمبيوتر هيعانى علشان يطلع بيانات من الهارد ديسك ده لكن العكس صحيح إن سرعة الهارد العالية فى إيجاد البيانات ونقلها إلى الجهاز جعلت الجهاز ذو المواصفات الضعيفة أداءه يتحسن بعض الشئ .

بالتالى لما نطبق الكلام ده على الهاردات الكبيرة والسريعة فى نقل البيانات هنلاقى إن الكمبيوتر أداءه بيتحسن لأن الهارد بيقدر يطلع المعلومة المطلوبة فى وقت قليل وينقلها بسرعة إلى الكمبيوتر عن طريق كابل البيانات بسرعة كبيرة للغاية .

**ganash** · 01-02-2010 09:41 AM

انا الى اعرفه ان الهارد لما مساحته تزيد بيبقى السرعه اسرع شويه بس هوه الخطأ أكيد من الويندوز الويندوز الى حضرتك جربته عليه كان ايه وويندوز صاحبك كان ايه لو ويندوز صاحبك فيستا او 7 قسمه على الجهاز بتاعه وجرب بعدها عندك والبرنامج الى حضرتك نزلته ده اخد قد ايه وقت فى التسطيب.