برجاء المساعدة من خبراء الكمبيوتر فى المنتدى

**hani945** · 01-02-2010 09:54 AM

المشاركة الأصلية كتبت بواسطة ganash

انا الى اعرفه ان الهارد لما مساحته تزيد بيبقى السرعه اسرع شويه بس هوه الخطأ أكيد من الويندوز الويندوز الى حضرتك جربته عليه كان ايه وويندوز صاحبك كان ايه لو ويندوز صاحبك فيستا او 7 قسمه على الجهاز بتاعه وجرب بعدها عندك والبرنامج الى حضرتك نزلته ده اخد قد ايه وقت فى التسطيب.

إحنا فعلاً كنا بنصطب ويندور إكس بى هتلاقى المشكلة منه ، يبقى لازم نصطب فيستا أو سيفين، وبالنسبة للبرنامج لما حطيناه على الكمبيوتر عمل شاشة سمراء زى شاشة الدوس وبعدين بيعمل بحث عن الهاردات الويسترن ديجيتال وبعدين يقولك اضغط إنتر للخروج ، وبرضه مفيش فرق يذكر

**MohamedFadel5** · 01-02-2010 10:07 AM

طب حضرتك شفت الأقتباس اللى أنا جبته؟؟؟

**hani945** · 01-02-2010 10:24 AM

المشاركة الأصلية كتبت بواسطة mohamedfadel5

طب حضرتك شفت الأقتباس اللى أنا جبته؟؟؟

أيوا يا فندم قرأت اقتباس حضرتك ومعلش أنا تعبتكم معايا

وأنا فعلاً وصلت البينات 7و8 بالجامبر وبرضه مفيش فرق يذكر فى السرعة بس أنا لاحظت حاجة فى التقسيم إن البرنامج اللى أنا كنت بقسم بيه خللى السيكتور 4 كيلو بايت وده فعلاً مذكور فى الاقتباس بتاع حضرتك

يبقى كده الهارد اللى عند صاحبى ده من النوع الثانى اللى لازم اصطب عليه فيستا أو سيفين والحل ده هنجربه النهاردة إن شاء الله

**D . a .\ AYMAN** · 01-02-2010 06:28 PM

الهارد مالوش أي علاقة بمواصفات الجهاز نهائي ومواصفات الجهاز ليس لها أي تأثير على سرعة إستجابة الهارد سواء بالسلب أو الإيجاب ... لأن ببساطة الجهاز مهما كان مواصفاته بطيئ فهو أسرع من أي هارد مهما كان والهارد يعتبر هو أكتر جزء بطيئ في الجهاز بالإضافة للـ سي دي درايف ... لأن هم الأجزاء الميكانيكية الوحيدة في الجهاز

تاني حاجة ... مهما كنت سعة الهارد بيدخل في مفهوم مُصَنّعِية إن تكون سرعة تسجيل إستخلاص البيانات منه مناسبة أو مقاربة لسرعة الأجهزة المتوفرة وقت إنتاج الهارد ده معنى كده إن الهارد الحديث سرعته بتكون دايما أسرع من القديم (وده بيبان من التطور اللى كلكوا عارفينه الأول الكاشات كانت قليلة ودلوقتي بقت كبيرة وعدد اللفات كان كام زمان ودلوقتي بيبقى كام وهكذا) لأن الهارد لو بقى بطيئ في لحظة من اللحظات ده هايخلى الجهاز يتوقف عن الإستجابة لغاية مايقرا البيانات اللى عايزها من الهارد ... في حين إن الهارد عمره في حياته ما هايكون أسرع من الجهاز

أنا أفتكر زمان أيام الأجهزة اللى كانت شغالة 486 و 386 و mmx .. وبنتيوم 1 كانت بتكون ليها قدرة محدودة جدا في التعامل مع الهاردات اللى كانت بتبقى كبيرة عليها والمشكلة دي إن البيوس بتاع الأجهزة دي كان بيبقى برمجته محدودة لأن اللى كانوا بيبرمجوه ساعتها ماكانوش بيتخيلوا إن هايكون في مساحات أكبر مت الهاردات ..... وكان علاج المشكلة دي إن كنا بندور على تحديث للبيوس من الشركة بتاعة اللوحة الأم وطبعا ساعتها ماكانش في إنترنت زي دلوقتي وكنا فعلا بندوخ على التحديث ده .... وأفتكر إني وصلت مرة (تقريبا سنة 2000) هارد 80 جيجا على جهاز mmx بعد تحديث البيوس بتاعه وإشتغل زي الفل ونزلت عليه ويندوز 95 وخدت من الهارد مساحة 30 أو حاجة وتلاتين ميجا بحالهم من الهارد

المشكلة بتاعتك علاجها أعتقد ... إنك توصل الهارد ثانوي على جهاز تاني ومن خلال disc management بتاع الويندوز تقسم الهارد 4 بارتشن

- 100 جيجا للويندوز
والـ 800 الباقيين (تقريبا هايبقوا 800 فقط مش كده)بالتساوي على 3 بارتشن أو حتى إتنين فقط (تقسيم الهارد أقسام كتير بيقلل من كفائته وسرعته)

أهم حاجة إنك تخللى الـ ALLOCATION UNIT SIZE = 512

وطبعا قبل ماتعمل الكلام ده تكون مخللى الجامبر بتاع الهارد في الأماكن اللى متوصي بيها في حالة إن الويندوز تكون قديمة زي الإكس بي أعتقد البن 7 و 8 زي ما قلتم

والله سبحانه وتعالى أعلى وأعلم

**hani945** · 02-02-2010 12:17 AM

طيب يا جماعة حد شاف الصفحة دى
http://www.westerndigital.com/en/pro...dvancedformat/

**D . a .\ AYMAN** · 02-02-2010 12:33 AM

المشاركة الأصلية كتبت بواسطة hani945

طيب يا جماعة حد شاف الصفحة دى
Advanced Format Hard Drive Download Utility

الصفحة دي فعلا فيها كل حاجة بالتفصيل الف شكر ياباشا

لازم تشوفها وتتبع الخطوات اللى فيها بالترتيب (والترتيب مهم جدا زي ماهو مكتوب في الصفحة)

ومعنى الكلام برضه إن اللى أنا قلته عن تركيب الجامبر مع التقسيم لأكتر من بارتشن غلط فياريت تقراها كويس وتمشي معاها واحدة واحدة ... ول حاجة هتبقى زي الفل إنشاء الله

**D . a .\ AYMAN** · 02-02-2010 12:45 AM

المشاركة الأصلية كتبت بواسطة hani945

يبقى كده الهارد اللى عند صاحبى ده من النوع الثانى اللى لازم اصطب عليه فيستا أو سيفين والحل ده هنجربه النهاردة إن شاء الله

وحسب الجدول اللى محطوط يبقى لو هاتنزل ويندوز سفن مش هاتحتاج تعمل أي حاجة ... ولا تحط الجامبر ولا تستعمل البرنامج بتاعهم ... إلا في حالة إتك هاتعمل recovery partition على نفس الهارد ساعتها هاتحتاج برنامج التقسيم بتاعهم

**youssefmustang** · 02-02-2010 08:35 AM

المشاركة الأصلية كتبت بواسطة mohamed_mohsen

زعلت ليه بس....أكيد الراجل مايقصدش حاجه

انا ما زعلتش خالص والله

**hani945** · 03-02-2010 12:12 PM

إليكم آخر أخبار الهارد الــ1 تيرابايت ويسترن ديجيتال Green

صطبنا ويندوز سيفين على الهارد الغريب ده وبرضه نفس المشكلة الهارد مازالت سرعته بطيئة

وبعدها

عدلنا file Allocation Unit وخليناها 512 بايت والهارد سرعته زادت فى النسخ على كلام صاحبى لما بيكون متوصل على هارد تانى ، لكن لازلت مشكلة بطء السرعة موجودة لما الهارد بيكون لوحده على الجهاز .

ورجع الهارد للشركة وجاب هارد 500 جيجابايت
الخلاصة :
أنا برجح أن بطء سرعة الهارد ترجع إلى بطء عدد اللفات فى الدقيقة لإن سرعته تبلغ 5400 لفة فى الدقيقة مع إن الكاش ميمورى بتاعة الهارد كبيرة للغاية لأنها تبلغ 64 ميجابايت لكن إتضح إن الكاش ميمورى لوحدها مش كفاية ولازم تكون سرعة دوران الهارد كبيرة ، والهاردات التانية سرعتها 7200 لفة ( فرق كبير فى السرعات )

نصيحة : محدش يشترى هارد سرعته لا تقل عن 7200 لفة فى الدقيقة

**D . a .\ AYMAN** · 03-02-2010 05:28 PM

المشاركة الأصلية كتبت بواسطة hani945

( فرق كبير فى السرعات )

في فرق في السرعات ياسيادة الريس ...

-------------------------

بس أعتقد كده في مشكلة في الهارد نفسه

أنا معرفش فرق السرعة والبطئ اللى بتقول عليه كان عامل إزاي طبعا حاجة مايحسش بيها غير اللى إستخدمه .. بس بيتهايئلي الفرق في عدد لفات الدوران من 5400 لـ 7200 مش هايعمل فرق كبير قوي في سرعة تسجيل وقراية البيانات

الموضوع: برجاء المساعدة من خبراء الكمبيوتر فى المنتدى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

برجاء المساعدة يا خبراء التيمبرا

خبراء التأمين برجاء المساعدة

برجاء المساعدة من خبراء المنتدى بخصوص المقص الشمال ؟؟؟؟؟؟؟؟

يا خبراء السكودا ...برجاء المساعدة

خبراء التو برجاء المساعدة

الكلمات الدلالية لهذا الموضوع

المفضلات

المفضلات

ضوابط المشاركة