الموضوع: اللي بيحصل ده مايرضيش ربنا

المشاركة الأصلية كتبت بواسطة dr.amr

السلام عليكم
بصراحه يا جماعه الموضوع زاد عن الحد المسوح به وماينفعش كده
ماينفعش دولتين يتخانقوا بسبب الكوره
احنا وهما ربنا جمعنا برباط الدين واللغه
وتفرقنا بسبب لعبه تافهه اسمها الكره
ده حرام ومايرضيش ربنا
ماينفعش نظام الشحن الزائد اللي بيحصل
انا حاسس ان ممكن شويه وتقوم حرب بينا وبينهم
مهما تكن الاسباب والدوافع
عايزك تفكر للحظه هل ده يرضي ربنا ؟؟
فكر كويس قبل ماترد عليا
ماتنسوش انهم مسلمين وانهم اخواتنا (سباب المسلم فسوق وقتاله كفر)
ارجوكم لازم نصبر شويه ونكبر دماغنا
ربنا ينتقم من الاعلام والصحافه اللي فرقت بينا
الموضوع ليه ابعاد تانيه غير ماتش كوره
انا عارف انهم بيغيروا مننا علشان الحمد لله احنا دائما منتصرين وفي المقدمه
بس ده غيره عاديه
الموضوع كله كان ممكن يخلص لو اللي ماسكين اتحاد الكره رجاله
وقدموا شكوي علطول بعد طبق الكسكسي اللي حسن شحاته كلوا
وكانوا راقبوا المباراه هنا والليله خلصت
لكن الشعب الجزائري دلوقتي عايش تحت تأثير الصحافه والاعلام بتاعهم ودول بيشتغلوا بأوامر من الحكومه والحكومه عندها مشاكل وعايزه تلهي الشعب في حاجه زي مابيحصل عندنا بس هما وسعت منهم ومش عارفين يلموها
تخيلوا احنا لو كنا مكانهم وكان اتعرض صور في الجرايد عندنا لمشجعين مصريين مقتولين في الجزائر كان هيحصل اكتر من كده مننا لأ والادهي ساعتها ان الحكومه بتاعتهم حشدت الحشود علشان يسافروا السودان لازم الناس تصدق
احنا عارفين اننا اتظلمنا وربنا رجع حقنا
احنا مش في حالة حرب معاهم ولا يمكن هيحصل ابدا
لازم نبدأ بالمصالحه والسلام معاهم
لازم نحتويهم
واول خطوه انهم يمنعوا شلبي والغندور ومصطفي عبده من الظهور في التلفزيون
مافيش حد بيكره حد من غير سبب
ولو فضلت كده الدنيا هتولع ومش هنستفيد حاجه
بنخلص علي بعض لمصلحة اسرائيل

"وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ"
معلش لو الكلام ضايق حد بس كان في كلمتين تاعبيني وكنت عايز اقولهم ومافيش مكان اقولهم غير هنا وسط اخواتي

كلام 100% ربنا يكرمك

المشاركة الأصلية كتبت بواسطة a7med_pharma

البادي أظلم

يعني هما إلي بدأو الحمله الإعلانيه بموضوع الأتوبيس إلي إتكسر هنا في مصر
وموضع - الشهداء الجزائريين- إلي راحوا في مصر

تقصد احنا اللي بدأنا بتكسير الاتوبيس و بعدين كل ده حصل
ارجوك متصدقش اللي يقول ان هما اللي كسرو الاتوبيس, لان ده غلط كبير و احنا صدقنا نفسنا

المشاركة الأصلية كتبت بواسطة a7med_pharma

معاك يادكتور عمرو

لما ييجوا يعتذروا ..نقبل أسفهم
وده أقصى حاجه ممكن نعملها..صح كده؟؟

انا معاك لو اعتذروا نقبل اسفهم بس ماعتقدش انه ده يحصل او علي الاقل حاليا
كل المطلوب اننا مانصعدش الموقف
وصدقني هما هيهدوا ويسكتوا لوحدهم
انا عارف انهم ممكن يكونوا عصبيين شويه بس لازم نمسك نفسنا
غصب عننا هم مسلمين وهم اخواتنا
مش بمزاجي بس ربنا هو اللي بيقول كدا

المشاركة الأصلية كتبت بواسطة eng_mostafa_89

يا دكتور احمد معلومة لحضرتك بسيطة الجزائرين معندهمش حاجة اسمها اسف
والحياة عندهم عادى مفيش حاجة اسمها القاب بمعنى انك شغال فى موقع مدير وتحتيك ناس تلاقى اصغر واحد فى اللى شعالين جى يقولك يا احمد
وكمان لما حد يعمل حاجة غلط مبيعتزرش يعنى بمعنى اصح متستناش منهم اسف

وعلى فكرة فى بعض المصريين هناك هولوا الامور اكتر من اللازم زى انها محتجزنهم رهائن فى مطار تلميسان وان الشرطة مبتساعدهمش وكلام من دة كتير

وعلى فكرة اوراسكم اتبهدلت لاسباب سياسية ومعظم الاعتادئات اللى حصلت كان الهدف منها السرقة


انا مؤيد كلامك يا دكتور عمرو جدا وبحيك علية

شكرا يا باشمهندس وربنا يكرمك
عامل ايه في الكليه ربنا معاك

المشاركة الأصلية كتبت بواسطة ashrafsadany

+1111111111111
ربنا يكرمك يا دكتور ويدى كل واحد على قد نيتة

والله بتشرف بردك يا استاذ اشرف ربنا يخليك

المشاركة الأصلية كتبت بواسطة musiccairo

انا عارف ان الموضوع يدايق
بس في نفس الوقت احنا مش بادينا نغير حاجه
حتى المسؤولين الكبار عن العلاقات الخارجيه مفيش في اديهم حاجه
القصه كلها قصة اعلام
وتهويل للأمور وتكبيرها على الفاضي
برغم انها مش اول مره تحصل مع مصر وكان في دول تانيه حصل منها مواقف مع مصر مش من الاعلام لا من قواد الدول دي
لا العرب هيجتمعوا في الوقت الحالي
ولا هيحبوا بعض في الوقت ده خالص
(مش نظره تشائميه ) لا خالص
بس هو دا الواقع
الشعوب فيما بينها يمكن مختلفه عن الحكومات لكن دايما الحكومات هي وجه للشعب امام العالم
والاعلام والصحافه بيكونوا اغلب الوقت مسيطرين على رأي الشعوب وللاسف الشعب بيصدق
واغلب الصحافه بتكون معبره عن الحكومات بشكل كبير
وبالذات الاعلام الثقه منهم
ياجماعه بصراحه مصر ملطشه بقالها كتير
ومفيش وقفه للي بيحصل من اي دوله او من اي جهه بتعمله ضد مصر
الامور السياسيه معقده بشكل كبير اتجاه حكومات وجهات اعلاميه كتير
الحل في ايد السياسيين في تصليح العلاقات برغم صعوبتها طبعا
ويمكن محدش هيقدر يصلح العلاقات الا اذا كان في امر من القائد الاعلى من الجانبين
متستنوش حاجه حلوه لمصر من دوله حكومتها ضد مصر في اي مجال
الواقع اسود
ومهما اتكلمنا وقلنا محتاجين علاقات طيبه ف ده صعب في ظل تواجد حكومات يحكمها اشخاص ضد مصر وفقط بيهتموا بمصلحة بلدهم(حق مشروع)
الحكومات والاعلام لا تمثل الشعب
ويمكن هو ده اللي ظهر الفتره اللي فاتت
فقط حافظوا على الهدوء
واعرفوا ان ربكم هيأذن باليوم اللي يتصلح فيه الحال بين العرب
وهيكونوا ايد واحده ضد عدو واحد

هو ده قصدي والله
مشكلتنا معاهم من الاعلام
وربنا يهديك يا غندور انت وشلبي
احييك علي رأيك

المشاركة الأصلية كتبت بواسطة adel1414

حضرتك دى الصورة اللى انتقلت واستقرت فى دماغنا من غير تحرى..لان ببساطة انا مش بنفى اللى حصل فى السودان من حبة صيع لايمثلوا الجزائر ككل..وزى ماحنا مشحونين منهم هما كمان مشحونين مننا جدا والاتنين اغلبيتهم بنوا الكره والشحن دة بناءا على الاعلام واللى حرك المسالة لاتجاه تانى وخلى ف النهاية الكراهيه بتزيد لحد الله اعلم بيه وحضرتك عاوزنى اعترف بايييييييييييييه؟؟انهم شعب همج والكلام دة..لاطبعا لانى عاشرت ناس فيهم مش ممكن اغلط فيهم لحرصهم على مودتى لحد انهاردة..ياسيدى الفاضل اللى عاشر حد وكل معاه عيش وملح وعرف طبعه كويس غير اللى يعرف حد عن حكاوى مقدرش اقولك الجزائر كذا..بس اقولك ان مشجعى الكورة عندهم همج زى اللى عندنا بالظبط

زي ماحضرتك قلت
الكل الشعوب فيها الكويس والوحش
وحضرتك اتعاملت معاهم يعني عندك التجربه اللي معظمنا بيفتقده
واحنا عندنا همج كتير والله
ربنا يصلح الحال
اكبر مثال علي كده
المتعصبين من مشجعي الاهلي والاسماعيلي
بتيقي مجزره

المشاركة الأصلية كتبت بواسطة ahmad aboul fotouh

كلام 100% ربنا يكرمك

ربنا يبارك فيك