اقتباس المشاركة الأصلية كتبت بواسطة kikooooo مشاهدة المشاركة
-اللانسر شارك عربية جيدة ..بس خمات داخيلة برضو مش قد كدة و

...

انا خلاص مش قادر اقاوووم..ولو سمحتو ماحدش يصووت للرينو تانى:_alshmokh08[1]::_alshmokh08[1]:
انا كنت سايبها اول امبارح واخدة 18 صوت بس !!!
بس ارجع اقول برضه الخيرة فيما اختاره الله..انا صليت استخارة ولقيت نفسى كدا رحت للشارك ودفعت عربونها...ورحت النهاردة تانى حاولت ازود فى الاوبشنز بتاعتها زى ما البرشور بتاعها قايل..بس لاما مافيش لاما اسعار خيالية...

يعنى مثلا السى دى بلاير ب 3500 والفجوات ب 2000....
وكان مكتوب ان الاير باجز اوبشنال العدد اللى انت عاوزه..انا على ما اظن انه اكيد صعب تزودها على عربية...بس المفروض طالما كاتبينه فى البرشور يبقى المفروض عندهم عربيات فيها ايرباجز زيادة !

دا زائد ان المفروض اختار بين تلات الوان فرش واختار بين ابنوس ولا بلاستيك...بس كل دا مافيييش...هو اللى موجود حاجات معينة و بس!

والف شكر يا باشا على الفيديو..شكلى كمان سنتين كدا هروح جاى بايع الشارك واشترى الفلوونس مستعملة...واستفيد بفرق السعر


مفكرتش ليه في الفيات لينيا تربو 1400 سي سي 120 حصان اصلي
ب 108000 جنيه بس و فيها 6 ايرباج (مش عارف فعلا 6 ولا اللى سعرها 135000)
و بلو اند مي و مصفحة بالكامل و موتور اكتر من محترم يديك زي ما انت عاوز و سمعتها رائعة في السوق دلوقتى
فيها كاسيت سي دي معاه usb و بلوتوث و واسعة جدا جدا من جوه ما شاء الله و شنطتها كذلك
و توكيلها محترم جدا مش زي زمان و الناس اللى هناك فاهمين في العربية جدا و قطع غيارها اهون بكتير من الفلونس كعربية اوربي هي كمان
و مش هتصرف عليها اكتر من الصيانة و البنزين في اول 10 سنين على الاقل

و الفيات معروف انه بيعيش و حمالة قسية مش زي ما الناس فاهمة (الثقافة المصرية: فيات = 128) مع احترامي لملاكها

و كفاية انك تشوف عربيات فيات من الستينات ماشية لحد دلوقتى

و بالنسبة للفرنسي فعلا مش قد كده الا البيجو
عربية ليها مكانة راقية في السوق العالمية و عربيات تتحمل و تعيش برضه و تستمتع بيها جدا
و تجيبها و انت مغمض و مش قلقان من حاجة و توكيلها برضه قمة الاحترام
و عمري ما شفت حد اشتكي من بيجو بس هي كعربيات غالية شوية
يعني 308 موديل 2009 مانوال 138000
انما 2010 ب 148000 و اتوماتيك 158000 فا كتير جدا يعني و الاوتوماتيك مش فول اوبشنز كمان

عموما اللانسر محترمة برضه مفيش كلام و ربنا يباركلك فيها مقدما ان شاء الله

بس لو في ايدك تغير شوف اللى قلتلك عليه و اسأل ناس تانية برضه عن اللينيا عشان تطمن لو انت متقبل انك تمتلك فيات اساسا ههههههه

لان فعلا اوماترا مش عاملين دعاية لعربياتها رغم انها خرافة و عشان كده ثقافة المصريين لفيات مش هتتغير
بس احنا كملاك لفيات و مجربينها و عارفينها بنعمل اللى نقدر عليه عشان نحسن اسم الفيات شوية