الموضوع: رجاااااااااااااء من مالكى النوبيرا

40 كيلو لا مش للدرجادى اكيد حضرتك تقصد 4 كيلو بالظبط بعد ماتنزل من على محور نزلة ريق اسكندرية مابين 3 كيلو و4 كيلو هاتدخل يمين بعد عز العرب والبنزينة كدة حضرتك فى ابو رواش بس مركز الخدمة بالظبط انا معرفش هو فين

لاشكر على واجب يا استاذ Soltan وربنا يباركلك في العربية ويكفيك شرها..وموضوع الحسد والعين على العربية الجديدة منتشر جدا جدا ...يعنى متلقيش عربية جديدة الا وفيها خبطة هنا او خدشة هناك الا من سلم ربنا...واللي مستغرب له .اني عمري ما لقيت عربية مرسيدس اوBMW فيها خدش واحد...سبحان الله ..الناس بتخاف تقربلها ولا ايه..وهي كده الحمدالله ممكن تكون خدت العين...فمش عايزك تزعل على اي حاجة تحصل فيها ..وبالنسبة لادعية معينة للحسد فنا منتظر معاك رد الاعضاء...
وفي الاخر كل شئ قسمة ونصيب...واللي يجي في الريش بقشيش..

بالنسبة لموضوع رش الميه على الجنط وهي سخنه..انا مش عارف ..ممكن يعمل ايه..لكن طالما الجنط سليم ومتعوجش وانت جربت تمشي بالعربية..يبقى مفيش حاجة ان شاء الله....انا كان عندي في العربية السابقة..الماستر بتاع العجلة اليمين بيقفش على طول وكل ما اصلحة يقفش تاني ويخلي العجلة تسخن جامد ويستهلك التيل..وكنت بمشي وفيه ميه في الشارع ومبيحصلش حاجة..

لا شكر على واجب يا استاذ سلطان

اكيد حضرتك كان قصدك صوت الرنه الشهيره لموتور الدايو وده طبيعى، المهم انك اطمنت

المياه البارده على طنابير ساخنه احتمال ضعيف تؤدى الى رفه فى الطنبوره ولو انت مش حاسس ان دواسه الفرامل بترعش تحت رجلك و انت بتفرمل يبقى ما فيش حاجه ان شاء الله وده اغلب الظن

اما الحسد فا مفيش فايده انا عربيتى اتخبطت تحت البيت بعد ما جبتها بساعتين وما كنتش لسه رخصته ولا امنت عليها وبعد كده كل يومين حكه وهيه واقفه مكانها، فى الاول زعلت قوى و بعدين كل ما المع حكه تتحك تانى يوم وهيه واقفه برضو و لما سبتها بقت كويسه مش بتتخبط !!!

سيب عليها شويه تراب مش لازم تبرق اليومين دول لغايه الناس ما تنسى وتتعود هههههههههه

الف مبروك وربنا يديك خيرها ويكفيك شرها

المشاركة الأصلية كتبت بواسطة mummy_47

...واللي مستغرب له .اني عمري ما لقيت عربية مرسيدس اوBMW فيها خدش واحد...سبحان الله ..الناس بتخاف تقربلها ولا ايه..

و لا باسات و لا أي عربية أغلي من 200 الف ،،

فعلآ وجهة نظرك سليمة ،، الناس بتخاف تقرب من العربيات دي ،، حتي الشباب الصغير بيخاف يقعد عليها ،،

يقولك يا عم ده صاحبها ينزل يبهدلني ،،

يوه ،، أدينا بنحسدهم ، ههههههههه

الأخ صاحب الموضوع لا تتشائم و لا حاجة ،،

النوبيرا عربية محترمة ،، مش بقولك كده مجاملة ،،ده عن تجربة ،،

و عربية اثبتت وجودها ، فلا داعي للقلق ،،

غالبا دي عيوب تجميع ، يعني مش العربية وحشة في حد ذاتها ،، دي حاجات سهلة المعالجة

بس تخلي بالك من كل حاجة ،، و متنطش أي حاجة عشان ماتتفاقمش ،، و ميكانيكية الدايوو كتير ،، انصحك تبقي تكشف عليها عند ميكانيكي دايوو قبل ما تروح التوكيل كل مرة عشان تبقي عارف تقولهم فيها ايه ،، بس ما تعملش اي حاجة بره التوكيل إطلاقا ،،

و انتا مع ضمانك ستين الف كيلو علي ما اعتقد فلا داعي للقلق ،،

متقلقش ،، هتضبط و بعد كده العربية تبقي تمام ،،،