ارجو المساعده في الاختيار بين -- لانسر وكورولا و سيتي

**whoiswho** · 17-05-2007 12:49 PM

ارجو المساعده في الاختيار بين -- لانسر وكورولا و سيتي

hamdy.fathy@gmail.com 16/05/2007 10:26:14 ص

عدد القراء : 32

انا محتار مابين 3 سيارات في حدود 100 الف

الاولي لانسر 1600 فول اوبشن
او كورولا 1300 تكييف وباور فقط
او سيتي

انا صاحب اسرة ويهمني في السيارة
1- اتساع وراحة المقعد الخلفي
2- الارتفاع النسبي عن الارض بسبب المطبات المزعجة اللي في مصر
3- اتساع الشنطة
4- سعر قطع الغيار
5- قوة التكييف في درجات الحرارة العالية في مصر حاليا
6- التوكيل وصيانة مابعد البيع

ارجو المساعده

17-05-2007 01:00 PM

الاولي لانسر 1600 فول اوبشن

انا بحاول اقنع نفسي بحاجة تانيا مش عارف :mrgreen: :mrgreen:

**memo_hefnawy** · 17-05-2007 01:19 PM

1- كرولا أفضل إعادة بيع + إرتفاع عن الأرض + نعومه
2- لانسر أسهل صيانه و أسرع فى البيع
3- سيتى أجمل فى الشد و الجرى و إمكانيات لكن إعادة بيع تخسر

17-05-2007 01:19 PM

- اتساع وراحة المقعد الخلفي =كورولا
2- الارتفاع النسبي عن الارض بسبب المطبات المزعجة اللي في مصر =كورولا
3- اتساع الشنطة =كله تقريبا واحد
4- سعر قطع الغيار =لانسر
5- قوة التكييف في درجات الحرارة العالية في مصر حاليا =لانسر
6- التوكيل وصيانة مابعد البيع =لانسر وكورولا نفس الشى

وياريت حد يفيدنا يا رجالة :mrgreen: :mrgreen:

**sh_masry** · 17-05-2007 01:24 PM

الاولي لانسر 1600 فول اوبشن

**Migo123** · 17-05-2007 01:35 PM

بالنسبة لل 3 عربيات اللي اخترتهم الكورولا صدقني تكسب و الفرق الوحيد بينها وبين اللانسر ان العربيه حمـــــــــــــالة اسيه من الاخر .... وده عن تجربه لعربيه موديل 2002 (أول الشكل الحالي)
العربيه انا سوقتها لغايه 170 على طريق الساحل كتير وفراملها ممتاز واستجابتها للسائق رائعه --- انا شخصيا كنت ماشي على الصحراوي على 150 بالليل وفجأه لقيت قدامي كاوتش عربيه نقل على بعد لا يزيد عن 25 متر وخدت بيها غرزه قطم على السرعه دي وزودت السرعه لتفادي السيارات القادمه من خلقي والعربيه كانت على الخامس ومحركها التحفه زود من 150 ل 170 في ثانيه عشان اقدر اهرب من اللي ورايا... الحمد لله الموقف ده لو كان حصلي مع اي عربيه تانيه مش عارف كان ايه اللي ممكن يحصل.
ده غير ان نفس العربيه اللي بكلمك عليها بتتعامل اسوء معامله من خمس سنين -- لانها بدل عليها اكثر من 5 - 6 سواقين ومشواريها كلها في اماكن تكسر العفشه
وبسم الله ما شاء الله العفشه ما تفكش فيها مسمار و غير الصيانه العاديه ما بتحتاجش حاجه غير ان مره الكمبروسر بتاع التكييف باظ وهي في الضمان واتغير على حساب الوكيل طبعا و ده عيب مسمعتش عنه ابدا غير في الحاله دي
....

الفكره بقه هي ليه تدفع اكتر لما ممكن تدفع أقل............... الدايهاتسو ماتيرا اعتقد انها نفس الكفائة، اوسع من جوه، اوبشنز اعلى بكتير ، شكل مميز جدا، التوكيل اروق لان الضغط على تويتا عالي قوي اليومين دول .......وكمان ممتعه جدا في الرحلات الطويله خصوصا لو معاك اطفال... كل ده بضمان الوكيل (المحترم) 3 سنوات وليست خليجي والسعر اقل من اللانسر الخليجي 97 الف .... ايه رأيك بقه ....

**أبو عبدالله** · 17-05-2007 02:01 PM

انصحك بالكورولا

**Ahmed Hassan** · 19-05-2007 04:19 AM

انا ارشحلك الماتيريا. لو مصمم على اختيار من اختياراتك الثلاثه يبقى الانسر 1600. هيا اختيار تقليدي, بس فيها كل اللي انته محتاجه.
كورولا 1300 موتور صغير و غاليه.
السيتي: انا بحب الهوندا بس برضوا انا شايف ان دي مش هوندا :shock:

ممكن تكون اوبشن ممتاز, و موتور رائع, و تكنولوجيا عاليه, بس شكلها غير متناسق(ارى ان الهوندا الجاز رائعه مع انها على نفس الشاسيه و لكنه مناسب ليها), و اشك في امكانيه ثباتها على الطريق بالتصميم ده ده غير انها مصنوعه في تايلاند, و انا باستعمل تويوتا هيلوكس مصنوعه في تايلاند و شفت المشاكل السخيفه اللي فيها.

و اخيرا ربنا يوفقك في الاختيار

**جندى مجند** · 19-05-2007 12:39 PM

و اشك في امكانيه ثباتها على الطريق بالتصميم ده ده غير انها مصنوعه في تايلاند, و انا باستعمل تويوتا هيلوكس مصنوعه في تايلاند و شفت المشاكل السخيفه اللي فيها.

أنا معايا هوندا سيتى و الكلام دة مش مضبوط ... الثبات بتاعها ممتاز .. أنا مازودتش عن 170 قبل كدة بس على السرعة دى كانت ثابتة ... مش حقولك زى اللانسر لكن بالتأكيد مش زى عومان الكورولا و بالنسبة للتقفيل التايلندى مفيهاش أى مشاكل تقفيل ... بس رغم كل دة انا منصحش بيها فى الوقت الحالى لأن اللانسر سعرها منافس جداً مقارنة بالسيتى بل و بأى حاجة تانية فى السوق ... لكن وقت ما جبت السيتى مكانش اسعار اللانسر نزلت جامد زى دلوقت ...