تعلم واصبح محترف في تركيب سيستم لسيارتك

**ahmed_3omda** · 09-02-2008 04:09 AM

عاشق الفولفو بس كدا انتا تأمر :)

شرح بالرسم لتوصيل الجي ام او الامبلفير بكاسيت السياره والسماعات

يارب يكون الشرح كافي

دي صوره ل ارسيهات جولدن من اقوي الارسيهات وحتلاقيها غاليه بس لابد منها وحتلاقيها موجوده في راديو شاك بأذن الله

دي ارسيهات عاديه موجوده في اي محل كهربه وب خمسه جنيه بس طبعا في فرق واضح بينها وبين الجولدن .

**sleepyhammer** · 09-02-2008 09:58 PM

مشكور يا باشا على المعلومات القيمة
وياريت شرح تركيب ال Cd Rom لو مكنتش اتقل عليك
علشان مش حقدر اجيب كاسيت فلو ينفع يتركب ياريت تقولى كيف اركبه و ماهى المعدات اللازمة معاه؟؟
وشكرا لك مرة اخرى

**عاشق الفولفو** · 11-02-2008 06:35 PM

فعلا عمدة بجد
مشكوور اوي علي الطريقة (وبالعربي كمان)

**ahmed_3omda** · 15-02-2008 05:58 PM

المشاركة الأصلية كتبت بواسطة sleepyhammer

مشكور يا باشا على المعلومات القيمة
وياريت شرح تركيب ال Cd Rom لو مكنتش اتقل عليك
علشان مش حقدر اجيب كاسيت فلو ينفع يتركب ياريت تقولى كيف اركبه و ماهى المعدات اللازمة معاه؟؟
وشكرا لك مرة اخرى

- سي دي روم الكمبيوتر لا تصلح للسياره لانها مصممه لآنها تشتغل علي الكمبيوتر وحتفضل تقطع معاك معا اقل مطب وبعد كدا العدسه حتتحرق لانها لا يوجد بيها نظام antishok (مانع الاهتزاز) ألموجود في الكاسيت السي دي

- و سي دي الكمبيوتر بتقراء نظام Audio ياعني الاسطوانه حتاخد 10 اغاني بالكتير .

انصحك انك تجيب اوكليزر وتوصل عليه mp3 player أو mp4 بـ 200 جنيه وليه شاحن بيشتغل علي ولاعه السياره .

او تشتري كاسيت سي دي يكون مستعمل من مكان مضمون او من احد الاعضاء الكرام الذي يرغب في تجديد الاستريو بتاعو بـيعمل من 300 الي 350 جنيه حسب النوع والامكانيات

Mp4

صوره لشاحن السياره لـ mp4

**ahmed_3omda** · 15-02-2008 06:00 PM

الله يخليك ياعاشق الفولفو انا تحت امرك ف اي استفسار اخـر

بالنسبه للعربي انا حبيت اترجم علشان يبقا الموضوع سهل :)

بالتـوفـيق للـجميـع :)

**ahmed_3omda** · 15-02-2008 06:26 PM

علشان خاطر sleepyhammer طريقه تركيب سي دي روم للسياره بالصور :)

نحتاج الي سي دي روم مع لوحة أمامية تحتوي على الازرار : (audio)
PLAY / EJECT / NEXt / STOP

نحتاج ايضا الي كابل باور (الاحمر والاصفر كهربه) و(الاسود ارضي).

طبعا سيكون عندك مشكلة صغيرة وهي تقطع الصوت اذا كان الطريق سيئا وفيه مطبات كثيرة لان الجهاز بالاصل مصمم ليعمل في البيت وليس في السيارة وسوف تحرق العدسه بعد فتره زمنيه قصيره :(

**sleepyhammer** · 16-02-2008 11:08 PM

شكرا يا باشا على الوصف

طيب انا عندى اكولايزر ممكن يتوصل عليه ايه وهل ينفع يتوصل ام بي ثرى او اى حاجة وده اكوليزر مش كاسيت ؟؟؟

وشكرا يا عمده

**ahmed_3omda** · 17-02-2008 01:22 AM

ممكن طبعا يااستاذ sleepyhammer

بس اتأكد ان فيه مدخل صوت اسمه cd ولو موجود اشتري الوصله اللي في الصوره من عند اي محل اكسسوارات كمبيوتر ويركب معاه Mp3 أو Mp4 عادي جدا ويفضل Mp4 وتشتريله شاحن سياره افضل :) وبالتوفيق