الموضوع: صنى ولا سيراتو؟

صني جوده اعلى. سيراتو شكل احلى

سيراتو طبعا احلى بكتير واشيك واقوى الصني كلاسيكي اوي وواطيه جدا يعني صباح الحك في المطبات

السيراتو طبعا لأنها موديل جديد يحتوي على تكنولوجيا متطورة مش زي الصني تغيير غبي فيى الشكل الخارجي ومفيش اي تعديل في التكنولوجيا ولا الخامات من 8 سنين

ده غير المحرك القوي والمساحة الداخلية الرحبة والشكل الخارجي الجميل

انا فى كل ردودى مش متحيز لأى طرف لكن احل اوضح المقارنة الفعلية بين النيسان السوبر صالون والسيراتو الأقرب ليها فى السعر ونشوف الفروق الفعلية اللى بينهم حسب الكتالوج بتاع كل واحدة بتاع الوكيل:
السيارة نيسان مقابل كيا
الموديل صنى سوبر صالون مقابل سيراتو EX
الصنع يابانى تقفيل مصرى
السعر حسب كونتاكت 100000 مقابل 108900 للكيا
السعة اللترية للإتنين 1600
قدرة المخرك (حصان/عدد دورات) 118/6000 وللسيراتو 124/6300
اقصى عزم (نيوتن.م/عدد دورات) 165/4000 وللسيراتو 156/4200 (النيسان افضل فى السحب)
فرامل abs استاندر (ومفيش فى السيراتو)
نظام ebdلتوزيع قوة الفرامل استاندرد (ومفيش فى السيراتو)
نظام ba لمؤازرة الفرامل الفجائية استاندرد (ومفيش فى السيراتو)
قضبان جماية ضد الصدمات استاندرد (ومفيش فى السيراتو)
وسادة هوائية للراكب الأمامى استاندرد (ومفيش فى السيراتو)

وباقى الكماليات زى بعض بالظبط بمعنى ان الإتنين الموتور بتاعهم كويس جدا ومتقارب مع ان عزم النيسان اعلى على عدد اللفات القليل ودى ميزة كبيرة للى عاوز سحب سريع وتسارع وال118 حصان فى النيسان عند عدد لفات 6000 لكن 124 فى الكيا عند 6300 ودى نقطة تفوق للنيسان فى رأيى
نيجى للنقطة المهمة وهى غزارة عوامل الأمان فى النيسان مقارنة بالسيراتو اللى اغلى منها ب 8900ج يا جماعة وارجوكم ماتهملوش عوامل الأمان دى يعنى انظمة الفرامل دى abs, ebd, ba وقضبان الحماية ليهم ثمن وتأمين للى راكبين فى العربية ودول مايتقارنوش بالشكل الأحسن والتصميم الثورى زى ما بيقولوا بتاع الكيا لأن الأمان اهم بكتير من الشكل
الحاجة العجيبة انهم مش حاطين وسادة هوائية للراكب الأمامى يعنى الواحد يسوق وهو متأمن وزوجته او اولاده ع الكرسى اللى جنبه بدون عوامل أمان (ده كلام؟؟؟)
انا شايف ان السيراتو عربية كويسة لكن غالية جدا على تمنها ومعظم كمالياتها وتفوقها من الناحية الشكلية (كروم وعدادات وشكل و.......) لكن النيسان عربية عائلية اكتر منها
فيه نقطة كمان ان قطع غيار الكيا غالية جدا جدا جاد واغلى من النيسان بكتير ومش منتشرة زى النيسان الصنى المنتشرة فى كل الجمهورية
فى رأيى التوكيل فى الإتنين محترم جدا
لكن انا قارنت بينهم عشان تستفيدوا فعليا وخلونا نبعد شوية عن الشكل وندور ع العربية اللى ليها اعتمادية وامان وشوفوا الأوروبيين لما بيعملوا عربية بيهتموا بوسائل الأمان ازاى للعربية
فى النهاية النيسان صنى السوبر صالون افضل سيارة فى فئتها السعرية فى مصر وان شاء الله ان هشتريها عن قريب جدا لأنى سقتها وهى عربية ماشاء اللع عليها زى الوحش وكفاية انها يابانى مش كورى