مقابلة شهر يناير

**اسلام المصرى** · 23-12-2007 09:27 PM

المشاركة الأصلية كتبت بواسطة karim_monir

اسلام يا مصري في كام مطعم حوالين الجنينه ما تقلقش;)

طمنتنى الله يطمنك :D ان شاء الله تعالى هكون موجود معاكم سواء 4 أو 11 أو 22 أو 32 يناير :D يا أهل مصر الجديدة و مدينة نصر الكرام توصفوا لنا الطريق من شارع صلاح سالم مثلا أو ما هو أحسن طريق للقادمين من وسط البلد أو المهندسين لو سمحتم و شكرا جزيلا :)

**اسلام المصرى** · 23-12-2007 09:35 PM

المشاركة الأصلية كتبت بواسطة Hossam_Hassan

لالالالالا ان شاء الله المرة دى مفيش خلعان بس أنت جهز المحمر و المشمر، خصوصا ان أسلام المصرى كاتب على البروفايل بتاع ال Face Book انه جعان.

:D يا حسام يا مراقبنى :D أنا فعلا كنت جعان :)

المشاركة الأصلية كتبت بواسطة CryptonX

وفي مطعم " جـــــــــــــــــامد جـــــــدا " ايطالي ( باستا و بيتزا و ساتدويتشات ) جنب الحديقة و اسعاره كويسة جدا
اسمه Bistro وهو اصلا فرع لمحل شهير في مساكن الشيراتون .

الله يطمن حضرتك ذى ما طمنتنى :) واحده بيتزا كبيره تسند الواحد لغايت الغذاء. أنا عمرى مارحت المكان ده قبل كده فلازم أطمن :D

للغاويين اكل زي كدة ;)

المشاركة الأصلية كتبت بواسطة memo_hefnawy

محمر و مشمر و كل إللى نفسك فيه إنت و إسلام يا حسام :)

تحبوا نجيب خروف :) هههههه ولا نخليها إيطالى مع كريبتون :) بس شكلك مش أكيل يا كريبتون لو إنت أكيل يبقى إسلام إيه :)

ربنا يخليك يا ميمو يا حبيبى :) خلاص فى الخباثه كده حسام و أنا معزومين على العشاء عندك :D

المشاركة الأصلية كتبت بواسطة noni67

هو انا ممكن اجى
ولا اللقاء دة قاصر عليكم انتم
وممكن اجى انا ومراتى وابنى 12 سنة ولا رجال فقط
اشكركم

أهلا و سهلا بحضرتك :) نتشرف بمعرفة حضرتك و تنورنا :)

**Nile_Storm** · 23-12-2007 09:43 PM

متخلوها 11 علشان اكون لحقت استلم العربيه
و لا انتو مش عاوزني اجي ولا ايييييييييييييييييييييييي يييييه :)

**د.أحمد سمير** · 23-12-2007 10:08 PM

المشاركة الأصلية كتبت بواسطة اسلام المصرى

طمنتنى الله يطمنك :D ان شاء الله تعالى هكون موجود معاكم سواء 4 أو 11 أو 22 أو 32 يناير :D يا أهل مصر الجديدة و مدينة نصر الكرام توصفوا لنا الطريق من شارع صلاح سالم مثلا أو ما هو أحسن طريق للقادمين من وسط البلد أو المهندسين لو سمحتم و شكرا جزيلا :)

أولاً : أنا شايف الميعاد يوم 4 يناير كويس لييييه ؟ علشان السبت 5 يناير أجازة بديهية ، والاثنين 7 يناير أجازة برضه ، والأربعاء 9 يناير برضه أجازة .. يعني اللي عايز يضرب الأسبوع كله أجازة هيأجز يومين بس .. ومن المعروف أن الواحد بيبقى مبسوط قبل الأجازات مش بعدها .. ودي وجهة نظر شخصية محضة .

ثانياً : الطريق .. ما يتوهش أبداً .. شارع مكرم عبيد هو تاني شارع بعد عباس العقاد مباشرة للي ميعرفش ، والحديقة في منتصف الشارع على الشمال يعني القادم من المهندسين أو وسط المدينة هينزل من كوبري أكتوبر في طريق النصر طوالي إلى شارع مكرم عبيد ، ثم في منتصف الشارع هيلف شمال عند التقاطع اللي قدام الحديقة في شارع أبو داود الظاهري يركن ، ويدخل ... بس كدة .
الكافيتريا في أقصى اليمين ومميزة جداً ، والحديقة حواليها مكان متسع جداً لركن السيارات على جوانبها الأربعة خصوصاً ناحية شارع أحمد فخري ..
وفي انتظاركم يا باشوات
تقبلوا خالص مودتي وتقديري

**الريس** · 23-12-2007 10:25 PM

انا مش هاخرج على اجماع الاعضاء .. و هحاول اجي يا جماعة 4 يناير هو الفكرة بس انتم واحشيني
انا المفروض هارجع أي وقت من 29 ديسمبر ل 6 يناير (الميعاد لسة ما اتحددش)
قدر الله
و يا رب تستمتعوا بوقت جميل ..

**الريس** · 23-12-2007 10:35 PM

بالمناسبة .. بعد قراءة الردود لقيت ان في بعض الاعضاء الجداد .. فاكرين ان المقابلة دي حاجة مقصورة على القدام بس
وممكن يكون في غيرهم مبيفتحوش الموضوع ده و ليهم نفس القناعة دي
و علشان كده باقترح تغيير العنوان الى مقابلة شهر يناير .. دعوة للاعضاء الجدد .. و القدامى
و تقبلوا خالص مودتي

**sherif_84** · 23-12-2007 11:08 PM

ياجماعة احنا المفروض ان المقابلات بتكون أول جمعة من كل شهر بغض النظر عن مشاغل الأعضاء لان كل مانأجل ميعاد مش بيناسب بعض الأعضاء ولو قدمناه برضو مش بيناسبهم
يبقى لازم الكلمة تبقى واحدة والميعاد يبقى واحد وهو الجمعة من أول كل شهر واللى يقدر يجى طبعا هيجى وينورنا واللى مش هيقدر يعوضها المقابلة اللى جاية وبعدين دى مش أخر مقابلة لسه فى مقابلات كتيييييييير قوى يعنى ماحدش يقلق ( :

**اسلام المصرى** · 23-12-2007 11:40 PM

المشاركة الأصلية كتبت بواسطة د.أحمد سمير

أولاً : أنا شايف الميعاد يوم 4 يناير كويس لييييه ؟ علشان السبت 5 يناير أجازة بديهية ، والاثنين 7 يناير أجازة برضه ، والأربعاء 9 يناير برضه أجازة .. يعني اللي عايز يضرب الأسبوع كله أجازة هيأجز يومين بس .. ومن المعروف أن الواحد بيبقى مبسوط قبل الأجازات مش بعدها .. ودي وجهة نظر شخصية محضة .

ثانياً : الطريق .. ما يتوهش أبداً .. شارع مكرم عبيد هو تاني شارع بعد عباس العقاد مباشرة للي ميعرفش ، والحديقة في منتصف الشارع على الشمال يعني القادم من المهندسين أو وسط المدينة هينزل من كوبري أكتوبر في طريق النصر طوالي إلى شارع مكرم عبيد ، ثم في منتصف الشارع هيلف شمال عند التقاطع اللي قدام الحديقة في شارع أبو داود الظاهري يركن ، ويدخل ... بس كدة .
الكافيتريا في أقصى اليمين ومميزة جداً ، والحديقة حواليها مكان متسع جداً لركن السيارات على جوانبها الأربعة خصوصاً ناحية شارع أحمد فخري ..
وفي انتظاركم يا باشوات
تقبلوا خالص مودتي وتقديري

شكرا جزيلا يا د. أحمد على الوصفه جزاك الله خيرا :) ان شاء الله ماتوهش :D
كويس أنه فى مكان امن لركن السيارات :)
سمعت أن عيد رأس السنة الهجرية موافق 10 يناير و لا 9 يناير؟؟؟

**memo_hefnawy** · 24-12-2007 08:23 AM

خلاص يا جماعه كده إتفاق على إنها 4 يناير :) عشان فيه ناس مظبطين مواعيدهم إن دايما أول جمعه محجوزة وده يومنا

ستورم باشا تستلم إن شاء الله على خير بس مش لازم تستنه الإستلام عشان تيجى ممكن تيجى مع أى حد شوف إنت بتيجى منين و أكيد فى حد قريب منك

و العشاء و السحور كمان لو تحب يا إسلام بيك ده يكون ليا الشرف و تنورنى إنت و حسام و الحبايب كلهم :)

باسم باشا ياريت تعرف تظبط النزول و تيجى من زمان ماشوفناكش :)

**eng_mkhalaf** · 24-12-2007 08:43 AM

يبقى الخلاصة
1- التجمع هناك الساعة 10:30 علشان عما ما نظبط القعدة ونتجمع تكزن الصلاة جت نصلى ونعيش حياتنا بعد كدة
2- التجمع عائلى لمن يريد وأنا أولهم
3- التجمع يوم الجمعة 4 -01 -08 أن شاء اللة
4- التجمع فى حديقة الطفل فى مكرم عبيد
5- يوجد كافتريا فلا داعى لأحضار طعام لمن يريد

كدة النقط كلها أتجمعت حد عندة تعليق

الموضوع: مقابلة شهر يناير

LinkBack

أدوات الموضوع

عرض

-

-

-

-

-

-

-

-

المواضيع المتشابهه

25 يناير - 28 يناير - 11 فبراير هتبقى اعياد ايه السنة الجاية ؟

فورميلا الأهرام 2008 - 24 يناير - 28 يناير

اعلان عقد مقابلة استثنائيه الجمعة القادمة 11 يناير 2008

الكلمات الدلالية لهذا الموضوع

المفضلات

المفضلات

ضوابط المشاركة