فيات جراند بونتو جديد و لا اوبل استرا مستعمله ؟؟(جديد ولا مستعمل عموما) !
السلام عليكم
انا خلاص قررات شراء عربيه في خلال اسبوعين ان شاء الله
انا لفيت كتير اوي اوي و عارف تقريبا مميزات و عيوب العربيات الي في الحدود الي معايا (معايا حتي 100 الف)
دلوقتي انا عجباني الجراند بونتو اكتر حاجه حتي ال 100 الف
(الاوبشنز بتعتها-ثباتها-شكلها-الامان-اوروبي) مفيش عربيه تتفوق عليها في الي انا عاوزه عليها في السعر ده
بس حوار البونتو ايفو داود غير تفكيري شويه
قلت طب ليه مجبش اوبل استرا مستعمله بنفس السعر و اعتقد هتبقي 2007 2008 و حالتها نضيفه
انا بدأت احتار اوي دلوقتي
انا عارف ريحة الجديد و احساس الجديد حاجه تانيه نفسيا حتي
بس الاسترا برده كاتيجوري و فئه تانيه خالص نقله ماتتقرنش بالجراند (تتقارن بالبرافو يعني قصدي)
فمن ساعة ما بدأت افكر فالسترا و اتخيل اني ركبها و انا مبأتش عاور الجراند زي زمان حاسس انها اقل من العوزه رغم انها كانت عجباني جدا و لما ارجع اتخيل ان الجراند هتبقي بكياسها كدا و اول يد برده احساس تاني
فقلت اخد رأي الناس الي فالمنتدي هنا كلكم مش شاء الله خبره و اكيد هتقدروا تسعدوني بس كل واحد يحط نفسه مكاني الاول قبل ما يكرر :d
و شكرا اووي علي المساعده مقدما :)))