الموضوع: هى البلد مالها التسول انتشر كدة ليه؟

المشاركة الأصلية كتبت بواسطة rockana9112007

مرة فعلاااا واحد طلب منى فلوس عشان يروح بلدة قمت اديتة
بعديهااا ب3 ايام فى منطقة جنب المنطقة الاولانية لاقيتة جاى وبيعيد نفس الاسطوانة
لسة بقولة انتا مش لسة واخد ............ لقيتة على طول جرى منى


بس على فكرة ياجماعة الناس دى لازم يتعدمو فى ميدان عام لان فعلااا ممكن الواحد يحصلة موقف زى دة والناس ترفض تساعدة وتبصلة بقرف على اساس انة شحات ومتسول وهتبقى معذورة

وانا عن نفسى مرة وانا فى اولى كلية او تالتة ثانوى تقريباااا كنت جاى من شبرااا ورايح اكتوبر مواصلات ..وكان فى جيب القميص فلوس فكة بحاسب منها ..والمجمد حاطة فى المحفظة
فأول ماخلصت الفلوس الفكة بدور فى الشنطة عشان اطلع المحفظة (كان معايا شنطة من اللى بتتشال على الظهر)
ملقتش المحفظة واكتشفت انى نسيتهاااااا...طبعاااا انا اتصدمت
بدور فى جيوبى لاقيت .75 قرش وكانت اجرة الميكروباص جنية والاتوبيس النقل العام اقل من كدة حوالى نصف جنية او خمسة وسبعين المهم قلت الحمد لله ممكن اركب الاتوبيس

قعدت استنا اتوبيس النقل العام من الساعة 5 المغرب لحد 11 باليل وكنا فى عز الشتا زى اليومين دول بالظبط وفى الاخر قلت خلاص مستحيل ييجى

بس بصراحة اتحرجت جدااااا انى اطلب من حد فلوس وبعدين كان فية سواق ميكروباص رخم جدااا عمال بيحمل وكل شوية يجيلى ويقولى يابية اركب الميكروباص الاتوبيس خلاص مش هييجى يالله خلاص احنا عاوزين واحد ويسبنى شوية وبعدين يرجع
وانا ساكت ومش عارف اقولة اية بس كنت عاوز اخنقة
المهم بجد كنت خلاص هفرفر مش قادر ودعيت ربنا انة يخرجنى من الموقف دة
المهم ان الحمد لله ربنا الهمنى انى ادور فى جيوب صغيرة جدااا فى الشنطة بتبقى محطوطة فى الحزام بتاع الضهر وفعلاااا لقيت ربع جنية فكة ومتتصوروش فرحتى بجد لما لقيتة

بس فعلاااا كانت الفكرة المسيطرة علياااا انى لو قلت لاى حد على اللى حصل مش هيصدقنى وهيفكرنى متسول ونصاب من اياهم وممكن يكون رد فعلة مش كويس وهيكون معذور بس انا كان ممكن يجرالى حاجة

ما اخدتش تاكسي للبيت ليه و طلعت جبت له فلوس تحاسبه؟