نور اقوى بلمبات اكبر

**Karim_Monir** · 26-12-2007 10:57 AM

يا اخي ولا يهمك انا عارف انك مش تقصدني انا بالذات
انا حبيت اوضح ان في ناس والله بتراعي اللي قدامها
هاعمل ايه لما اكون شايف كويس لكن كل واحد يتاذي مني يدعي عليا ولا يحسبن عليا
اقولك موقف
اول مرة اركب الزينون والراجل ماظبطش البؤرة وكان سايبها علة ظبطة الفابريكة
ولسه راجع بيه من الرحاب مكان ما ركبته ولسه داخل الشارع بتاعي لقيت عربيه 131 داخلة عليا عدل
كسرت جامد ووقفته ولسه هانزلة لقيت راجل اكبر من والدي وقاللي والله يابني ما شوفتك ولا شوفت عربيتك من النور
وكان بيتكلم بلهجة كلها صدق-ماروحتش وطلعت على الكهربائى ظبطت النور وضربته في الارض ببؤرة طولها 7 متر
ولما جبت الكرولا عملت نفس الحركة عشان محدش يدعي عليا واجي يوم الدين من مجرد نور اذيت بيه الناس
كل واحد ياخد من حسناتي
(اللهم لا تخذنا يوم العرض عليك)

**marsguy** · 26-12-2007 06:39 PM

السلام عليكم ورحمة الله وبركاته،،،

أنا كان لي تعقيب على الموضوع ده:

للأسف معظم الناس وخاصة سواقين التاكسي والميكروباص مش مدركين أهمية النور الواطي

في الدول المتقدمة القانون بيفرض إنك تنور النور الواطي وإنت ماشي بالليل، وفي وقت لما تكون الدنيا مغيمه أوي كمان ولو ما عملتش كده هاتعتبر مخالف.

وده عشتن النور الواطي ليه وظيفتين مهمين جداً:
1- إنك تشوف بيه، ودية الوظيفة الأقل أهمية.
2- إنك تتشاف بيه، ودية الوظيفة الأهم.

طبعاً كلنا بنعاني لما نيجي نغير حارة أو نكسر يمين أو شمال بسبب الناس اللي طافيين نورهم بالليل، عشان هما بالكاد بيكونوا مرئيين، لو هم منورين النور الواطي هاتسهل رؤيتهم من قبلها بفترة كافية كمان.

وكمان لو إنت منور النور وداخل على تقاطع أو طالع من شارع أو داخل شارع، النور بتاعك هايبين وجود عربيتك وها يخلي الناس تاخد بالها من قبلها بفتره.

وعلى فكرة، مش كل الناس بيشوفوا كويس بالليل زي الصبح

فياريت ياريت كلنا ننور النور الواطي بالليل، حتى لو إضاءة الشارع كويسه.

وياريت كمان نوعي الناس بأهمية النور الواطي

ويارايت كلنا نظبط النور الواطي على طول

طبعاً أنا قصدي النور الواطي مش النور اللي بيفتح مع إضاءة التابلوه

شكراً

**Sherif Khalifa** · 26-12-2007 07:27 PM

مع الاحترام الشديد لاهل الاسكندرية انا فعلا بعانى من الموضوع دة وانا سايق هناك
كلة مطفى النور و واللة فى ناس كنت بشفهم بالصدفة من نور الفلاشر بتاعى لما انعكس على صاج العربية الاخرى

**Karim_Monir** · 26-12-2007 08:28 PM

لاء يا ابو على ببقى شايف كويس بس طبعا مش زي لما تكون البؤرة على بعد من 15 الى 20 متر زي ماهو المفروض
المهم ان محدش يدعي عليا
لكن طبعا يفل الزينون افضل من النور العادي بكتير جدا جدا
خاصة لو القمرة بتاعت الفانوس وحشة
وعلى فكر انا مش بطفي النور بتاعي على الطرق السريعة ابدا
والفوج لايت بتاعي بيكون واضح جدا للقدامي انه شايفني
لاني كشاف الفوج في الكرولا كبير مش صغير زي عربيات كتير زي الانسر

**Karim_Monir** · 26-12-2007 10:13 PM

المفروض انك انت تشوف كويس بس في نفس الوقت ما تكونش البؤرة في عين اللي في وشك
البؤرة هو نقطة تجمع الضوء
اقولك ازاي
تروح في اي مكان ضلمة قوي ويكون فيوشك حائط وتبعد العربية عن الحائط مسافة قول 5 متر انا بتكلم عن الواطي مثلا
وتفضل ترجع ترجع لحد ما تلاقي في نقطة ضوء شديدة نزلت على الحائط دي البؤرة بتاعت فانوسك
شوف المسافة قد ايه والمفروض انها في النور الواطي بين 15 و20 متر
وبعد كدة اضرب العالي وشوف البؤرة هاتفضل ترجع يجي 50 متر كمان عشان تظهر البؤرة بتاعتة
وتقدر تتحكم انك توطي او تعلي من رجلاش الفانوس اللي هو مسمار قلاوظ صغير في جانب الفانوس باي مفك صليبة تقدر تعملها