الموضوع: نور اقوى بلمبات اكبر

زينون والله وريح نفسك

لو لمض اعلى لازم كتاوت (من غيرها الفيشة تسخن وتتحرق)
احسن نوع كتاوت (بوش) عند واحد اسمه مهران في وسط البلد وادي يا سيدي العنوان
14 شارع سليمان الحلبي
بس راي انك تركب زينون وتريح نفسك

لازم كتاوت.
ليا ملحوظة صغيرة واسمحلى اعلق عليها فى موضوعك, الاخوة الى بيتكلموا عن الزينون فى عربية زى اللانوس او اى عربية بدون عدسات امامية هقولهم غلط جدا انك تركب زينون من غير عدسات لأنك هتعمى الناس الى قدامك سواء فى وشك او فى مراية وطبعا دة شىء مؤذى جدا وممكن يسبب حوادث لا قدر الله دة غير الدعوات الى الواحد بياخدها, فأحذروا الزينون بدون عدسات .

الأخ Abdallah كتب:
لازم كتاوت.
ليا ملحوظة صغيرة واسمحلى اعلق عليها فى موضوعك, الاخوة الى بيتكلموا عن الزينون فى عربية زى اللانوس او اى عربية بدون عدسات امامية هقولهم غلط جدا انك تركب زينون من غير عدسات لأنك هتعمى الناس الى قدامك سواء فى وشك او فى مراية وطبعا دة شىء مؤذى جدا وممكن يسبب حوادث لا قدر الله دة غير الدعوات الى الواحد بياخدها, فأحذروا الزينون بدون عدسات

الله ينور عليك
من زمان و انا شايف الناس عماله تقول زينزون زينون و خلاص
طول عمرى شايف معظم الناس اللى مركبه زينون (معلش فى قوة التعبير) ناس معندهاش زوق
كل اللى بيعمله انه يضرب النور الفظيع بتاعه فى عنيك من ورا عشان يا اما توسع له يعدى يا اما تلبس فى اللى قدامك و انت مش شايف حتو لو الدنيا زحمة

من اسبوعين او تلاتة كنت ماشى فى طريق ضلمه كحل و منور العالى و شايف الطريق بالعافيه
و فجأه لقيت الطريق منور قدامى على نور عربية جايه من ورايا ولسه بعيد
الجميل انى لما بصت فى المرايه النور كان مريح و مش مدايقنى نهائيا دا انا حتى مشيت وراه وخففت النور بتاعى عشان اشوف احسن
العربيه كانت BMW و الزينون راكب بفهم و احترام
دى المرة الوحيده فى حياتى كلها اللى شوفت فيها زينزن راكب صح
ربنا يهدينا جميعا