باور اللوجان

**zkralla** · 08-02-2010 09:22 PM

فعلا تقيل سنه

**maged_tours** · 08-02-2010 11:21 PM

في مصر من اللوجان 3 انواع e0&e1&e2الزيرو فاضية يعني بدون باور او زجاج كهرباء او تكييف او كاسيت بس فيها سنتر والإي ون فيها كاسيت وتكييف وباور وزجاج كهرباء للبابين الامامي والإي تو تزيد عليها فوانيس الشبورة ومرايات كهرباء وزجاج كهرباء خلفي ومفتاح ريموت واحد مع العلم أن الباور يعمل بالزيت وليس كهرباء مثل الالنترا وده سبب انها اتقل من الالنترا

**ahmedfozy** · 10-03-2010 10:55 AM

انا معايا الفول اوبشن و برده الباور تقيل بس بحس انه بزيادة لدرجة اني مش بقدر الفه بايد واحدة في الملفات الضيقة وظابط ضغط العجل و كله تمام و مش شايف سبب لده؟

**yahiazakaria** · 10-03-2010 11:51 AM

انا سوقت الفرنا البور بتاعها اخف من اللوجان بس لوحد سمع من حد معاه فيرنا هيقولك ثباتها مش كويس مع السرعات العاليه وخاصته الملفات لكن اللوجان ماشاء الله وانا شايف انه ميزه مش عيب وتقريبا انا قريت في المنتدي هو حد راح التوكيل وخففوا الباور

**amr123** · 10-03-2010 12:42 PM

انا اعتقد ان مفيش باور احسن من بارو اليبانى و الكورى ...اعتقد ان كل الاوربى كده اتقل نوعا ما

**essam_shaaban** · 10-03-2010 12:54 PM

المشاركة الأصلية كتبت بواسطة best2010

انا اللى خلانى شكيت ان ما يكونش فيها بور - غيرموقع رينو اللى اللينك قدام حضراتكم - انى مرة سقت رينو 19 وكان الدركسيون بتاعها خفيف واتفاجأت ان صاحبها بيقولى دى ما فيهاش باور قلت له ازاى دا خفيف وانا افتكرت فيها باور فرد وقالى هو الفرنساوى كله كده دا حتى البيجو 504 موديل السبعينات تحس ان فيه بور مع ان طبعاً ما فيهاش :o_stupid[1]:

كلام سليم جدا
انا سوقت ال504 ف طريق اسكندرية وكانت زي الفل والدركسيون بتاعها خفيف فعلا جدا بالرغم ان مفهوش باور

**Super_Star_h** · 11-03-2010 03:05 AM

رئ الشخصى وعن تجربه الباور انا شايفه ممتاز جدآ
مش هيعرف قيمته الا سوااااااق

**karimnet** · 11-03-2010 09:55 AM

فعلاً مع السرعات الثبات احسن بكتير ده لهم من و انت ماشى براحة و عايز تلفه بصباعك

**megamoudy** · 11-03-2010 04:54 PM

صراحة انا حاسس ان الباور ف الرينو تقيل زي الكليو الباور يعني تقيل لحد ما

وانا معايا الرينو 19 مفهاش باور بس عاوز اقولك اني بلعب بالدركسيون جيم من تقله هههههههههههههههههه تقيل جدا

اجمل باور شوفته باور الياريس فظيع بجد