سوست امامى و خلفى لابيزا 94

**hossamkamel** · 08-02-2010 09:43 AM

ايزاه اعرف ان السوست عندى عايزه تتغي او كويسه ر و انهى احسن اجيب جديد ولا استيراد علشان بحس ان العربيه فى المطباط الصغيره بدبدب يعنى مش ببقى مرتاح على عكس السارات الجديده مع العلم ان المساعدين جداد

**iBiZa** · 10-02-2010 02:15 AM

المشاركة الأصلية كتبت بواسطة hossamkamel

ايزاه اعرف ان السوست عندى عايزه تتغي او كويسه

السوست هى اللى بتبقى مسئولة عن علو العربية و طالما مهبطتش او ناحية اعلى من التانية يبقى السوست سليمة.

المشاركة الأصلية كتبت بواسطة hossamkamel

و انهى احسن اجيب جديد ولا استيراد

غالبا مش هتلاقى جديد غير ماركات after market زى koni مثلا و الطقم مش هيقل عن 1000 جنية بأى حال.

المشاركة الأصلية كتبت بواسطة hossamkamel

علشان بحس ان العربيه فى المطباط الصغيره بدبدب يعنى مش ببقى مرتاح على عكس السارات الجديده

دة ملوش علاقة بالسوست ابدا, دة ممكن يبقى مساعدين او ضغط كاوتش زيادة او لو الفردة ناشفة و ممكن بردة الجلب و البيض تحسسك بكدة.

المشاركة الأصلية كتبت بواسطة hossamkamel

مع العلم ان المساعدين جداد

ملوش علاقة و ممكن الجديد يبقى ناشف زى الSachs مثلا مش بتبقى مريحة خالص.

**hossamkamel** · 10-02-2010 10:45 AM

ازيك يا باشا شكرا على الاهتمام فعلا ضغط الهوا كان زياده بتاع كويتش ابن حلال ضبط الفرد على 45 واكتشفت ده وانا بظبط الهوا بتاع الكويتش اظاهر كده ان الواحد لازم يشترى مقاس ضغط هوا متعرفش منين و بكام

**iBiZa** · 11-02-2010 12:29 AM

انا معرفش حد بيبعهم فى مصر, و كل اللى عند بتوع الكاوتش غالبا بيبقى مش مظبوط, الا محلات الكاوتش الكبيرة.

انا جبت واحد ديجيتال من برة و كان عامل فى حسبة 50 جنية و بظبط بية كل اول شهر.