بفكر فى الميجان و لكن

**rafe3_dent** · 10-02-2010 02:07 AM

علي ايوب ده بيشتغل في الميجان برده
كان في عربية ميجان قدامي بيغيرلها سير كاتينة وحاجات تانية كده مش فاكرها

**Rsarabia** · 10-02-2010 02:19 AM

المشاركة الأصلية كتبت بواسطة rafe3_dent

انا معايا رينو كليو على فكرة
مركز خدمة العدوي .. تعمل عنده كشف على العربية قبل ما تشتري العربية او لاقدر الله فيه مشكلة وعايز تكشف تعرف العطل فين بالزبط

بالنسبة للميكانيكية : في واحد اسمه علي أيوب
الراجل ده بأمانة وعلى ضمانتي .. ممتاز .. وعنده على فكرة جهاز كده بيوصله بكمبيوتر العربية وبرنامج بيكشف بيه على كمبيوتر العربية لو في أي مشاكل (زي اللي في التوكيل)

بالنسبة لقطع الغيار :-
في توريل .. الشركة الفرنسية .. عندهم كل اللي انت عايزه ... وانا كنت لسا شاري حساس كرنك لعربيتي قريب جدا

واي استفسار كلمني على الخاص .. انا تحت أمرك

الف شكر لحضرتك يا ريت تراجع الرسائل الخاصة

**rafe3_dent** · 10-02-2010 05:36 AM

انا رديت على حضرتك على الخاص

وعذراً على التأخير

**Rsarabia** · 10-02-2010 11:02 AM

الف شكر لحضرتك و ان شاء الله تكون خطوة كويسة

**Ahmed Selim** · 10-02-2010 11:42 AM

المشاركة الأصلية كتبت بواسطة rsarabia

انا ليا تجارب غير سارة جدا مع توكيل العدوى و توكيل الدلتا و توكيل الدلتا بالذات بيقولك ان فى حاجات لازم تتغير و لما تروح لواحد يشيك عليها يقولك مش محتاجة تتغير و كله عشان يضحكو على الزبون دا غير عدم الكفاءة فى العمل اخر مرة كنت عندهم كانو فاكين العمة و نسو يقفلو المسامير بتاعتها !!!!!!

تعقيباً بس على النقطة دى............اى توكيل فى مصر بيقبل نسبة معينة من أستهلاك قطعة الغيار قبل ما يقولك دى محتاجة تغيير يعنى مثلاً لو المساعدين كفائتهم قلت عن 80% ( مجرد مثال ) يقولك دول محتاجين يتغيرو.....بينما هما فعلياً حالتهم مقبولة

بينما لو رحت لميكانيكى هيقولك عليهم 100% و زى الفل

ده طبعاً فرق جوهرى بين التوكيلات و الميكانيكية.

**amruzo** · 26-02-2010 03:13 PM

بقالي حوالي سته شهور بفكر في ان اشتري رينو ميجان ومتخوف من ال بسعمة من مشاكل في العربية وقطع الغيار الغالية وغيرة واكيد اي عربية بها مشاكل حتي اكثر العربيات ثمن بها ايضا مشاكل وان شاء وكل تاخيرة وفيها خيره والواحد ان شاء الله يشتري فلوانس قريبا

**raedegypt** · 26-02-2010 03:25 PM

الميجان والرينو عامه وكاله محتكرة كل شيىء حتى مرايه اللوجان ما تلاقيها فى مصر كلها فما بالك المنصورة . المنصورة لانسر او هيونداى افضل حاجه مش محتاجين توكيلات وكل الورش تصلحها لك وريح دماغك وجيبك واعادة بيع تقيل ومش اى حد يخدها لما تفكر تبيع وقرر