الموضوع: سوال فى تغير مقاس العجل

المشاركة الأصلية كتبت بواسطة ahmed-moga

ليه ياستاذ محمد لأني لسه جايب جنط اندونيسي المفروض انه 14 بس وانا بغير الكاوتش متهيألي اني شوفت مكتوب عليه 15 والكاوتش الأتنين الأمامي يوكوهاما صناعة اليابان اللي جايه بيهم العربيه والأتنين الخلفي بيرل 6000 تركي لأني اديت البريدجستون لواحد صاحبي لأني بصراحه كنت مستحرمهم علشان كان حصل معايا موقف مش حلو في بنزينه في الدقي وصديقي جابهم منهم نقول بالقوه واضطريت استخدم المتبقي من الكاوتش بتاعي الأصلي والجديد فابصراحه بعد ماجنط جنوط اسبور اندونيسي وركبت رينجات بقيت اسمع زنه جايه من تحت التابلوه بس بتختفي بس الأول كانت جامده جدا وكنت سامع دب بس الحمد الله عديت علي بتاع كوتش اقرطلي علي الصاموايل بتاعة الجنوط لأن مكنش متقرط عليها حلو وبعديها بقيت اسمع الزنه ديه علي خفيف ياتري ممكن يكون ايه وياتري لو رحت التوكيل ممكن يعالج الموضوع ده وشكرا جزيلا لحضرتك

طالما عربيتك 1300 وانت مركب الكاوتش الاصلى يبقا الجنوط اللى راكبه عندك مقاس 14

اما بخصوص استفسارك عن المشاركه دى :

15/205/50 بس لو جنوط صينى او اندونيسى مانصحكش بالمقاس ده

تعليقى هنا على مقاس الكاوتش وبالتحديد الارتفاع

مقاس ارتفاع الكاوتش الاصلى بتاع العربيه بالنسبه للجنوط مقاس 15 بيكون 60 وطبعا طالما هايزود العرض من 195 الى 205 يبقا لازم نعمل توافق مع الارتفاع ونقلله شويه ونخليه 55
وفى حاله لو هانخليه 50 هنا بانصح انه مايكونش الجنط اندونيسى او صينى لانه هايتأثر بالمطبات وممكن يتكسر لقدر الله وتكون مشكله

لكن بالنسبه للمقاس 14 اللى راكب فى عربيتك ده مقاس كاوتشه بيكون 14/185/65 فابيكون ارتفاع العجله كافى انه يحافظ على الجنط فامش هاتفرق لو كان اندونيسى

اما بخصوص استفسارك عن صوت الرنه
مش هاقدر افيدك اوى لانى مش فاهم علاقه تركيب الجنوط بصوت رنه من تحت التابلوه انما الاحتمال الارجح انه يكون الصوت فى بيت التيل نفسه وعلشان تتاكد من الموضوع ده روح لميكانيكى وخليه يرفع العجلتين الامامي ويفك العجل ويشوف تيل الفرامل ثابت ولا فيه حركه لان لو فيه حركه يبقا اكيد فى سوسته من سوست التيل وقعت وده اكبر احتمال