الموضوع: ريداتيير

بالنسبة للردياتير الحدي فتغييره بآخر نحاس ياتى بنتيجة طيبة جدا، لكن الردياتير الألومنيوم (لونه فضى وزعانف السربنتينة تكون رقبقة جدا يمكن ثنيها بضغطة اصبع) فليس من المهم تغييره بآخر نحاس طالما انه سليم

بالنسبة لمشكلة التكييف لو الردياتير حديد يفضل تغيره لكن لو الومنيوم وسليم نكتى بتنظيفه من الصدا بدورة مزيل صدا، بالنسية للتكييف، لو هو متركب (يعنى مش بتاع العربية الأصلى) غير مروحة السربنتينة ، وهات واحدة اشد، يفضل نوع ساندن اليابانى

هو بما انك فى منتدى فيات فانا امفترض ان العربية فيات بس يا ريت تحدد الموديل علشان اقدر افيدك اكتر

سبعاوى

نوع العربية سكودا والتكييف متركب فيها ومعرفش ماركتة ايه (مش مكتوب عليه حاجة)
بس العربية موتورها كويس وسحبها كويس حتى مع تشغييل التكييف
انا راجعت دورة التكييف كلها كويسة والفريون تمام ومفيش تسرييب وتوجد مروحة سمكها رفيع امام سربنتينة التكييف
بشكل عام انا مش حاسس ان المشكلة من الكباس بس اى صنيعى تكييف بيشتغلنى مرة واحد يقولى غيير الكباس ومرة واحد يقولى غير الوحدة الداخليه (اسفل الكنصول) ومش لاقى واحد عندة ضميير
حتى انى ذهبت لاشهر واحد فى التكييف خلف مسرح البلون وكان هينصب عليا وعاوز يبيعلى مروحة سربنتينة ب 180 جنية وهيا هيا مثل الموجودة فعلا بلد كلها نصب وسرقة
تصور يا سيدى الفاضل انى سالت مرة عن قطعة غيار (معلقة فتيس) فى وسط البلد ملاقيتش غيير الصينى ب 70 جنية
وكنت عاوزها المانى فواحد قالى روح الحرفيين ورحت لاقيت القطعة الصينى هيا هيا ب 90 جنية !!!! ودخلت احد المحلات وسالته عليها قالى استنى شوية وخرج ورجعلى بواحدة (الصينى) وقالى دى بقى ب 120 جنية بصيتلة وقلتله حرام عليك دى ب 70 جنية فى وسط البلد والناس هنا بتبعها ب 90 وانت عاوز تنصب عليا وتبعها ب 120 جنية المهم جبتها استيراد المانى ب 45 جنية من محل اخر
فعلا حال البلد والناس بقى شئ مؤسف وكلة عاوز ينصب ويبيع وخلاص (لاحول ولا قوه الا بالله)
لو واحد غييرى مش عارف نوعها ولا سعرها كان ادبس واشتراها ب 120 وهيا اصلا ب 70 قبل الفصال!!!!
المهم مش عاوز اطول عليك يا باشمهندس سبعاوى
1- دورة التبريد شغاله تمام قبل تشغييل التكييف
2- بعد تشغييل التكييف الحرارة بتعلى اوى (مروحة السربنتينة شغاله) وانا حاطط مياة خضراء ولسا غاسل الريداتيير وهوا الومنيوم
3- التكييف تبريدة ضعييف رغم ان الكباس والدورة تمام وزى الفل على حد قول اكثر من فنى تكييف كشف عليها
ادينى من فضلك مجموعة حلول كويسة من واقع خبرتك الجميلة وارجوا الا اكون اطلت عليكم يا اخوانى

أخ محمد المروحة الكهرباء الموجودة علي الرداتير عاملة أيه

المروحة كويسة وشغالة وكمان مشغل معاها مروحة التكييف كنوع من المساعدة
ممكن تكون التاكيهات هى السبب ؟؟؟!!!! دا كلام واحد قاله ليا بس مش عارف ايه التاكيهات دى وممكن فعلا يكون السبب منها ؟؟!!