الموضوع: الف مبروك لمالكى الكورولا mmt ,والف تحيه لتويوتا

المشاركة الأصلية كتبت بواسطة ابو الوليد المصرى

انا ما اخذتش قرار غير لما لقيت ناس معانا في المنتدي غير استاذ وائل واستاذ مروان مغيرين حاجات كتير في الفتيس ومكانوش بيقولوا وده هو اللى قلقني فعلا وفيه عندي رجرجة بعد الغيار الثاني سألت عليها المهندس في تويوتا العبور قاللى احتمال نغير الكلتش اكتيويتور وبعدين انا برضه عايز اقول ان الفتيس حلو مش وحش بس مع المشاكل دي يبقي جمال العربية والفتيس ضاعوا انا ماشفتش حد في قسم الأوبل بيعمل صيانة للفتيس او حصل معاه n error مع ان الفتيس يعتبر واحد....ولو فعلا المشكلة اتحلت عن طريق القطعة اللى هيجيبوها دي انا مش هفرط فيها ارجو انك تكون فهمتني يا ماندو.

أخى أبو الوليد :
انا من الناس اللى بتحب مواضيعك عشان كدة علقت على ردك وأنا معايا نفس السيارة ولو عندى أى عيوب هقول (دى أمانة) والا بكون بضحك على نفسى أو على بعض لأن دا شقى العمر ... ثانياً مركز العبور ده الشركة المتحدة للسيارات مركز صيانة معتمد وليس الوكيل .. صيانة الوكيل فى العباسية والتجمع وأبو رواش فقط لا غير وانا لاحظت ان هناك عضوان فقط بيحاولوا يعملوا رأى عام ويخوفوا الناس وانا بصراحة لا أحب هذه الطريقة يعنى اللى عنده مشكلة يقولى هتكبر واللى معندهوش أقوله يبقى هيجيلك متستعجلش ليه كل ده بصراحة الناس بتوع التوكيل محترمين جداً فى التعامل مع العملاء وإن كنا نتمنى الأفضل دائماً ويكون هذا هو سمة التعامل من الجميع داخل مصر يعنى لو لاحظت قبل كدة فيه واحد إتكلم عن تغيير عمود دركسيون وطنابير ومساعدين وفتيس دا مخلاش حاجة سليمة فى العربية وواحد قبل كدة إتكلم عن تغيير إسطوانة وديسك وكنترول فتيس وقال أنه دافع 20000 جنيه ؟؟؟؟ (رغم ان جميع السيارات فى الضمان) وقال معايا الفواتير وانه هيرفعهم وطالبته برفعهم كتير ولكن ولا حس ولا خبر وللأسف إكتشفت ان معندهوش العربية وللاسف فى ناس بتفتى كتير وتكره الناس فى حاجتهم واللى انا عارفه اول ما دخلت المنتدى إن إحنا ناس واعية وموضوعية ولا أجيب إلا على ما أعرفه شخصياً وليس عن طريق السمع أو النقل عن شخص آخر ودى بصراحة أمنيتى فى كل شباب مصر ...وشكراً

المشاركة الأصلية كتبت بواسطة oilman

قرات خبر فى الاهرام الصفحه التالته العنوان كالتالى تويوتا ايجيبت ترعى وتدعم مصالح عملائها
فى اطار حرص الشركة على مصالح عملائها والتواصل الدائم معهم وتقديم افضل خدمه والتقنيات الحديثه فى سوق السيارات المصرى وذلك من خلال الاستقصاء المستمر لقياس رضاء العملاء وتوافقهم مع استخدام هذه التقنيات الحديثه خاصة كتلك المتوافره فى سيارات تويوتا ام ام تى والتى حققت مبيعات زادت على 6500 سياره بمصر
اسفر الاستفتاء بان اكثر من 99% من العملاء قد ابدوا رضائهم واستمتاعهم بقيادة هذه السيارات ذات التقنيه الحديثه وفى نفس الوقت اعرب البعض عن عدم توافقهم وبالتالى عدم رضائهم عن استخدام هذه التقنيه الحديثهزوبعد كده دماجه مش ليها لازمه
نيجى للمهم وعلى الرغم من ذلك وحرصا من شركة تويوتا ايجيبت للوصول لاعلى درجات مستوى رضاء العملاء حتى وان كانت هناك نسبه ضئيله جدا منهم تبدى عدم رضائها فانها توصلت الى اتفاق مع شركة تويوتا اليابانيه للسيارات على ارسال بعض القطع المطوره والميتخدمه فى السيارة فى اقرب وقت ممكن لكى تتوافق خصيصا مع متطلبات السوق المصرى ورغبات عملائها
هذا وسوف يتم ابلاغ عملائنا الكرام تباعا بذلك لعمل اللازم لهم

يا ترى بقى حد اجبرهم على كده وفيه ناس طبعا حتشيط دلوقتى من احترام الشركه لعملائها بصورة مش متعودين عليها وكمان فيه ناس حتقولك ده الاستفتاء مش 99% راضيين نقول نخليهم هما اللى مش راضيين
متهيالى بقى مفيش حد ضربهم على ايديهم علشان يعملوا كده اكبر سلام وتحيه لشركة تويوتا وشابو كبيير بجد ذاد احترامى ليها اكتر ومتهيالى كده الشمتانين حيزيدوا شماته وغيظا
وبكده الف مبروك على اللى اشتروا العربيه لما نزل سعرها فى اخر عرض
بس بقى السؤال هل سوف يتم تحميل العميل نسبه من المصاؤيف ولا كله على حساب الشركه؟

سؤال بريء : اما الmmt روعة و الناس مبسوطه منه ليه منزلهوش 2010 اكمالا للنجاح و تأكيد لكفاءة الفتيس المتطور ده. انا شايف ان في تناقد.ولا ايه؟

المشاركة الأصلية كتبت بواسطة Sharky

أولا الف مبروك لمالكى الكرولا mmt لو كان هذا الحل يرضيهم و يحل مشاكل الفتيس

ثانيا الخبر لم يحدد نسبة العيوب فى الفتيس لكن حدد نسبة الغير مقتنعين فقط بالفتيس و نسبتهم 1% يعنى 65 مالك فقط !

ثالثا هل 65 مالك فقط غير مقتنعين بهذه التنقية (و ليس ملاك لديهم عمشاكل فى الفتيس ) لديهم القدرة على تغيير السوق المصرى و تغيير سياسة تويوتا ايجيبت فى عدم نزول الـ mmt مرة اخرى فى مصر !!

هي طبعا النسبة غير دقيقة بالمرة دي لو انتخابات مش هتطلع النسبة دي قرار عدم نزول الmmt مرة تانية ممكن يكون اتاخد علي اساس ان الفتيس هيطور واتوقف علي اساس انه هينزل تاني بس مطور ودي من الحاجات اللى انا كنت متوقعها قبل كده بس اتأخرت اوي....المهم اننا نعرف القطع دي هتبقي مكان ايه وهتحل اي مشاكل بالظبط ......ولو تمت فعلا حل المشاكل عن طريق التطوير توقع نزول الفتيس تاني مرة اخري ومش بعيد تلاقيه في معرض اوتوماك اللى جاي.