من فضلكم مقارنة بين الهوندا سيتى و النيو أكسنت

**mnegypt** · 25-12-2007 07:25 PM

هي النيو أكسينت فيها Abs , Ebd

**dr.ahmed** · 26-12-2007 01:14 AM

النيو أكسنت فيها eps نظام إلكترونى يحافظ على توازن السيارة وكذلك قوة الموتور فى المنحنيات وعلى السرعات المختلفة ليكسبها الثبات والنعومة والسلاسة فى الحركة والمناورة بمنتهى التحكم والساطة فى القيادة الراقية .... بجد حاجة ممتعة

**Bubbles** · 29-12-2007 09:45 PM

المشاركة الأصلية كتبت بواسطة dr.ahmed

مش منتشرة كتير زى بقية فئات الهوندا
أسف أقصد الهيونداى

ألف مبروك وربنا يباركلك فيها
ياريت يادكتور او عندك فكره عن أسعار قطع الغيار,
لأني قلقان من صيانة غبور و عدم انتشارها.

**dr.ahmed** · 29-12-2007 11:33 PM

والله العظيم أنا قلقان أكتر منك يا أستاذى العزيز بس مش من العربية لا طبعا .... من غبور باشا ...بس قلقان منة فى حاجة واحدة بس صيانتة وتوكيلة اللى بسمع عنة بس لسة لغاية النهاردة ماقابلتش أى حاجة ....أما بالنسبة لقطع الغيار وأسعارها فدة مافيش منه أى قلق فهيونداى غرقت السوق المصرى وبأسعار ال128 فهى فى الأول والأخر عربية هيونداى قطع غيارها مالية السوق طبعا... وألف مليون شكر على تهنئتك الرقيقة

**محمدايهاب** · 30-12-2007 02:57 AM

المقارنة أنا شايفها غريبة لإن النيو أكسنت أقل بكتيير من السيتي
السيتي عربية ليها سمعتها في العالم كله و أخذت جوائز كتيير ( طبعا بصفتها الجاز أو الفيت)

**egawady** · 06-01-2008 10:13 AM

المشاركة الأصلية كتبت بواسطة abulhasan

شكرا يا جماعة .. جزاكم الله خيرا
طيب هل الهوندا سيتى فيه منها 1300 سى سى أوتوماتيك
لأن فعلا أنا لا بتاع جرى ولا بتاع تحميل يعنى الـ 1300 بالنسبة لى مناسبة جدا

أيوة فى هوندا سيتى 1300 اوتوماتيك وفيه كمان منها 1500 أوتوماتيك ... بس أعتقد ان الـ 1500 منها مش موجود زيرو اليومين دول ...
ممكن تسأل فى التوكيل ...
بس اللى أعرفه ان فى منها زيرو حالياً 1300 مانيوال .. و 130 اوتوماتيك ....
اما بالنسبة للمقارنة ... فطبعاً الهوندا سيتى تكسب بدون تفكير ... مع احترامى للهيونداى

**dr.ahmed** · 07-01-2008 02:06 AM

يا جماعة مع إحترامى لكل السيارات الموضوع مش مين يكسب ومين يخسر إحنا هنا كل واحد بيفند مميزات السيارة اللى إتعامل معاها علشان نفيد بعض ومهما إتكتب وإتعرض كل واحد لية دماغ وذوق مختلف فى إختيار سيارتة ودة كمان حسب طبعا إمكانياتة .... ولذلك فعلى اللى ركب السيتى يقول إية اللى فيها واللى ركب الأكسنت يقول اللى فيها ....إنما الموضوع مش ( مقارنة ظالمة - السيتى تكسب طبعا - .....) بأمارة إية ؟ دة اللى إحنا بناقشة وبنعرضة واللى أحب أسال عنة هل الصناعة التايلندى تتفوق على الكورى ؟؟؟؟؟؟ سؤال وأحب التعرف علية هل السيتى فيها eps هل قطع غيار السيتى تستاهل غرتفاع أسعارها وهى صناعة تايلندى هل السيتى مزودة بكاسيت mp3 &audio & aux & memory card & usp وهل السيتى 112 حصان وهل السيتى نوع ومقاس إطاراتها يسمح لها بالثبات الفائق أسئلة كتير أحب فعلا التعرف عليها من أصحاب السيتى ....والخلاف فى النقاش لا يفسد للود والتقدير أى شئ وتحياتى إلى إخوتى الأعزاء بالمنتدى الجميل

**جندى مجند** · 07-01-2008 04:05 PM

المشاركة الأصلية كتبت بواسطة dr.ahmed

النيو أكسنت فيها eps نظام إلكترونى يحافظ على توازن السيارة وكذلك قوة الموتور فى المنحنيات وعلى السرعات المختلفة ليكسبها الثبات والنعومة والسلاسة فى الحركة والمناورة بمنتهى التحكم والساطة فى القيادة الراقية .... بجد حاجة ممتعة

ُEPS=Electronic Power Steering

دة نظام باور كهربائى بدلاً من النظام الهيدروليك حيث لا توجد فيه مضخة زيت باور و غالباً بيكون مبرمج بحيث يكون الدركسيون خفيف على السرعات المنخفضة و ثقيل على السرعات العالية و هو ما يعطى تحكم أعلى فى السيارة على السرعات العالية ... و هو نظام موجود فى السيتى و النيو أكسنت

الحقيقة أنا عندى سيتى 1500 و هى سيارة رائعة فى فئتها و مليئة بالمزايا ... و ركبت أيضاً النيو أكسنت لمدة نصف ساعة و هى سيارة جيدة جداً من حيث سحب الموتور و صوته و ان كان صالونها ضيق (أنا طولى 185) و شنطتها أقل كثيراً من السيتى ...

رأيى الخاص لو حضرتك مش محتاج جرى و كدة يبقى السيتى الأتوماتيك الـ 1300 مناسبة جداً (و هذا لا يعنى أنها سيارة بطيئة بالمناسبة) و خاصةً لو كنت تحتاج سيارة عائلية ذات شنظة واسعة جداً و كنبة خلفية مريحة و مرتفعة

**abdallah79** · 28-01-2008 11:55 PM

boss ya basha.

i did test drive for both, el city is very pecful way to drive sahla geddan to control the car, we 3ala fekra feeha kaman ESP, el new accent na3ma awy we far2 el acceleration le sale7 el accent bemara7el, bas el steering fel accent khafeef geddan we mehtag controll kowayes.

ya3ny el accent farasa 3an el city bas 3ayza khayall yelemmaha. laken law sara7t we le3bet mennak yeb2a 3ensany we same7ny.

**Megane** · 01-02-2008 05:56 PM

المشاركة الأصلية كتبت بواسطة abdallah79

boss ya basha.

i did test drive for both, el city is very pecful way to drive sahla geddan to control the car, we 3ala fekra feeha kaman ESP, el new accent na3ma awy we far2 el acceleration le sale7 el accent bemara7el, bas el steering fel accent khafeef geddan we mehtag controll kowayes.

ya3ny el accent farasa 3an el city bas 3ayza khayall yelemmaha. laken law sara7t we le3bet mennak yeb2a 3ensany we same7ny.

السلام عليكم
كلام مظبوط 100/100 بس ركبلها جنوط و شوف الفرق.:)