المشاركة الأصلية كتبت بواسطة scorpovet
ازيكم يا شباب
انا كان ليا كام اضافه كده
طبعا انا خلصت الرينج بس بصراحه انا من ساعة ما جبت الخامات كلها عملت الرينج في يومين بالظبط
وجربت كل الطرق
مفيش احسن من اننا نتبع الخطوات اللي في الفيديو فعلا
اولا لاحظت ان في مشكله في الهيت شرينك اللي هي المكرونه
دي موجوده عند اي محل قطع غيار قول مكرونه رفيعه هو في اكتر من مقاس
دي بيستعملها الكهربائي وهو بيغطي الضفيره لأن شريط اللحام بيفك وممكن يسيح بالحراره
يعني مش وظيفتها معانا هنا انها تمنع ضوء الليد
احنا محتاجينها تمسك المكونات والسلك وفي نفس الوقت منستعملش شريط لحام ويتفك بعد فتره
انا جيبت نص متر بنصف جنيه
تاني نقطه وهي الخطوط اللي على الرينج طبعا كلنا تعبنا واحنا بنعملها
انا عملتها في ربع ساعه بالظبط بالاركت اليدوي وطلعت خطوط رفيعه ولذيذه وقدرت بيه اخلي المسافات قريبه قوي
طيب ليه عملنا الخطوط
مش منظر جمالي خالص ولا ليها فايده تبان في الرينج
الفكره كلها انها هتعمل انعكاس للضوء زي الزجزاج جوا الاكريليك وبالتالي كل الرود هينور
نفس فكره الالياف الضوئيه بالظبط fiber optics
الشريط العاكس مهم قوي علشان الرينج تظهر كويس مش عشان تدي اضاءه اعلى
لو ركزنا على رينج مفيهاش عاكس هتلاقي المنطقه اللي حواليها كلها منوره وطبعا حدود الرينج نفسه مش هتوضح واحنا عاملين الموضوع كله للشياكه والشكل الجميل
الاحسن نحط عاكس كويس يمنع هروب الاضاءه وكمان تقدر تعدي السلك وراه عادي زي الفيديو
بالنسبه بقى لتسريب الضوء مكان الليد
في الفيديو هو استخدم ورق فويل ,انا فكرت ليه معملش العاكس افضل
لقيت بالتجربه ان الفويل هيتلف كويس ويحوط كل المنطقه ومش هيتفك
بعد كده تحط المكرونه هتمسك كل حاجه
كمان نقدر نحط نقطه سيليكون فوق الليد لو حسينا ان الليد هتخرج من مكانها مع اني مش مع الفكره دي عشان لو حبينا غير الليد في اي وقت يكون بسهوله
بعد ما خلصتها خالص عملت نيكل فوق المكرونه اداها شكل جميل ده في الرينج اللي هيبان كله
لكن انا هخبي الجزء ده تحت رمش هركبه على الفانوس
لسه مش عارف الرمش اعمله فيبر ولا ستيكر وخلاص
انا ركبته في العربيه بس هصوره وانزل الصور لما اعمل الرمش ان شاء الله
المفضلات