بلد بتاعه ميكروباصات صحيح (مع الاعنذار لعادل امام)
عرض للطباعة
بلد بتاعه ميكروباصات صحيح (مع الاعنذار لعادل امام)
السلام عليكم ,
الحمد الله أنك بخير أنت و أسرتك و ربنا يكفينا شر الطريق و الحوادث
انا مش عارف اقولكم ايه يا جماعة والله بجد انتم اخدتم بخاطري انا نفسي البلد كلها تكون زي المنتدى كده وده اللي خلاني اكتب لكم اللي حصل لي ده عشان عارف ان ماحدش هيحس بيه غيركم لاننا كلنا مهتمين بعربياتنا ونحب البلد تنضف من الاشكال دي
بالنسبة للواد اللي كان سايق الميكروباص انا اتنازلت عن المحضر مقابل انه دفع لي 2000 جنيه لكن لو ماكنتش اتنازلت كان الواد هيتحبس 4 ايام ويدفع غرامة تصادم 50 جنيه لكل عربية ويخرج وهوده القانون
ياعم tompina يا حبيب قلبي انا مقدر الكلام اللي انت كاتبه لاني كنت برة مصر لفترة واي حد كان بيغلط فيها ماكنتش بسكت
لكن لما تكون غرامة عدم ارتداء حزام الامان تساوي غرامة تحطيم 3 سيارات والقيادة بدون رخصة يبقى ايه ده انا اللي حارق دمي مش الحادثة وربنا يعلم انا بحمد ربنا انها جت على كده لكن اللي حارق دمي بلطجة الميكروباصات بدون رادع بل بالعكس بيدفعوا اتاوات للشرطة
فلنا الله
ما هو دا اللي أنا بقوله من الصبح ..
ما هو ماكانش الخديوي رجع بعثة فرنسا عشان (الأمة الجاهلة أسهل وأسلس في الحكم من الأمة المتعلمة) من قليل..
المطلوب تكون فوضى وبلطجة وجهل .. عشان محدش يفهم إنه بياخد على قفاه من الأول ويجي واحد محترم زيك يتبهدل مع واحد عربجي ترامكو وفي الآخر تبقى دية عربيتك 50 جنيه ونرجع زي أيام عبد الناصر زمان لما خلى دية القتيل ربع جنيه !
وحسبي الله ونعم الوكيل
:I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]:
انا بجد مش عارف اقول ايه
فكرتني بيوم ما ميكروباص خبط بوز عربيتي في تقاطع و قال لي اللي عندك اعمله و خد الميكروباص و مشي
و يومها رحت فعلا اعمل له محضر ( رغم ان مافيش عندي خسائر الا ان لوحة الأرقام باظت خالص )
و تجربة المحضر كانت أسوأ من سواق الميكروباص
:I_angr1[1]::I_angr1[1]:
اصبر و احتسب
و ربنا يعوض عليك باذن الله
حسبي الله و نعم الوكيل الحمد لله انك بخير و ربنا يعوض عليك
اهم شئ انك مش داخل السيارة
ومفيش اى كلام غير الحمد لله على كل شئ
وقدر الله وما شاء فعل
قدر الله ماشاء فعل
بس اكتر حاجة مبسوط منها انك عرفت تاخد الالفين جنية من ولا د 0000000