لاحول ولا قوة إلا بالله ,, إيه الحل يعني ؟
عرض للطباعة
لاحول ولا قوة إلا بالله ,, إيه الحل يعني ؟
ربنا يعوضك والف سلامة ليك
بس دى فرصة انك تعمل تامين شامل على العربية لانه بيحفظ لك حقك لو الجانى هرب او رفض يدفع واللا حتى لو انت كنت الغلطان ,لان التامين ممكن يعوض الطرف التانى نيابة عنك.
ما ترضاش بالتسويات يا استاذ لان ممكن حقك يضيع بالطريقة دى وخلى القانون ياخد مجراه على الاقل يتحمل الاهل عقوبة التساهل مع الابناء لانهم ممكن يروحوا فيها.
المايكروباصات مش فى بلدك بس ,ده احنا برضه بنعانى منها ,
انا يوم كنت واقف فى محطة بنزين وفوجئت بالمايكروباص اللى قدامى بترجع خلف وتصدمنى من قدام وكسرت الاكصدام بتاعى.سائق المايكروباص اعتذر بشده وعايز يسمكر لى الاكصدام _انا لو كنت عامل تامين كان حيغير لى الاكصدام ولو انا فتحت محضر كان عوضنى فلوس السمكرة بس للاسف. والفلوس اللى بافتح بيها محضر هى نفس فلوس السمكرة ! علشان كده قلت له خد بعضك وروح عالم قرف.
ربنا يكفينا واياكم من المايكروباص وسائقى المايكروباص
عادي .. ومصداقا لكلامك يا أخ جادير فالكويت نفسها مليانة عيال بدو مابيركبوش غير عربيات ربع نقل ؛ والدكر يتعرض له لأنه غالبا هايشوطه ويدمر له عربيته وهو في قمة الانبساط ومن الهنود سواقين بشوفهم .. متهيألي لو الواحد منهم أعمى كان ساق أحسن من كده وغيره وغيره .. الحكاية مش حكاية حمورية ـ ولا مؤاخذة ـ في السواقة .. الحكاية إنعدام دين ودم وتربية وضمير
النهارده برضه راكب مع واحد صاحبي العربيه بتاعته
قام ميكروباص رامي نفسه فقام حاكك العربيه حاكه جامده
و طبعا الميكروباصات باكصدامات فيبر فمحصلوش حاجه
و الحكه جامده فهقولك اللي قولتله لصاحبي
البلد مينفعش فيها السواقه ولا العيشه من اساسه
قدر الله وما شاء فعل
الحمد لله على كل حال
امبارح اشتريت شبكة وفانوسين جداد وسالت على الكبوت جديد لاقيته بـ400 والاستيراد ب750 بس انا هجيبه استيراد وهخلع الفرش اللي عندي واركبه في اللي هشتريه
لا حول ولا قوة الا بالله
معلش يا اخي اصبر بقى هانعمل ايه
امبارح برضه عربيه حمايا يدوب لسه طالعه من المغسله و راكن جنب الطريق يعني مش على الاسفلت حتى و نزل يحاسب الراجل و يقوم ميكروباص من الكبير ده شايط العربيه لمسافة بتاع 50 متر لحد مخبطه في شجرة طبعا العربيه بقت شوربه قدام وورا
اللى يغيظ بقى انه كان بيغسلها امبارح عشان رايح الفحص النهارده عشان التجديد
والواد بتاع الميكروباص خد بعضه و طار و محدش شافه
الميكروباص والمرور عامة ما هو إلا إنعكاس لحالة البلد والتي تمثل الإنهيار التام بدء من الأخلاقيات وحتي اساسيات الحياه
المشكلة يا اخواني ان الإنهيار الأكبر هو في طرق التعامل فيما بيننا والبلطجة إلي بقت سمت غالب في جميع طبقات الشعب من الصغير للكبير وحتي طبقة الأغنياء مليئة بالبلطجة ونسأل الله العفو العافية وان يسلمنا في الدنيا والاخرة
الحمد لله انك سليم وفداك 100 عربيه وانشاء الله هاتتصلح