الاستاذ ابو مارو : بالنسبة لعضة الفتيس دى كانت موجودة عندى فى الاول و المارشدير و قلتلهم فى صيانة الالف و عملوا المارشدير و فضل الاول فى عضة بسيطة و ابتدت مع الوقت تقل شوية شوية لوحدها لغاية ما عملت 5000 النقلات بقت سلسة جدا و مفيهاش اى مشكلة .. و خلى بالك من حاجة لو العربية ماشية مثلاعلى سرعة 10 كم و انت دلوقتى ممور و حبيت تديها الاول مش هيرضى ييجى او هييجى بصعوبة .. دة طبيعى .. لكن لو قصدك و انت واقف و بتدى غيار مبيجيش بسهولة قلهم علية فى الصيانة و بردة اصبر عليها شوية هتنعم مع الوقت انت عربيتك لسة زيرو .
بالنسبة لموضوع السحب انا شخصيا راضى جدا و الحمد لله عن سحب العربية و معنديش اى مشكلة .. و مش هاقدر اتكلم كتير فى النقطة دى لان اللى يرضينى ممكن ميرضيش غيرى او ممكن تكون عربيتة فيها مشكلة الله اعلم .
انا انشاء الله هاكون موجود فى ابو رواش يوم الثلاثاء الموافق 16 /3/2010 و تحت امرك يا ابو مارو او اى عضو تانى يحب يقابلنى و يشوف العربية .