عندي عضة في الأول والتاني..أعمل إيه..العربية مكملتش 5000 كيلو !!
عرض للطباعة
عندي عضة في الأول والتاني..أعمل إيه..العربية مكملتش 5000 كيلو !!
متابع باهتمام
السلام عليكم أولآ قبل أي شيء عليك تسخين السيارة جيدآ لأن زيت الفتيس بيكون بارد وعندما يسخن زيت الفتيس لن تشعر بهذه العضة كمان لما تييجي تنزل بالفتيس من الثاني للأول عليك أنك تنور مثلآ ثم الأول عادي وبعدين لازم السيارة تكون واقفة مش ماشية مش من الثاني للأول علي نفس الأتجاه علي طول
على فكرة انا عندي نيو اكسنت 2009 وعندي نفس المشكله وقولتها للتوكيل كذا مرة ومعملوش اي حاجة وغيرت زيت الفتيس كمان ومعملش اي حاجة بي الفكرة ان انا لما بمشي مشوار طويل الدنيا بتتظبط وده معناه ان زيت الفتيس تقيل وعايز وقت طويل عشان يسخن لان انا بسخن العربية كويس بس العضة مش بتروح الا بعد مشوار طويل وكنت عملت موضوع عشان البحث عن حل بس محدش رد الرد الوافي
وكنت اقترحت ان احنا نجرب نحطزيت شل الترا بدل زيت الفتيس على اساس انه خفيف شويه وممكن يسخن اسرع بس الناس عارضتني فخوفت اجرب
يا ريت لو حد عنده حل يقول لاني اتخنقت من الموضوع ده وبفكر ابيع العربيه بسببه
المشكلة دي برضة عندي اكسنت 2010 يا ريت حد يقولنا اية الحل
معلش ياجماعة هوا المقصود بالعضة ان النقلة مبتجيش ولا معناها ان النقلة ليها صوت
انا معايا نيو اكسنت 2008 وعندي نفس المشكله وقلتهالهم فالتوكييل الصيانه الي فاتت ومعملوش حاجه
والي مش عارف يعني ايه عضه يعني الفتيس بيرزع ودي بتحصل اكتر علي الثاني
وكمان المارشديير كتير جدا بيعلق وميرضاش يجي
ملاحظه هامه : لو جيت تقلهم علي اي مشكله فلفرامل او الفتيس او الزوايا او اي حاجه من الي مبتظهرش الا وانت ماشي بالعربيه يقولك لا دا عادي ودي مش مشكله ولا حاجه ويحسسك انك من كوكب تاني
إقتراح هام جدا
لو كده نتجمع ونروح التوكيل مره واحده (كل الي عنده العيب ده بس)
ونشوف هيعملو ايه وانا اولكو حد جي؟
السلام عليكم انا عندى نفس المشكلة
و دى مضيقانى جدا
قرات خبر فى الاهرام الجمعة صفحة 7
ان حماية المستهلك المصرية الزمت تويوتا باصلاح ناقل الحركة على نفقتها فى موديلات 2008 2009 لموديل تويوتا كورولا و عددهم 6500 سيلرة
و بدون تحمل اى مصاريف على العميل
لبيلن وجود عيب في السيارة كورولا mmt
و تعددت الشكاوى من العملاء لجهاز حماية المستهلك
فى رايكم لو نتفق و نروح مع بعض و نعمل شكوى
لان الحقيقة كل ما نروح التوكيل هايقول دى تمام و مفيش حاجة
فيريت نتفك ونروح وان شاء اللة تجيب نتيجة:majd(4):
معلش انت قصدك ايه ب بيرزع
لو قصدك النقلة ليها صوت ده ممكن يكون ان العربية مابتسخنهاش كويس فالبتالي زيت الجير بوكس ما بيسخنش والبتالي بتعمل صوت عند النقل على التاني .....لكن لو محشور اةو مبيرداش يجي بتهيألي ممكن يكون في حاجة ؟؟
رقم البشمهندس عاطف
012678884
العضة دى معناها ان النقلة مابتجيش بسهولة
فى صعوبة فى النقلة و دى فى الااول و الثانى
انا قصدي ان في صعوبه في النقل للاول والتاني ده غير ان النقله لما بتخش تسمع صوت كخخخخخخخ ومحدش يقلي سخن كويس ودوس دبرياج للاخر انا عارف الكلام ده كله انا مبطلعش الا لما اللمبه الزرقا تطفي وكمان الاربي ام ينزل ل 6. فمعنا كده ان في عيب وفعلا بيختفي لو عملت مشوار طوييل انا رايي اننا نقول للمهندس عاطف يخش علي اللينك ده ونشوف هيقولنا ايه ولوني مش عارف المشكله دي فزيت الفتييس
طب ميحطو زيت مناسب؟
وانا معاكو فحوار التوكييل اولا عشان نبقا عملنا الي علينا وحمايه المستهلك ثانيا
وده رقمي 0144293995
انا عندي نيو اكسنت 2009 وعندي نفس المشكله : المارشديير كتير جدا بيعلق وميرضاش يجي
خلاص يا جماعة
نتفق و نروح الاول للبشمهندس عاطف
و نشوف اية العمل:8954[1]:
يا ريت لو نعرف نروح يوم جمعة عشان نكون اجازة لاني مطحون اليومين دول في الشغل
طب ايه يا جماعه حد حط لينك للموضوع فالموضوع الي المهندس عاطف عامله طيب انا هحطه وربنا يسهل
هو الموضوع محدش بيرد فيه ليه انتو حليتو المشكله من ورايا:sifone:
شوف مستوي زيت الفتيس
و عليك و علي التوكيل طبعا
انا متابع الموضوع ده
و عايز اعرف اخره من حضراتكم لاني ناوي اشتري اكسنت و الحمدلله جهزت تمنها و فاضل بس انزل اشتري
فعايز اعرف منكم ارجع فكلامي و اشوف حاجه تانيه و لا ايه الموضوع بالظبط
اناشايف ان السيارة رائعة:10D5C8~1107:
العربية ثبات رائع اقتصادية فى البنزين
شكل جميل 1600 كورى
مواصفاتها بالسعر دة لنا شايف انها مناسبة
و بالنسبة للعضة هى موجودة فى الاول بس و العربية لسة ماسخنتش
و مش مقلقة اوى زى ما انتة فاكرو مش عند كل الناس
بس بجد العربية بسعرها دة افضل بكتير من سيارات تاننة
و انا جبتها بعد بحث مايقرب من شهر و مقارنات بين السيارات
هتها ومش هاتندم:biggrin2:
خليكو في الاتوماتيك احسن وابعد عن العضه الي في الفتيس ووجع الدماغ
متسبش حقك روح التوكيل ورخم عليهم لحد ما يصلحولك العيب
هقولك علي حاجة
انا استلمت لواحدة زميلتي فيرنا زيرو وبعد 8000 ك سير الكاتينة قطع وسحبناها ع التوكيل كانوا عاوزين يدفعونا ثمن صيانة موتور بالكامل وعملنا حوار وزعقنا لحد ما غيروا السير وظبطوا الموتور ومدفعناش حاجة
طالما عربيتك ف الضمان متسبش حقك
المهندس عاطف رد يا جماعه علي الموضوع يارييت نزبط ميعاد مع بعضينا
أنا معاك ياريت لو نروح التوكيل أي يوم جمعة!
هايل ممتاز
يا ريت يا جماعة اللي ناوي يروح يكتب اسمه ورقم تيفونه عشان نرتب ويا ريت يكون يوم جمعة
انا هبدا بنفسي
بسام محمد حافظ 0120201057
Mohamed Bahr
0109992902
اسف هل الموضوع عن العربية المانيوال -- واعتقد ان موضوع ده كان زمان الناس بتفضل المانيوال عن الاتوماتيك والان في هذه الايام بعد مرورو عدة سنوات الناس بتحب الاتوماتيك !!!
كويس قوي
طب يا جماعه عشان نلم الموضوع دلوقتي اللي ها يروح التوكيل كالاتي:
بسام محمد حافظ 0120201057
اوس اوس 0144293995
محمد بحر 0109992902
يا ريت يا جماعة نرتب على الجمعة الجايه على طول ونحدد هانروح فين ابو رواش ولا حتة تانيه عشان نكلم المهندس عاطف يرتب لنا
انا رايي نروح ابو رواش الجمعة الجايه على طول ايه رايوكوا
يا ريت نظبط بسرعة عشان الوقت
و انا ان شاء اللة معاكم
وليد احمد 0104544804
بس نكلم البشمهندس عاطف و نحدد الميعاد لحسن الجمعة ماينسبهوش
بس حد يكلمة الاول و يتفق على الجمعة و نشوف الرد اية
كويس اعتقد احناكده كملنا
بسام محمد حافظ 0120201057
اوس اوس 0144293995
محمد بحر 0109992902
وليد احمد 0104544804
اوس اوس كمل جميلك بقى وظبط مع المهندس عاطف
حبيب قلبي انت والله
يالة بقى يا جماعة
اوس ياريت تتفق مع البشمهندس عاطف
و يا ريت يكون الجمعة
و ان شاء اللة خيرا:eee: