أولا اشتريها يا باشا و أنا بأكدلك إن على الرغم من كل الكلام اللى انت قلته ده برده إن شاء الله مش هتندم
أما بخصوص الآباء اللى مصرين إنها مش عربية كويسة فلازم أولا نعذرهم يا جماعة لأنهم ما عندهمش نفس مصادر المعلومات المتاحة لينا و فى نفس الوقت كل ما السن بيكبر كل ما روح المغامرة بتقل يعنى أنا والدى مثلا على الرغم من إنى جايب العربية كاش و كلها بفلوسى الحمد لله و ما أخدتش منه غير 10000 اتزنقت فيهم فى الآخر و رجعتهمله علطول برده كان معترض آخر حاجة لدرجة إنه كان تقريبا بيهددنى إنى لو جبتها و اتحديت رغبته مش هيبقى راضى عنى و الكلام الكبير ده
بس حاولت أقنعه بمنطقه و بأسباب خوفه من العربية و بأسعار قطع الغيار و توافرها خارج التوكيل و فهم الميكانيكية فى العربية لحد ما يعنى وافق إنى أجيبها على مضض. دلوقتى والله بيشوف أى حد من أصحابى عاوز يشترى عربية بينصحه ببروتون بس من غير أى اختيارات تانية و شايفها أحسن عربية فى مصر. ربنا يوفقك يا newman و تجيب الجين إن شاء الله
المفضلات