ما هى العلاقة المضبوطة بين الـrpm والسرعة ؟؟؟؟

**a_ragab_itp** · 24-12-2007 01:43 PM

يا حماعة عايزين العلاقة المضبوطة بين سرعة لفات الموتور والسرعة
انا عربيتى على Rpm 3000 بتبقى على سرعة 100 كم
Rpm 3500 بتبقى على سرعة 120 كم هل ده كويس ولا وحش

وهل لما الـ Rpm يوصل الى 3500 ده صح ولا غلط على الموتور

فى ناس بتقول انقل الغيار على 3000 على شان تحافظ على الموتور
وفى ناس بتقول لا انقل عند 3500 لفة على شان الموتور ما يتخنقش
يا ترى مين الصح

كمان انا لو مسافر ومشيت على 150 كم ده معناة ان لفات الموتور هتوصل لغاية 4500 او 5000 هل ده مضبوط ولا ما نجريش باللانوس احسن

يا ريت كل واحد يكتب اقصى سرعة جابها باللانوس كانت كمان ومشى عليها اد ايه وايه نظام الثبات العربية فى السرعة العالية

**Eng.Ahmed** · 24-12-2007 01:46 PM

[QUOTE=a_ragab_itp;135943]يا حماعة عايزين العلاقة المضبوطة بين سرعة لفات الموتور والسرعة
انا عربيتى على Rpm 3000 بتبقى على سرعة 100 كم
Rpm 3500 بتبقى على سرعة 120 كم هل ده كويس ولا وحش

ممكن حضرتك تحدد السرعات دى على انهى نقله الرابع ولا الخامس

**sab3aawy** · 24-12-2007 02:04 PM

الموضوع يختلف من سيارة لأخرى حيث ان العلاقة بين ال RPM وسرعة السيارة هى نتاج ما يسمى حاص ضرب نسب تخفيض السيارة ، حيث ان سرعة السيارة النهائية تساوى سرعة دروان المحرك مقسومة على 60 للتحويل من لفة لكل دقيقة الى لفة لكل ثانية مضروبة فى نسبة تخفيض النقلة اللى انا ماشى عايها مضروبة فى نسبة التخفيض النهائى للكورونا مضروبة فى القطر الخارجى لفردة كاوتش السيارة محسوبا بالمتر مضروبة فى النسبة باى (7/22) للتحويل الى امتار فى الثانية مضروبة فى 5/18 للتحويل الى كيلومتر فى الساعة

وحيث ان نسب تخفيض كل نقلة ونسبة التخفيض النهائى للكورونا تختلف من صانع لآخر ومن موديل لآخر فبالتالى المحصلة النهائية للعلاقة بين الRPM والسرعة تختلف من سيارة لاخرى فبينما نجد فى الشاهين مثلا 3300RPM تقابل 100 كيلومتر فى الساعة على الخامس نجد فى النسيان صنى 2500 RPM تقابل 100 كيلومتر على اعلى نقلة ، وهكذا

يبقى ان نضيف انه بالنسبة للسيارات اليدوية تكون قيمة RPM دائما ثابتة بالنسبة للسرعة النهائية للسيارة على نفس النقلة، يعنى كل مرة اجيب 100 على الخامس لازم الاقى عداد ال RPM بيقرا 3000 مثلا، ولو حصل ان القراية اتغيرت يبقى فيه مشكلة فى عداد السرعة او عداد الRPM او اسطوانة وديسك الدبرياج، لكن بالنسبة للسيارات الاوتوماتيك مش شرط ان نفس الRPM تكون قصاد نفس السرعة الناهئية دايما لأن فيه مدى لللتفاوت بين سرعة دوران المحرك وسرعة دوران منظومة الجر نتيجة لوجود القابض الهيدروليكى hydraulic clutch وهو بديل منظومة الدبرياش فى العربيات الاوتوماتيك والذى يسمح بنسبة تفاوت بين سرعة الدخل وسرعة الخرج لتسهيل عملية الغيار اوتوماتيكيا بدون فصل الحركة بين المحرك وآلات الجر

**MMamdouh** · 24-12-2007 02:34 PM

الكتالوج بيقول ان انسب اسلوب قيادة للحفاظ على المحرك هو انك تخلى الRPM بين 2000 و 3000 يعنى كل ما توصل 3000 انقل نقلة اعلى و كل ما تنزل ل2000 انزل نقلة

السواقة على 3500 او 5000 مش حتضر الموتور بمعنى انها تبوظة... هى بس بتستهلكة اسرع لكن مفيش ضرر

الضرر بيحصل لما تعدى الred zone على الRPM و فى الحالة دى ممكن الصبابات تخبط البساتم و الموتور يتوفى الى رحمة الله

القصة دى تحصل فى حالتين:

اما انك تقرص على نقلة لحد ما الRPM يدخل على الred zone و دة مش حيحصل فى اللانوس او اى عربية فيها ECU لان اول ما بتوصل للمنطقة دى الECU بيفصل كهربة البوجيهات و يمنع لفات الموتور من انها تزيد عن الحد المسموح بيه فيما يعرف بظاهرة التفصيل

الحالة التنية و هى الاخطر انك تنزل نقلة بدرى فا حركة العربية تجبر الموتور على انه يزود لفاتة عن المسموح و فى الحالة دى التفصيل مش حيحمى الموتور لانه مجبر على الدوران نتيجة حركة الحركة العربية مش الاحتراق الطبيعى و الاضرار غالبا بتبقى صبابات و شواكيش و احيانا بساتم و اعمدة كامة

MMamdouh