العربيه عملت حاجه غريبه امبارح....

**3mr Farrag** · 24-12-2007 01:53 PM

كنت نازل بليل علي الفجر كده و كنت مستعجل...
كنت جعان اوي و عايز الحق مطعم باروح اكل منه :)
فكنت بحرق علي العربيه شويه و كنت بجري....
و بعد ما وصلت و وقفت....لقيت العربيه صوت الموتور عالي و كأني دايس علي البنزين
و انا ما كنتش دايس اصلا....روحت مبطل العربيه ...
لقيت الموتور بيترج و بيعمل حاجات غريبه.....
حد عنده فكره ممكن يكون من ايه.......و جربت كذا مره اشغلها و ابطلها تاني ....
و عملت نفس الموضوع بس كانت الرجه اهدي
بس حاجه تانيه غير البوجيهات لأن العربيه كان سحبها اكثر من ممتاز

**fahd_628** · 24-12-2007 04:31 PM

اعتقد والله اعلم ان دية مشكلة كهرباء زيادة

**tmz9111** · 24-12-2007 05:36 PM

أعتقد كما قال فهد

**ahmedsrs** · 24-12-2007 05:50 PM

فعلا دى كهربه زيادة وممكن تلاقى العربية بتسقف لما تحرق خلى الميكانيكى ياخر الكهربة شوية

**3mr Farrag** · 24-12-2007 06:28 PM

بس انا مش شايف انها اعراض كهرباء زياده خالص....
اولا الكهرباء الزياده المفروض انها بتتعمل علشان العربيات المواتيرها قربت تشنش....
و بتكركر.....فبيعلي الكهرباء علشان ميخليهاش تكركر
اما العربيه عندي الكهرباء مش عاليه خالص....و طبعا عارفها من صوتها

**Abdallah** · 24-12-2007 06:57 PM

ارتجاج الموتور فى السلانسيه دة له اسباب كتير مثل ان يكون بوجيه فاصل او بستم فاصل او قاعدة موتور بايظة ’ عربيتك انجكشن ولا كاربراتير؟؟؟

**3mr Farrag** · 24-12-2007 07:17 PM

انا عربيتي كربراتير........
بس الفكره انها عملت مره واحده بس امبارح....
و حتي معملتش كده انهارده

**3mr Farrag** · 24-12-2007 07:49 PM

نسيت صحيح اوضح حاجه....
انتوا كلمكوا صح من ناحيه ان العربيه كان فيها كهرباء زياده...
لأني لما وقفت كان الموتور صوته عالي وكأني دايس علي البنزين ذي ماقلتلكوا....
يبقي المشكله الاساسيه مش من الرجه....انما من الكهرباء الزياده اللي جت فجأه ديه.....
اصلي مقلق تعمل كده تاني
ايه سببـــــــــــــــــــها بقي ؟؟؟؟؟؟؟؟؟؟

و شكرا علي تعبكوا معايا

**GalaxyMan** · 24-12-2007 11:18 PM

المشكلة دى حصلتلى فجأة وما بتظهر إلا فى السلنسيه والمتور بيتهز جامد وساعات تتعبك فى التدوير وهى باردة ولازم تدوسلها بنزين شوية فى التسخين

كنت مفكر الاول عيب فى البنزين والرشاشات لان كانت فى السريع ماشية زى الفل وغيرت البنزين وحطيت المادة اللى بتسلك الرشاشات

وفى الاخر روحت لميكانيكى قال لى ليس فيها عيب فى الميكانيكا روح لكهربائى
فرحت لكهربائى محترم فغيرلى البوجيهات وهى ماشية زى الفل الان والحمد لله
والله الموفق

**sab3aawy** · 25-12-2007 10:31 AM

بص ، المشكلة اللى عندك دى غالبا ان الباب التانى فى الكاربراتير معلق ومش قافل كويس

انت لما حرقت على العربية الباب التانى فتح وممكن يكون اى شوية تراب او عوالق خلوه فتح ومقفلش

حاول تقفله باإديك ولو قفل وحل المشكلة يبقى انت محتاج تقوم بواجب نضافة بالإسبراى للكاربراتير

بس ده يخلينى ارجع تانى افكر الناس بالموضوع اللى صوتى اتنبح فيه قبل كدة، ياجماعة نبوس إيديكم اللى عنده مشكلة فى العربية يقول موديل ونوع العربية علشان تدى فرصة للناس ترد عليك، انا مكنتش عارف اديلك اى رد لحد ما قلت انها كاربراتي لان لو انجكشن بيقى الكلام هيوح فى سكة تانية خالص، وحتى هذة اللحظة انا برد وان مش عارف الكاربراتير بتاعك باب واحد وللا اتنين باب

الموضوع: العربيه عملت حاجه غريبه امبارح....

LinkBack

أدوات الموضوع

عرض

العربيه عملت حاجه غريبه امبارح.... - انشر الموضوع فى :

-

-

-

-

-

-

-

-

المواضيع المتشابهه

حاجه غريبه فى العربيه

حاجه غريبه فى سحب العربيه

حاجه غريبه جدا في العربيه octavia

السيراتو عملت حاجه غريبه معايا

العربيه بتعمل حاجه غريبه

الكلمات الدلالية لهذا الموضوع

المفضلات

المفضلات

ضوابط المشاركة