الموضوع: ياريت تساعدوني بخصوص علبة البيئة

انا معايا لانسر 2008 1600سي سي خليجي علبة البيئة اللي فيها باظت وبدأت تخنق العربية وكنت عايز عرف هي فيها مشكلة لو شلتها خالص وهل هي مهمة ولا ممكن استغني عنها ولو مهمة اجيبها منين وبكام يا ريت تساعدوني بعد اذنكم

المشاركة الأصلية كتبت بواسطة haytham306

انا معايا لانسر 2008 1600سي سي خليجي علبة البيئة اللي فيها باظت وبدأت تخنق العربية وكنت عايز عرف هي فيها مشكلة لو شلتها خالص وهل هي مهمة ولا ممكن استغني عنها ولو مهمة اجيبها منين وبكام يا ريت تساعدوني بعد اذنكم

عرفت منين إنها باظت و إنها هى اللى خانقه العربيه؟

أكيد هى سليمه و فيه سبب تانى هو اللى خانق العربيه خصوصا إن عربيتك موديل 2008 و العلبه ده عمرها أطول من كده بكتير و خلى بالك انها غاليه جدا جدا جدا يعنى هتعدى ال 4 آلاف جنيه مستريح و لو فيه حد بتاع شكمانات هو اللى أقنعك انك تشيلها و ان هى السبب فى خنقة العربيه يبقه بيشتغلك عشان ياخد العلبه القديمه و يبيع الخامات اللى جواها بمبالغ كبيرة جدا........ العلبة ده بداخلها نوع من الفحم غالى جدا و بلاتين (نفس الخامه اللى بيصنع منها المفاصل الصناعيه للبشر)

لو عاوز تشيلها شيلها بس خلى العلبه القديمه معاك و ما تفرطش فيها أبدا و ممكن تلاحظ ان أداء العربيه اتحسن شويه بس مش للدرجه اللى تستاهل وده مش بسبب ان العلبه بايظه ولكن لأن طبيعة عملها بتخلى الموتور يتخنق حاجه بسيطه قوى عن لو مش موجوده و طبعا عادم عربيتك ساعتها هيبقه ملوث للبيئة و هتلاحظ ريحته بقت وحشه زى ريحة عادم العربيات القديمه.