ياريت تساعدوني بخصوص النيو سيراتو

**engmedoo** · 05-12-2009 03:59 AM

بصراحه انا عضو جديد في المنتدي وعايز راي اصحاب الخبره في السيارات ...
انا حجزت نيو سيراتو sx من عند محمد زكي وده طبعا بناء علي راي ناس كتير في المنتدي هنا وسحبت الفلوس من التوكيل بسبب حكايه ال 4 شهور دي ورحت له من يومين والحمدلله حجزت
السؤال بقي بخصوص الحدفه الشمال اللي هيه العيب الاساسي اللي كل اشتكوا من العربيه كان هوه سبب شكواهم هل فعلا هيتظبط لو ظبطت الكاوتش علي 32 ولا ده عيب اصلا في العربيه
وهل العيب ده للي بيشدوا بالعربيه لان سواقتي هاديه جدا؟؟
وبعد م ناس كتير جربت العربيه فيه حد ينصحني اغير السيراتو بحاجه تانيه لان فعلا العربيه عجباني ومرتاحلها بس لو فيها مشاكل يبقي طبعا نخلينا في المضمون
اسف طولت عليكم ومستني نصيحتكم

**dr.nemo** · 05-12-2009 07:53 AM

اضم صوتي لصوتك
انا حاجز بس في التوكيل
ومستنى القول الفصل في موضوع الحدفة الشمال دي

**medoxmedox** · 05-12-2009 10:07 AM

يا جماعه والله انا حاسس ان موضوع الحدفه شمال دا احساسا نفسي
من كتر ما بنقرا عنو في المنتدي
انا معايا عربيتي مفيهاش اي حدفه شمال الحمد لله

**ezzzzo1983** · 05-12-2009 10:20 AM

انا بصراحه مع ان العربيه لازم تقعد في الســــوق شويه وتتجرب في السوق المصري

ومبحبش اجيب من وش القفص زي ما الناس ما بتقووول العربيه بصراحه تقلق شكلها حتتطلع منظر بس مش اكتر ,مع احترامي للجميع لكن بصراحه ان عمري ما سمعت عن عربيه جديده تلحق يبقي فيها المواضيع ده والمشاكل ده كلها , وبالنسبه لموضوع السخونه ده شكله علي الكل لكن اغلب الناس مش واخده بالهم من الكارئه ده , انا سألت واحد صاحبي معاه العربيه أكدلي موضوع السخونه لدرجه أن الراجل ادالي مثل وقالي انك لو حاطط شوكولاته جمب الكونسوول بتاع العربيه حتسييييح ... وشكله عيب شائع في العربيه مش بيظهر غير مع المسافات الطويله انا حاسس ان المشاكل بتاعتها اكتر من كده كمان.
اممم ما حدش يستغرب ان متحامل علي العربيه كده ,لأن بصراحه غاليه اوي علي انها كووري وتساوت مع عربيات كتيييره ياباني علي فكره انا كنت من اشد المعجابين بيها وكنت ناوي أجيبها والحمد لله اني مجيبتهااااش , اسيبكوا مع المواضيع تقرؤها وياريت تستفيدوا من ناس جابت العربيه ومشيت بيها انا بصراحه مصدووووووووم من كيا
وربنا يسترها معانا كلنا ويوفق الجميع

http://www.nilemotors.net/Nile/109619-a.html

http://www.nilemotors.net/Nile/108353-a.html

http://www.nilemotors.net/Nile/104199-a.html