الموضوع: رينو الفرنسية لصناعة السيارات و الجزائر

المشاركة الأصلية كتبت بواسطة أحمد كمال

لا اكيد الطلب عالي و عشان كده هيفتح مصنع تاني هو مش بيرمي فلوس :)
و مصر فعلا بالنسبة لهم مكلفة اكتر عشان النقل للخارج و في نفس الوقت احنا مش سوق واعد للسيارات الفرنسية ...... و بالذات مرتفعة السعر ..... زبونها اللي غاويها قليل ......
لا مصر مش سوق اكبر من الجزائر لرينو ....... اسال اي حد سافر هناك ...... هناك من اول التوكتوك (باتتريق طبعا) مرورا بالعربيات الاقتصادية فالسيدان فالعائلية فالفخمة كله رينو و بيجو و سيتروين
كلامك ممكن يبقى صحيح مثلا في الاوبل ...... مالهاش سوق بنكلة في الخليج بس ماشية في مصر الله ينور :)

متفق معاك فى كل كلمة

المشاركة الأصلية كتبت بواسطة wawoo

........اسواق شمال افريقيا خلاص تشبعت ,و نسب المبيعات فيها مش حتروح بعيد .
انما فى دولة زى مصر فى عدد كبير من السكان و عمالة عندها خبرة نسبيا و فى عدد كبير من المبيعات سنويةا , و ممكن تكون مغرية لاى منافس .

بص فى الدول دى العربيات مش معمرة زى فى مصر ، يعنى لما بتشوف عربية موديل 15 سنة فاتت بتبقا حاجة شادة فى حين هنا عادى جدا تبقا عربية من التمانينات ماشية 20 ولا 25 سنة ، فده يخلى معدل ال ترن أوفر عالى هناك لأن الناس بتبطل تركب العربيات القديمة بدرى شوية عن هنا ، وفى نفس الوقت مفهوم طبعاً إن سوق فيه 30 مليون زبون مش هيبقا بحجم سوق فيه 80 مليون زبون ، ماحدش مختلف فى دى ، إنما لما تكون الزباين الأقل دول متعودين على ماركة بعينها وبيفهموا فيها ومش عايزين يغيروها يبقوا هيعملوا مبيعات أكتر للماركة دى من ال 80 مليون اللى بفكروا فى ماركات تانية خالص وده اللى حاصل فعلاً وانت لو شوفت بعينك هتعرف كدة (على فكرة مش منظرة بس انا بكتبلك دلوقتى وانا فى المغرب فى الدار البيضاء وكنت فى الجزائر قبل كدة)

المشاركة الأصلية كتبت بواسطة wawoo

هى مرسيدس و بى ام و نيسان مثلا فتحو مصانع فى مصر لية ..هل هى سيارات شعبية مثلا المصريين بيشتروها بكميات هائلة ..لا طبعا ..انما الصانع وجدان فى فرص تحقيق مبيعات جيدة لو الاسعار كانت معقولة .

المفاجأة إن مرسيدس بتبيع فعلا كميات هائلة فى مصر دى حاجة معروفة ، يمكن أكتر من دول الخليج بكتير ، ونيسان برضه بتبيع كويس عشان سعرها كويس وشوف آخر 3 سنين نيسان انتشرت إزاى ، والبى إم موجودة مش بكترة أوى بس شغالة كويسة بالنسبة لمستوى البلد ، وماتنساش إن الماركات الفخمة دى بتبقا أرقام مبيعاتهم أقل بكتير من مبيعات العربيات الإقتصادية والمتوسطة إنما هامش الربح بتاعهم بيبقا كبير ودى حاجة هم متقبلينها بدليل شركة زى بورش اللى أحياناً بتصنع 100 عربية بس من موديل معين

المشاركة الأصلية كتبت بواسطة wawoo

بصراحة انا مش حثق فى سيارة صناعة جزائرية اى كانت . و ممكن خطوة زى دى تأثر على مبيعاتهم فى مصر "نفسيا يعنى"

عادى ممكن مانشتريش منهم من أصله ، إنما هم لو فاتحين فى الجزائر مش هيفكروا فى سوق مصر إنما الجزائر والمغرب وممكن أوروبا كمان لأن ممكن يعاد تصديرها بسعر أحسن من المصنعة فى فرنسا عشان فرق الأجور والضرائب

مش فاهم، هو النقاش ده كلوا عشان إيه!

شركة وحتستثمر في بلد إيه يعني!

مهو بيبسي وكوكاكولا مستثمرين في إسرائيل وفي مصر مالية الدنيا، ومفيش حد بيقطعهم!

الشركة شايفة مصلحتها إيه يعني!

المشاركة الأصلية كتبت بواسطة dilmia

مهو بيبسي وكوكاكولا مستثمرين في إسرائيل وفي مصر مالية الدنيا، ومفيش حد بيقطعهم!

الشركة شايفة مصلحتها إيه يعني!

مين قالك ان مافيش حد بيقاطعهم ..انا بطلت ببسى من سنين بسبب تعاونها مع اسرائيل ..

و الموضوع معمول عشان نقول لية رينو متشوفش مصلحتها مع مصر برضو و احنا اولى ..اية المشكلة فى كدة ..مهو انت حتشترى من الجزائر فى الاخر بالمنظر دة ..طيب لية متشتريش من صناع بلدك ؟؟؟

كل ده عشان رينو قالت الجزائر - يعني هي لو قالت تونس مثلا كنا هنعمل ده كله ؟؟؟

يا جماعة كل واحد يشوف مصلحته بقى و سيبوكوا من الجزائر و شيلوها من دماغكوا

في الأول و الآخر و مهما حصل الجزائر بلد عربي و شقيق و نتمناله كل خير - مش عشان شوية مشاكل حصلت يبقى خلاص أي خبر في كلمة الجزائر نقعد نتكلم فيه و إشمعنى هما و ليه مش أحنا و الكلام أللي لا يودي ولا يجيب

تفتكروا يعني رينو لو قررت تعمل المصنع ده في الجزائر هتكون مافكرتش في مصر ؟؟؟ أكيد فكرت و شافت إن مصلحتها في الجزائر مش مصر و ده مايعيبهاش لأن دول ناس بيحسبوا كل خطوة الف مرة و بدراسة علمية قبل ما ياخدوا الخطوة دي

مع احترامي لكلام كل المشاركين

و إضافة لكلامي ياريت تقروا اللينك ده و تعرفوا تاريخ رينوا مع الجزائر - ده تاريخ بقالوا 90 سنة !!! و كمان الجزائر هي أكبر سوق لرينوا في العالم لثلاث سنوات على التوالي و بعد ده كله نرجع و نقول إنا أولى من الجزائر بالمصنع ده ؟؟؟؟

Renault.com - Renault in Algeria

المشاركة الأصلية كتبت بواسطة khaldoon1983

كل ده عشان رينو قالت الجزائر - يعني هي لو قالت تونس مثلا كنا هنعمل ده كله ؟؟؟

يا جماعة كل واحد يشوف مصلحته بقى و سيبوكوا من الجزائر و شيلوها من دماغكوا

في الأول و الآخر و مهما حصل الجزائر بلد عربي و شقيق و نتمناله كل خير

لا منتمناش ليهم الخير ..عشان هما للاسف عوزين يطردو الاستثمرات المصرية هناك بسبب اللى حصل فى التصفيات ..اقراء الخبر دة :

الحكومة الجزائرية «تريد من مجموعة (أوراسكوم تليكوم) التخلي عن حصتها في الشركة الأولى لتشغيل الهاتف الجوال في الجزائر»، وأضاف «مصدر كبير»، حسب الوكالة البريطانية، «لم نعد نريد (أوراسكوم)».

و الجزائر اساسا معندهاش الخبرة الكافية لتشغيل مصنع زى دة ..