شكرأ جزيلاً يا دكتور أحمد علي وقتك و إهتمامك، و دايما نسمع عنك كل خير
عرض للطباعة
شكرأ جزيلاً يا دكتور أحمد علي وقتك و إهتمامك، و دايما نسمع عنك كل خير
الف شكر يا دكتور احمد على هذة الفكرة الرائعة لخدمة اعضاء المنتدى
وسوالى لحضرتك بخصوص ابنتى
فهى تبلغ من العمر ثلاث سنوات ونصف ومصابة بشيى غريب جدا اول مرة اشاهدة او اسمع حتى عنة
فهى طوال الليل وعلى فترات متقاربة تقوم بحك اسنانها العلوية مع السفلية بطريقة شديدة لدرجة اننى اصحى من النوم على صوت اسنانها والمشابة لصوت اسنان بتتكسر ( اة والله بدون اى مبالغة ) وهذة الحالة موجودة عندها منذ حوالى 6 اشهر وبصفة مستمرة اثناء نومها يوميا والغريب انها لاتصحى من النوم واثناء هذة العملية ومن جراء هذا الصوت اللذى تقشعر لة الابدان اقوم بايقاظها من النوم خوفا من ان تقوم بعض لسانها او تكسير احدى اسنانها وبلعها والغريب انها لو استيقظت بتكون مش فاكرة اى شيى فارجو منك يا دكتور ان ترشدنى هل هذا لة علاقة بالاسنان ام اذهب بها لدكتور اعصاب ام دكتور نفسى وهى فى هذا السن ام هذة بوادر لحالة صرع لاقدر الله
وشكرا جزيلا لك
يا دكتور سامى .. ايه النشاط ده كله ؟؟.. انت فتحت العياده النهارده بدرى قوى : 6.32 صباحا ..ما شاء الله :D :D
الدكتور أحمد سامي السلام عليكم ورحمة الله وبركاتهاقتباس:
المشاركة الأصلية كتبت بواسطة Ahmed Samy
بالنسبة ل د/ عبد الفتاح صدقة ( رئيس جامعة طنطا) متوقف عن الكشف حالياً بصفته رئيس جامعة طنطا (حسب كلام إبن عمي وهو دكتور في مستشفى طنطا الجامعي)
وبما إني في القاهرة وللأسف مش عارف أوصل لعيادات كل من الدكتور:
د/ حاتم مكاوي (معهد ناصر)
د / محمد عاصم (القوات المسلحة)
فلو حضرتك تعرف طريقهم ياريت تقولي
وياريت تقولي مين الأحسن فيهم أروحله الأول
وجزاك الله خيراً
[quote]
وبما إني في القاهرة وللأسف مش عارف أوصل لعيادات كل من الدكتور:
د/ حاتم مكاوي (معهد ناصر)
د / محمد عاصم (القوات المسلحة)
فلو حضرتك تعرف طريقهم ياريت تقولي
وياريت تقولي مين الأحسن فيهم أروحله الأول
وجزاك الله خيراً
[/quote
د/ حاتم مكاوي
و ده رقم موبايله 0101463859
و ربنا معاك
أستاذ حسام تم الرد على رسالة حضرتك في الخاصاقتباس:
المشاركة الأصلية كتبت بواسطة حسام كرم
أولا انا بشكرك يا دكتور على موضوعك ده جدا جدا ولي رجاء خاص بان تقوم بالرد في هذا الموضوع بدلا من الرسائل الخاصة لكي تعم الفائده إلا إذا كان هناك ما لا يصح أن يطرح علناً
والف شكر لك يا دكتور
وبالنسبة لمشكلة زميلنا حسام كرم أنا أبني عنده 6.5 سنه وعنده نفس المشكله دي بالظبط
ياريت يا دكتور أعرف حل المشكله أيه لو تكرمتاقتباس:
المشاركة الأصلية كتبت بواسطة Ahmed Samy
ولي سؤال أخر بالنسبة لي
هل يمكن سد الفجوات (الفرق) الموجوده بين الأسنان خاصة الضروس لأنها صعبة التنظيف والتسليك وينحشر بها الطعام غالبا
وأرجو التفاصيل وافضل الطرق إذا ما كان هناك طريقة لسد الفروق
شكرا يا دكتور
أنت فين من زمان يا PAYOO ؟؟
ماحدش بيشوفك في المنتدى بقالك فترة !!! بس منور العيادة
شوف يا سيدي , خلاصة الرد على أ. حسام و على سؤال حضرتك:
دي حالة معروفة و منتشرة اسمها (بروكسيزم) (Bruxism)
و دي منتشره عند الناس اللذين يعانون ضغوط نفسية في حياتهم _ مشاكل عائلية _ ديون _ توتر في العمل_ الخ
و التوتر ده بيسبب زيادة انقباض عضلات الفك عند النوم واصدار أصوات مسموعة أحيانا بسبب قوة احتكاك الأسنان ببعضها , وقد يؤدي لمشاكل بالأسنان و مفصل الفك و العضلات المتعلقة به لو استمر لفترة غير قصيرة.
الحل بيكون نفسي مبدئيا (مش لازم طبيب نفسى , ممكن طبيب أطفال يعرف السبب لأنه غالبا حاجه بسيطة)
بس برده طبيب الأسنان بيعمللهم حاجه زي العضاضة بس صغيرة بتكون طرية شوية يلبسوها عند النوم . للحغاظ على الأسنان والمفصل لحين انتهاء الموضوع .
بس قبل ده بقوللك شوف الولد ماله !! بيحلم !! حد بيخوفه ؟؟ حد بيزعله
واوعى تسكت الا لما تعرف (اسأل مامته اخواته حاول تعرف منه هو نفسه)
و في الوقت ده زور أي طبيب أسنان و قوله انك عاوز تعمل العضاضة (night guard)
بس لاحظ يكون حجمها متوسط مش كبير ولا صغير و تربطها بخيط قوي في زرار البيجاما علشان تمنع بلعها لاقدر الله
اهتم علشان الموضوع مايبقاش عادة و طمنني عليه
================================================== =====
_________________
أما حضرتك :اقتباس:
ولي سؤال أخر بالنسبة لي
هل يمكن سد الفجوات (الفرق) الموجوده بين الأسنان خاصة الضروس لأنها صعبة التنظيف والتسليك وينحشر بها الطعام غالبا
وأرجو التفاصيل وافضل الطرق إذا ما كان هناك طريقة لسد الفروق
موضوع الفروق بين الأسنان ده نوعين :
1- فروق في منطقة التاج فقط و لا تصل لأسفل اللثة بين الجذور (مسافات)
2- فروق و فجوات بين الجذور أسفل اللثة (جيوب)
النوع الأول يمكن حله بطريقتين الأولى عمل حشوات تجميلية مباشرة لسد المسافات و انا لا أفضله
و الثانية بعمل تاج صناعي (طربوش كما يسميه البعض) للأسنان المتباعدة و يكون له أبعاد أكبر تسد المسافات بينها وده مزاياه :
1 - المواد المستعملة من البورسلين أقوى من مواد الحشو المباشر
2 - يشكل في (المعمل) في ظروف أفضل و أوضح من الفم مما يعطي فرصة لدقة أكبر
وعيوبه :
1- نكلفة أعلى من الحشو المباشر
2- وقت أطول
3- لابد من ازالة طبقة خارجية من الضرس ووضع التاج بدلا منها و ناس كتير بتخاف من الحكاية دي (بس مادام فيه حاجه للتاج و التاج معمول كويس , دي مش مشكلة نهائيا).
أما النوع الثاني وهو الجيوب وده مشكلة
سببه عدم الاهتمام بالأسنان أو كثرة التنظيف العنيف بخلة الأسنان الخشبية (وعلى فكرة دي غلط غلط غلط و لابد استبدالها بالخيط وممكن نعمل موضوع عنه بعد كده)
المهم ان حل الجيوب أساسا هو التنضيف المستمر لأن سده بالكامل غير ممكن في الأحوال العادية .
و لكن اذا رأى الطبيب أن فتحة الجيب صغيرة وممكن سدها بتاج صناعي فلا بأس و لكن المتابعة الدورية للتأكد من نظافة الجيب مهمة جدا ...
و لو عند حضرتك أو محتاج أي تفاصيل تانية أنا تحت أمرك
عندى سؤال يا دكتور كل ماباكل حاجة مسكرة بحس أن سنانى ها تتكسر وتجننى لمدة دقيقة
دكتور احمد سامي تحيه تقدير و احترام من زميل مهنه, بجد انتا ماشاء الله عليك , و انا اسف علي تأخر الاشاده بيك بس اول مره اشوف الموضوع دلوقتي بس , ارائك و نصايحك تنم عن حرص و علم , ربنا يفيد المنتدي بيك و يقدرك علي افاده الناس كمان و كمان, و انا اسف اني في الوقت الحالي مش هقدر اساعد ذيك نظرا لظروف الجيش و مؤخرا وفاه الوالد , بس انشاء الله لو سمحت الظروف نتعرف علي بعض
تحية أعتز بها من زميل في المهنة و أخ في الله و المنتدىاقتباس:
المشاركة الأصلية كتبت بواسطة amir
ربنا يجعلنا دايما عند حسن ظن الجميع
و تقبل الله الوالد مع خير الناس في خير مكان ، جوار المصطفى الحبيب وأسكنه دارا خير من داره و أهلا خيرا من أهله .
و ياللا خلص جيش علشان نخللي العيادة (سنتر nilemotors للأسنان) 8)
انا تقريبا ضرس العقل عندي نصه اتكسر .. :|
هو كان بيوجعني في الاول بس بقي عادي .. و مش عارف المفروض اشيله ولا ايه .. بس انا بترعب من موضوع الخلع ده يا دكتور
هو كان فيه تسوس و فجأة كدة لقيت نصه اتكسر .. حتي انا مش فاكر اتكسر امتي او ازاي هو انا صحيت مرة لقيته كدة
عزيزي عمرو ,اقتباس:
المشاركة الأصلية كتبت بواسطة amr bahaa el din
أولا , مرحبا في منتداك
ثانيا :
الألم عند مضغ الأطعمة الحلوة هو دليل علي وجود تسوس
و أيضا الألم (الشديد) مع الأطعمة الباردة قد يكون لنفس السبب
و الآن , الى طبيب أسنانك
أسف على ردي المتأخر بس أنا فعلا مشغول جدا جدا .... ادعولي ربنا يساعدني و ينجحنياقتباس:
المشاركة الأصلية كتبت بواسطة dehumanizer
----------------------------------------------------------------------
شوف يا سيدي ,
كثير من مدارس طب الأسنان نعنبر ضرس العقل سنا (غير حيوي) يعني مالوش لازمة
و ده لأنه كثيرا ما يكون مفقودا أو غير ظاهر في الفك بالإضافة الى ان الضرسين اللي قدامه كافيين تماما لعملة الطحن في غيابه.
ثانيا : ليه سموه ضرس العقل(wisdom tooth) ؟؟ علشان بيطلع بعد البلوغ ما بين 17-21 سنه
ثالثا : ليه كتير مابيظهرش؟؟؟
ممكن يكون مش موجود من أساسه (و ده أريح )
و ممكن يكون موجود في الفك مدفون تماما أو ظاهر منه جزء و دي مشكلة . لأنه بيكون في اتجاه منحرف عن الاتجاه الرأسي السليم للظهور ( يعني كتير بيكون بتصص للسنة اللي قدامه و يخبط فيها فا مايعرفش يطلع )
وده بقى ممكن (بل غالبا) بيكون مصدر ألم و قد يسبب تسوس الضرس الذي يسبقه و هنا يجب خلعه.
طب لو طالع كويس و عدل بس سوس , أصلحه و للا أخلعه ؟؟؟
ده يرجع لتقدير الطبيب المعالح و حالة الفك و الأسنان ووضع ضرس العقل ,,
يعني مثلا : لو قصير و بعيد و التحكم هايكون صعب في الحشو ممكن يتشال
لو نسبة التآكل كبيرة برضة يتشال أحسن
لو مالوش نظير (ضرس عقل في الفك المقابل) برضه يفضل خلعه لأنه عايعمل مشكله بعد كده
---------------------------
يعني أشيله وللا لأ ؟؟؟
لو طبيبك قاللك شيله , وافق فورا (وديه نصيحتي ليك).
لو طبيب ((ثقه)) قاللك نحشي و نصرف عليه , ناقشه و افهم منه ليه لو اقتنعت توكل على الله .
------------------------------
العملية صعبة ؟؟
مش قوي بس دي حظوظ لو الأمور ماشية كويس بيكون مافيش مشاكل تقريبا (وجع بسيط لوجود مسكنات قوية - ورم بسيط لوجود مضادات التورم - و هتاخد طبعا مضاد حيوي من جيل متقدم وده هايهبطك تلات أربع تيام.
لو الوضع صعب (و طبيبك هايقوللك قبل العملية لأن ده بيبان في الأشعة) الأعراض ممكن تزيد شويه بس في النهاية مش حاجه مخيفة خاااالص .
نصيحة , اوعى تكسل او تخاف فا ماتعملش العملية أن كل يوم بيعدي و كل حته تتكسر من الضرس بيخلي خلعه أصعب على الدكتور و عليك .
أرجو ان الصورة تكون واضحة وأكون أفدت حضرتك
وطمنني عليك
طيب ممكن استشير حضرتك في مشوره عندي واحد صاحبي محتاج يعمل تقويم لاسنانه عن طريق التدخل الجراحي و طلب مني اني ارشحله اسم (يكون من الدكاتره الاجانب اللي بتيجي زيارات او من المصريين الجامدين اوي اوي ) فايه رأيك و مين الاسماء اللي حضرتك ترشحها
تم الكشف عند الدكتور حاتم مكاوي ولكن نظر لغلو سعره
تم الكشف عند الدكتور خالد بركات وهو دكتوراه جراحة فك من أمريكا
وعمل العملية من شهر وتم فتح سقف الحنك وتم فتح اللثة العليا من الأمام
وتم إخراج تجمع شبه الكيس الدهني ولكن بها بعض المواد الصلبة
ولم يضع بدرة عظم وقال إنه فكر يأخذ عظم من الأضلاع ليكمل عظام الفك لكن لم يفعله منعاً لزيادة حجم العملية
وبعدها بثلاثة أيام تم حشو الأسنان الأمامية حشو عصب
والحمد لله الآن الوضع مطمئن
وختاماً جزاك الله خيراً يا دكتور أحمد
ماشاء الله يادكتور احمد سامى
بارك الله فيك وجعله فى ميزان حسناتك
لو سمحت يا دكتور بما انك دكتور اسنان عاوز اعرف افضل معجون اسنان موجود يبيض السنان عاوز معجون يكون بس بيبيض السنان و يا ريت تقلنا علي معجون مكافح للتسوس و شكرا
لاني جربت كتير و انا من الناس اللي بتحب تحافظ لان الوقايه خير من العلاج
سؤال جمييل ..
مافيش حاجة اسمها معجون مضاد للتسوس , ولا مبيض للأسنان , ولا حشوة الكالسيوم , ولا مقوى المينا , ولا بالفلورايد المضاعف .....الخ.
كل ده اعلانيات فقط .....
ودي الأسباب :
1 - العامل الأساسي المسئول عن مقاومة التسوس هو قاعدية اللعاب الذي يعادل الأحماض البكتيرية (على المدى المستمر) و يوقف تأثيرها على الاسنان .
2 - الفلورايد الخارجي المفيد ينحصر عمله على تقوية القشرة الخارجية للسن
... و يجب أن يكون بتركيزات عالية (لا يسمح بتداولها بين غير المتخصصين كما في معاجين الاسنان ) لأن بلعها قد يسبب التسمم , التركيزات ضعيفة جدا تخدم الغرض الدعائي و الترخيصي فقط .
3 - تستفيد الأسنان من الفلورايد الداخلي (عن طريق الدورة الدموية) بشكل صغير بعد اكتمال التكوين.
4 - لا يوجد أي نوع من أنواع الفائدة للسن من الكالسيوم الخارجي بأي شكل .
5 - لا يمكن لأي معجون أسنان (تبييض) الأسنان بل فقط يزيل الألوان المتراكمة عليها ليظهر اللون الأصلي مما يسمى (تلميع) بشكل أدق.
6 - تلميع الأسنان بالمعجون عملية ممكنة (نظريا) ولكن لو حسبت عدد الحبيبات المبيضة و عدد مرات غسيل الأسنان في اليوم و قوة شعيرات الفرشاة و عدد الضربات بالفرشاه على السن , تكتشف أنك محتاج عام كامل أو أكثر لتحصل على اللون الأصلى لأسنانك مع المواظبة , و تستطيع أن تحصل على نفس النتيجة و أفضل عند طبيب الأسنان خلال خمس دقائق.
7 - العامل الأساسي في عملية غسيل الأسنان الصحيحة هو اختيار الفرشاة المناسبة و عملية التفريش الصحيحة (في حين ينحصر دور المعجون كمسهل للحركة - ملين- و مصدر للرائحة العطرة).
---------------------------------------
يستثنى فقط معجون سنسوداين للأسنان الحساسة لأنه بالفعل و مع الاستخدام المتواصل لمدة طويلة , يقوم بسد بعض الثغرات الدقيقة في الأسنان التي قد تكون مسؤلة عن الحساسية , و بالفعل تقل نوعا ما ولكن ليس نهائيا.
---------------------------------------
أختار معجون طعمه حلو و ريحته حلوة و تمنه مناسب <> و اختار فرشه من ماركة كويسة و شعيرات متداخلة و مختلفة الطول و مش مهم السعر لو غالية شوي......
في حاجه يا دكتور مهمه انا كنت خايف اروح ابيض سناني عند الدكتور لانها ممكن تتعب اللسه انت ايه رأيك العمليه دي سهله و لا متعبه و لاكن الحل كويس بتبيض الاسنان وكمان انا كان قصدي معجون كويس ضد التسوس من ناحيه المحافظه لان سنانس مش مسوسه و اكيد انت عارف افضل انواع المعجون ارجو الرد و شكرا
أنا عن نفسي أفضل المسواك
اما معجون الأسنان أنا باستعمل Close-up (علشان ريحته حلوة مش أكتر)
-------------------------------------
تبييض الأسنان لو تم عمله بطريقه صحيحة فهو غير مؤذي بالمرة
و لكن لا تكرره كثيرا لأن التكرار بدون سبب قد يكون مؤذي
------------------------------------
للحفاظ على الأسنان من التسوس اهم حاجة تغسلها بعد كل وجبة و قبل ماتنام (باي معجون).
شكرا و جزاك الله كل خير
ملاحظ بقالي فتره .....ان اللثا عندي من فوق فيها حتت مكلكعه كده و نشفه....بس مش كلها علي شكل الحبايه
ولونها ابيض....
و اللثا من تحت فيي حتت غمقه و حتت فتحه........بس كأن حد ضربك في سنناك(قول في الوان الطيف )
ياريت تتطمني ....لأني مقلق منها بصراحه
مبدئيا ماتقلقش خالص
ممكن تفيدني في الأتي الأول:
- التدخين من عدمه و معدله
- الاهتمام بالأسنان
- أكل الفواكه و الخضار
- سن حضرتك كام سنة
انا بشيش بس....و حوالي كل يوم حجر واحيانا اثنين
يعني مش مواظب كل يوم في الغسيل ....بس مش ناسي
اكتر حاجه ماليش فيها الفاكهه و الخضار:)
عندي 20 سنه
بصراحه انا مقلق انه يكون من الشيشه....فهل ممكن يكون في اي علاقه
حبيب قلبي :)
اللي عندك ده نتيجه لضعف الدورة الدموية في اللثة (ودي حاجة مش كويسة بعد كده)
السبب :
1 -مرور الدخان عليها
2 -عدم استعمال الفرشاه بانتظام (لأن من أهم أهداف تفريش الأسنان هو عمل تدليك للثة بالفرشاه)
3 -عدم الإكثار من الفواكه و الخضار الملونة يفقد اللثة الكثير من الفيتامينات الضروووورية لصحتها .
الحل :
1 - طبعا لو قلتلك بطل شيشة خالص مش هاينفع (بس على الأقل الشهر اللي جاي ده حاول تقللها لأقصى درجة)
2 - تشتري فرشاه جديدة (Medium) و تغسل اسنانك و تدلك اللثة 2-3 مرات يوميا (و ياسلام لو مسواك صغير و تحطه في المحفظه و ترميه في بقك زي Clint Eastwood كده)
3 - تتمضمض بمياه دافئة لمدة دقيقة و بعدين باردة لمدة عشر ثواني على التوالى ثلاث مرات قبل غسيل الأسنان .
4 - فاكهه ياعزيزي (برتقال, تفاح) و جزر وخس على قد ما تقدر و امضغهم كويس و بشويش.
5 - لو مافيش فاكهة (قصدى لو مش هتاكل يعني) اشتري أي فيتامينات في السوق تعجبك يكون فيها حديد و فيتامين سي و تاخدها حسب الجرعة اللي مكتوبه عليها لمدة الشهر الجاي.
لاحظ :
1 - لو لاقيت دم بينزل من الأسنان عند الغسيل فده عادى - كمل غسيل- و هوا هايقل مع الوقت
2 - حاول تعمل كل الخطوات المذكورة على قد ما تقدر (بس ماتسقطش حاجة)
3 - لا تتوقع نتائج سريعة اطلاقا , و نتقابل في اخر الشهر و نقيم سوا
4 - لو كان عندك جير , فما سبق لن يغني عن ازالة الجير عند طبيب أسنانك (ولكن هتلاقي نتيجه برضه).
لو أهملت :
الموضوع ده ممكن يوصل لثتك لحالة من النزيف الذاتي يعنى و انت ماشي تلاقي طعم دم في بقك
وده هايخلى رائحة الفم %^&*###$%)(&*^ بالظبط
و لا لبان ولا الطبل البلدي هايودو الريحة دي (وشوف انت بقى;))
و بعد كده اللون هايتحول اللى البني الداكن مع ابتسامة شديدة القبح:( .
و بعد كده هاتبدأ اسنانك بالألم مع الأطعمة الباردة
ثم تبدأ بالحركة (تسيب) أو تبدأ اللثة بالانحسار عنها (و ده مالوش حل)
وطمننى عليك:rolleyes:
الـــــــــــــــــــف شكر يا دكتور احمد
و ان شاء الله هحاول ابدء باللي قلت عليه
و هبقي اقولك ايه الاخبار ان شاء الله
ما شاء الله عليك د/ احمد
زادك الله من علمه و ان شاء الله بالتوفيق فى الماستر و الزماله
ألف شكر
وربنا يستجيب يا رب و يوفق الجميع
بعد أذنك أستشارة ...
مرة واحدة لقيت سنة أتكسرت من الاسنان الامامية بعدها باسبوع لقيت السنة اللى جنب اللى جنبها زعلت عليها وراحت مسكورة ... المهم رحت لدكتور قالى أعمل بانوراما عملتها بعدها قالى أمامك حلين ...
أما تعمل تركيبة ثابتة لعدد 8 اسنان ودى تتكلف حوالى 3500 ج
أو تعمل تركيبة متحركة لأربع اسنان أمامية ودى 500 ج
أيه رأى حضرتك وهل يمكن ان ابدأ بالمتحرك وبعدين الثابت ولا مينفعش .. (الدكتور عارض كدة بس انا مش فاهم وجه نظرة )
وشكرا مقدما
ممكن تصورلي الأسنان الأمامية لحضرتك و تبعتهالى على اميل ؟؟
sadomira@hotmail.com
انا تخصصي هو التركيبات الثابته و المتحركة و هافيد حضرتك أكتر لو في صورة
خصوصا ان روايتك فيها حاجة مش مريحاني
لو مش ممكن, يبقى قوللي أرقام الأسنان المكسورة (تبدأ من منتصف الوجه وتعد للخلف ,يمين وشمال) يعنى R1,r2,r3 و L1,l2,l3 و كدا بس الصور اسهل
وياريت افيدك
لو سمحت يا دكتور ، كنت عايز اسأل عن متوسط تكلفة زراعة الضرس الواحد وهل فيه انواع للزراعة وأيه أفضلها وياريت تديني فكرة عامة عن عمليه زراعة الاسنان.
تحياتي
المسمى الصحيح هو (غرس الأسنان)
فكرة العلاج.
تحضير فتحة في عظم الفك العلوى أو السفلى و تثبيت مسمار من التيتانيوم المطلى بالكربون أو مشتقات الكالسيوم.و يسمى بالجزء التحتي (infra-structure) و لا يظهر منه شئ.
- و يثبت فوقه الجزء العلوي(ٍsupra-structure) و قد يكون من المعدن او السيراميك حسب النظام المستخدم. و هذا الجزء يكون ظاهر من اللثة بمحاذاة الأسنان .
- و على الجزء العلوي يتم لصق و تثبيت التاج الصناعى المصنع من البورسلين .
http://www.up3up.com/download.php?fi...9f00914b5e3010
أسئلة قد تدور بخاطرك :
= هل هناك خطورة ؟
-في الأحوال العادية و بدون أخطاء شديدة نسبة الخطر تقريبا معدومة . حتى لو فشل الغرس لا يوجد مشاكل , فقط يزال المسمار التحتي و يلتئم العظم تماما خلال1- 3 و يكون جاهز لإعادة الغرس بعد 6 شهور.
= الوقت ؟؟
أولا العملية لها نوعان :
الأول يتم فيه تثبيت الجزء التحتي داخل العظم و يغطى باللثة حتى يتم يتم التحام كامل مع عظم الفك لمدة من 2-6 شهور ....ثم يقوم الطبيب بفتح شق صغير ليركب الجزء العلوي و التاج. (وهذا النظام أقوى و أفضل ولكن بدأ في التقلص لطول الوقت المطلوب).
النوع الثاني وهو المنتشر حاليا : الجزء العلوي و التحتي يثبتان في عملية واحدة و هذا قد لا يصلح لكل الحالات .
ثانيا وقت عملية الغرس : قد لا يتعدى 15-30 دقيقة (مثل حشو الضرس تماما و تقريبا بنفس التخدير الموضعى البسيط و بدون ألم 100%)
= التكلفة ؟؟؟
هنا يا عزيزي تجد مشكلة عويصة ؛ كثرة الأنظمة في السوق و تعدد المصنعين و نوعية الخامات و ضمير الطبيب .
في مصري يتراوح ثمن الحالة من 1000 الى 2000 جنيه (وفي شركات كويسة بصراحة)
و في صيني و برضه نفس التمن .
و في اسرائيلى (اي و الله و شغال للأسف) و نوعيته كويسه (بس يغور) و تمنه تقريبا 3000
و فيه بقى الألماني و الفرنسى و الايطالى و الأمريكي
دول التوب ولن يقل تمن الغرس عن 5-6 الاف ابدا لأنها ممكن تكلف الطبيب اكتر من 4500 جنيه حسب احتياجات الحالة .
نصيحة عند اختيار طبيب للغرس :
1- اختار حد متجرب طبعا (متجرب في الغرس طبعا لأن ده تخصص لوحده)
2- اطلب تشوف المسمار المغلف (قبل غرسه وهو على اليونت قدامك و شوف صناعته) و ده حقك الا لو كان الطبيب ثقة يبقى عيب . بس لو شاكك يعني ده الحل
3- خدها قاعدة (الغالى ممكن يكون كويس و ممكن لأ بس الرخيص ماينفعش يكون كويس)
4- نظافة العيادة ..نظافة الطاقم = مستوى اختيار الخامات و مستوى التعقيم = مقياس مهم لنجاح الغرس.
و طمننى على الناس الغاليين عليك :):)