حتى الأن مافيش صور اتبعتت
و التعليق على الوضع وهو مبهم كده لن يكون دقيقا
فا احنا في انتظار الصور
و العفو ,, شكر على ايه!!
عرض للطباعة
حتى الأن مافيش صور اتبعتت
و التعليق على الوضع وهو مبهم كده لن يكون دقيقا
فا احنا في انتظار الصور
و العفو ,, شكر على ايه!!
جزاك الله خيراً يا دكتور أحمد
ولو تقدر تدلنا على مركز كويس بيعمل موضوع الزراعة ده أو دكتورة
الصور وصلت
البانوراما مش واضحة قوي و لكن الصورة نوعا ما بينت الحالة .
أولا : ممكن تهتم (زيادة زيادة) بالعناية بأسنان حضرتك لأن واضح وجود تراكمات جيرية
ثانيا : موضوع التركيبة المتحركة .. لا يوجد عائق يمنعها ... بس هو انت ليه بتفكر فيها ؟؟؟
كحل مؤقت وبعدين تعمل ثابت ؟؟ وللا كحل دائم ؟؟؟
اما موضوع الثابت فعمل 8 أسنان هو مبالغة ليس لها داعي .. 6 كفاية قوي لأن من ال6 دول المفقود هايكون 2 بس و اربعة هما اللي شايلين حمل الجسر كله (ومنهم نابين) و ده كفاية قوي قوي قوي
تكلفة السنة الواحدة بحسبة بسيطة تكون 437 جنيه و ده فوق المتوسط بحاجة بسيطة اعتقد لو اتعملك discount ممكن يبقى تمام بس كده مش غالي قوي ولا حاجه (و دي ليست دعوة للفصال أبدا- فكل طبيب له سعره الذي يحدده بناء على نوع الخامات و المواد و تجهيز العيادة و جودة الخدمة و متنساش كفاءة وخبرة الطبيب).
بس أنا مش محبذ فكرة المتحرك ما دام فيه امكانية لعمل الثابت و ده للأسباب دي :
1 - الثابت مابتقلعش و لا بيتلبس و دي ميزته الأولى
2 - المتحرك هيخليك (تخلع) السنة اللي في الوسط لتحصل على شكل متناسق -ودي خسارة-.
3 - الثابت ممكن يحمي تيجان الأسنان الأربعة السلام (و لازم الطبيب يحددلك سبب انهيار التيجان المفقودة بالقسوة دي لأن ده مش طبيعي).
و لكن لاحظ :
لو هاتركب اي نوع من التركيبات فنظافة الأسنان و العناية بها ستكون عنصر أساسي لنجاح التركيبة و اعمل حسابك على كده.
احرص على مساعدة طبيبك في اختيار اللون و ياريت لو تاخد معاك حد تثق في ذوقه في زيارة اختيار اللون .
اي استفسار ماقدرتش اوضحه أو بيدور في بالك لا تتردد أنا تحت أمرك
و لا متقل و لا حاجه و الله بس يارب اقدر افيدك
فعلا كامة شكرا بسيطة على مجخود واهتمام سيادتك
ربنا يجازيك خير
بس المشكلة ان الدكتور مصر على 8 وليس 6 علشان تبقى اقوى ايه راي سياتك
المشكلة اننى من الاسكندرية هل هناك أحد متخصص بتثق فيه ؟
وشكرا جزيلا ،،،
موضوع القوة ده يعتمد على قوة تثبيت الأسنان في عظام الفك ....
و الأنياب من أكبر الأسنان جذورا و أفضلها من ناحية التثبيت (في الأحوال العادية).
لو كنت بتشتكي من حركى زائدة فى الأسنان أو طبيبك وضحلك كده يبقى ممكن تمد الجسر لأسنان أكثر . أما لو مافيش حركة في الأنياب أو الأسنان الأمامية فأكرر لا يوجد داعي لمد الجسر على سنتين بريئتين ... لأن تحضير التاج الطبيعي لاستقبال التاج الصناعي فوقه هو عبارة عن ازالة طبقة من المينا و العاج الطبيعي الذان لايعوضهما شىء.. و لا نتقبل هذا العمل الا لسبب قوي و حاجة فعليه.
و حتما لن أستطيع أن أعطيك نصيحة قاطعة لأني لست مباشرا للحالة ... و لكن حضرتك الأن على بينة و أتمنى اني أكون وضحت الأمر لتستطيع مناقشة طبيبك مناقشة موضوعية .و على أساسها حضرتك تقرر : هاتكمل وللا لأ .
ناقش طبيبك لعل هناك ما لا تعلمه و بالتالي مالا أعلمه و لا يمكن أن تنطقه الصور خصوصا ان الأشعة مش واضحة خالص.
و ياريت تتابع معايا التطورات
أما بالنسبة لدكتور شاطر في الاسكندرية في واحد أعرفه هو الدكتور محمد عبد الخالق استاذ التركيبات . بس ماعرفش اي معلومات عن عيادته و جاري استقصاءها لحضرتك
هل تبيض الاسنان مضر؟شكرا
تبييض الأسنان لفظ مطاط وواسع و هو وصف لإحدى للعمليات الأتية :
1 - تلميع الأسنان:
وهو ازالة البقع و الأصباغ الخارجية من على الأسنان باستخدام فرشاة اليه و معجون ملمع سابقا ..
http://www.kavo.com/newsletter/Bilde...polierung2.jpg
وحاليا تتم عن طريق تيار هوائي محمل بالحبيبات المصنفرة
http://www.nsk-nakanishi.co.jp/ICSFi...design_new.jpg
- هذه الطريقة قادرة فقط على استعادة لون الأسنان الطبيعي ولا تصلح لتفتيحه
- لا ينصح بالقيام بهذا التلميع أكثر من مرتين سنويا لأنه قد يؤثر على المينا بسبب الطبيعة الكاحتة للفرشاة و المعجون و الحبيبات المستخدمين ....
هناك طرق مشابهة يمكن استخدامها في المنزل....
2 -تبييض الأسنان الكيميائي :
و هو اضافة مواد كيماوية تحتوي على أكاسيد الهيدروجين و توضع في حامل شفاف او تدهن على الأسنان بفرشاه (وأحيانا بتلاقي اعلاناتها في التليفيزيون)....
http://www.prowhitesmile.com/images/retail-kit.jpg
هذه الطريقة ضعيفة جدا لا أرشحها لأحد ..حتى نتائجها الإيجابية تكاد تكون غير ملحوظة..
3 -التبيض باستخدام اللايزر :
توضع عجينة مبيضة على الأسنان و يتم استحثاث التفاعل مع الأصباغ عن طريق اللايزر المسلط على الفم .
الطريقة أمنة تماما و تتم على ثلاث مرات يمكن تقسيمها في ثلاث زيارات منفصلة أو جمعها في زيارة واحدة تستغرق حوالي الساعتين
http://www.teethwhiteningweb.com/images/white_teeth.jpg
الطريقة فعالة ولكن تأثيرها محدود في درجات التبييض ولا تستطيع الوصول للون الأبيض القاطع
مكلفة نوعا ما ...قد تصل التكلفة الى 2500 جنيه مصري و قد تتعدى ذلك علما بأنها مطلوبة للتكرار خلال سنة للحفاظ على النتائج ...
4 -التبييض بالتغليف:
الفكرة هي كشط مليمتر من واجهة السنة و استبدالها بغلاف من البورسلين النقي يتم لصقه بمادة خاصة
http://www.drgorfien.com/images/lumineers.jpg
هذه الطريقة هي الأكثر شيوعا عند نجوم السينما و الإعلانات و هي أيضا مكلفة جدا حيث يصل سعر الغلاف الواحد لــ500 جنيه مصري أي ان تكلفة تبييض الست أسنان العلوية الأمامية ستصل لــ3000 جنيه
يميز هذه الطريقة ما يلي:
1 - الحرية الكاملة في اختيار اللون حتى الأبيض النقي
2 - ثبات اللون وعدم تغييره نهائيا و لا يتأثر بالمشروبات أو التدخين أو الزمن
3 - قوة المواد المستخدمة حديثا في التصنيع و التثبيت قضت على مشاكل التخوف من السقوط أو الكسر القديمة
4 - يمكن اضفاء لمسات جمالية على (شكل) الأسنان بالإضافة للون و تصحيح اي عيوب بها
و هذه النتائج كما بالصورة ...كلها نتاج لاستخدام الـlaminate veneers
http://www.drlinhart.com/images/veneersmile.jpg
هناك طرق أخرى لم أذكرها لكونها شبه نظرية و غير مطبقة عمليا أو عفا عليها الزمن
__________________________________
اعتذر عن اهمال الموضوع لعدم رؤيته
وظني بعدم وجود استفسارات جديدة
دكتور احمد
اولا:شكرا علي مبادره حضرتك ومساهماتك في النصح والارشاد وربنا يباركلك يا رب.
ثانيا:انا عندي ضرس في الناحيه اليمني حصله تسوس من الجهه المقابله للضرس اللي
قبله.وبتجنب الاكل عليه لاضطراري لتنظيف مكان التسوس من بقايا الطعام.فهل يمكن حشوه؟لاني اري ذلك صعب نظرا لوقوع التسوس بين الضرسين.واذا لم يمكن ذلك
فكيف يمكن اصلاح الضرس مع عدم الخلع؟ويا ريت دكتور كويس في بنها؟وشكرا
bemo,ire
Ahmad ahmad .ana sme3t en fi tabyeed be 7aga esmaha ZOOM .da eh nezamo? W ya tara leh adrar w taklefto eh?
التسوس البيني interproximal caries من أسوأ أنواع التسوس لأنه غير مرئي و قد يسبب موت السنة بدون ألم في بعض الأحيان ...
ومن مساوئه انه يمتد للسن المجاور بسبب حبس بقايا الطعام فيه و هو كذلك سبب في تكوين الجيوب و هي أسوأ ..
موضوع قابليته للحشو ..فهو بالطبع قابل للحشو ببساطة ولكن عند الحشو السن يجب ان تلاحظ الأتي ..
لابد من فصل السنتين المتجاورتين بشريط شفاف أو معدني مثل هذا
http://www.ivoclar.co.nz/images/prod...ne/matrix2.jpg
يحيط بالسن وقت الحشو و له فائدتان :
الأولى انه يمنع التصاق الحشو بالسن المجاور
الثانية أنه يعطي الحشو نفس استدارة السنة الأصلية وهذا له فائدة كبيرة
المهم ..أيا كان طبيبك لا تقبل بحشو جانبي للضرس بدون هذا الشريط
أما ترشيح طبيب للعلاج فاعذرني لا استطيع المساعدة و لكنى مع حضرتك في أي استفسار
برجاء التعجيل فالوقت به خسارة فادحة
شكرا يا دكتور .نسيت اقول لحضرتك ان هذا الضرس محشو قبل ذلك من اعلي ولا يزال هذا الحشو موجود وتمام .فهل امكانيه حشوه حشو بيني قائمه؟وشكرا
bemo,ire
واضح انك داخله من الموبايل خدمة ( Vodafone Dental Advice )
المهم ..
زووم هو علامة تجارية لأحد أقوى وأشهر أجهزة التبييض باللايزر كما وضحنت في موضوع التبييض ..
و هو منتشر في مصر لقوة توكيله و صناعته الأمريكية الجيدة
الفكرة في التبييض بالضوء هي انشاء تفاعل قوي يؤكسد المواد الملونة للأسنان و يسحبها من سطح السنة تاركا السطح أكثر بياضا (دي الفكرة ببساطة شديدة)
و هذه هي الخطوات :
1 -
http://www8.0zz0.com/2008/08/24/01/111275211.jpg
يتم تثبيت دعامة لفتح الفم بعد التأكد من عدم وجود أي مواد عالقة بالأسنان
2 -
http://www8.0zz0.com/2008/08/24/01/657769400.jpg
يتم وضع مادة عازلة للايزر و الحرارة الناتجة على اللثة لحمايتها (وقد يضعها البعض على الشفاه و بعض الأنظمة تشمل جلد الوجه (وكله مفيد).
3 -
http://www8.0zz0.com/2008/08/24/01/227072066.jpg
يتم وضع المادة الفعالة على الأسنان المختارة .. الأمامية غالبا
و فتح اللايزر لثلاث فترات متتالية مدة كل منها 15 دقيقة فقط (وهو زمن جيد)
وبين كل فترة و أخرى يتم تغيير المادة الفعالة المشبعة و اعطاء راحة (بدون غلق الفم)
4 -
http://www8.0zz0.com/2008/08/24/01/219607463.jpg
بعد حوالي الساعة المفروض تفرحي كده ... بس غالبا خيبة الأمل هي أكثر ما رأيت لأن السيدات غالبا ما ينتظرن أسنان فائقة البياض و هو ما لا يجدونه
يحصل تبييض فعلا و لكن بقدر محدود نوعا ما .....قد لا يناسب السعر الذي يبدأ من 2500 جنيه و يمتد (بنفس الجهاز و الخامات) عند البعض الى 4000 جنيه
العيوب :
1 - كما ذكرنا الفرق الغير مرضي للبعض
2 - تراجع التبييض بعد فترة تبدأ من 6 أشهر عند البعض لذلك ينصح دائما بمتابعة ربع سنوية للأسنان المبيضة بالزووم الكيميائي و هو منتج تكميلي
3 - الحساسية للحرارة و البرودة بالذات و التي تنتج عن تفريغ قشرة السن من بعض موادها و تعرضها للحرارة الليزرية لمدة 45 دقيقة وهذا هو أكبر مشاكل التبييض الليزري (ولكنها متفاوتة من شخص لأخر)
4 - المشكلة الأخيرة والأهم ..زيادة قابلية الأسنان المبيضة كيميائيا أو ضوئيا لاستقبال الأصباغ من القهوة و التدخين ...الخ لذلك فإن التنظيف الحازم أمر مفروغ منه بعد التعرض لهذا النوع من التبييض
أرجو أن أكون غطيت الموضوع بشكل وافي
بالطبع قائمة ...
ولكن يجب ازالة الحشو القديم (ان كان متصلا بمكان التسوس) لأنه قد يكون سببا فيه
اما ان لم يكن متصلا به فيستحسن الابقاء عليه و تغييره في وقت لاحق لو حبيت لعدم تداخل أعراضه مع الحشو الجديد (يعني لو حشينا الحتة دي و بس , و حصل ألم يبقى من الحتة دي و انتهينا) أما لو حشينا مكانين و حصل ألم أو عدم راحة هانكون في موقع اننا بنخمن يا ترى من مين فيهم ...
أنا معاك لو أي حاجة لسة مش واضحة ممكن نوضح بالرسم
Merci ya a7mad 3la el infos :) bs so2al rofaya3 MATE3RAFSH DOCTOR hena fil kahera bey3mel el zoom da ,ana senany el 7amdolelah 7elwa bs knt bashof fi programs 3la el tv beta3et extreme make over w kda en senanhom beteb2a loly kda :biggrin24: fa bfakar a3melo 3la khotobty keda
يا باشا ربنا يخليك.كلك ذوق والله.الف شكر يا دكتور.انا مضطر استني 22 يوم لحد ما ارجع مصر لان الحاجات دي مكلفه اوي هنا في ايرلندا .يعني ممكن تقول wage بتاع اسبوع في حاجه زي كده.لان مفيش helth insurance علي الاسنان.
bemo,ire
دكتور دكتور
سيبك من بتاعت اللولي والالماظ دي
دي راجعة من مارينا ضاربالها جمبري واستااكوزا خلو سنانها تغمق شوية يا عيني وعايزهاهم يرجعو لولي :sifone::sifone:
نيييييييهههههههههههههه
---------
ممكن يا دكتور تحشيلي سناني في العربية :auto:
هاجيب معلقة وكيس قطن وكمامة على حسابي:tooth::tooth::tooth:
كنت قريت عن نظام cerec للتركيبات وحشو الأسنان ، ممكن فكرة عن النظام ده ومتاح في مصر عند مين وتكلفته .
تحياتي
شوفي يا نهى ..
اي حد عنده الجهاز و مُدرب عليه هايديكي نفس النتيجة يعني عندك حرية في الاختيار كله زي بعضه
انما لو ماتعرفيش حد ممكن ابعتلك اسم عيادة في القاهرة (ودوري الأول بنفسك)
ماهو اللي مشي ورا العيال اللي بتخاف:helpsmilie: بتتشحتف على طول لازم يحصله كده
المقاولة باظت و رجعنا ايد ورا و ايد قدام ولا قبضنا حاجة و عشانا عليك يارب
فينك يا روقه :clown:
الcerec هو احدى التطبيقات الطبية للـcad-cam وهو التصميم والتصنيع بالحاسوب من انتاج sirona الألمانية
الفكرة هي استبدال الطرق المعملية التقليدية لصناعة التركيبات و الحشوات بطريقة رقمية
يعني اللي بيحصل في العادة عند تركيب تاج مثلا للسن و الخطوات المقابلة الحديثة:
1 - تحضير السنة بازالة جزء من الجسم الخارجي..................ثابت
2 - أخذ مقاس (طبعة) بمادة سليكونية للأسنان
3 - صب الطبعة بالجبس الصلب لتكوين نموذج للفم ..............تصوير بالكاميرا وعمل نموذج رقمي ثلاثي الأبعاد على الكومبيوتر
4 - تكوين نموذج شمعي للتاج المطلوب صناعته ................تصميم النموذج بالكومبيوتر رقميا
http://upload.wikimedia.org/wikipedi...EREC-krona.jpg
5 - تصنيع النموذج الشمعي بالمادة النهائية (بورسلين أو معدن) ..........خرط قطعة من البورسلين في مخرطة ذكية لتكوين التاج
http://theclearaligner.com/images/cerec.jpg
مزايا الطريقة الجديدة :
1 - توفير الخامات و الخطأ البشري المحتمل
2 - الوقت الوقت الوقت فما يتم في ثلاثة أيام أصبح يتم خلال ساعة ونصف
4 - ضمان جودة المادة المستعملة
5 - فائدة منع اكتساب او انتشار العدوى لعدم وجود اتصال بين المريض أو المعمل
و الفوائد مازالت غير مقنعة بالنسبة للثمن المرتفع سواء للجهاز أو منتجاته
ثمن الجهاز 600 الف جنيه مصري
ثمن الحشوة يبدأمن 1000جنيه و ثمن التاج يبدأمن 4000 جنيه
أما عن توافره في مصر فهو متوافر في خمس عيادات فقط في القاهرة (معلومات من الوكيل في مؤتمر سابق)
ولو حضرتك عايز عنوان احدى هذه العيادات ممكن أجيبه لحضرتك
في انتظار أي استفسار
تحياتي
أفهم من كلامك عن التبييض يا دكتور إن افضل وسيلة هى التبييض بالتغليف؟ ، وياترى غلاف البورسلين دة بيتغير كل فترة ولا مدى الحياة؟
لا يا أستاذ اسلام لا يحتاج لتغيير دوري نهائيا
باستثناء الحوادث ..انه يتكسر او يتعرض لخبطة قوية ممكن يقع و يعاد لصقه
و ممكن لصقه بالمنزل بلاصق بسيط لحين زيارة الطبيب
وهو مابيوقعش كتير زي ما ناس بتقول ده كان زمان من أربع خمس سنين كده
انما دلوقتي في أجيال جديدة من اللواصق لها قدرة عالية و لكنها مكلفة شوية و ده بينعكس على سعر التركيبة بالطبع و يحكمه ضمير الطبيب
يا دكترة مانت اللي كشيت في وش الزبون
كان لازم يعني تلبس كمامة وتعملنا دكتور
ماهو الزبون مقتنع 200 % ان ده صاحب بابى ولا ممكن يكون دكتور
هوووب صاحب بابي طلع عدة وقلبلها على الوش التاني ولبسلها وش دكتور
يلا عشان تتعلم تهشك وتدلع قبل ما تفتح قسم للعيال في العيادة
سيبك من نظرية الضرب دي مش هاتكلك عيش
نييييييييييهههههههههههههه هههههههههههههههههههههه
متشكر جدا على الموضوع المتميز ده انا ليه سوال للدكتور
عندى اسناى اللى قدام فى الفك العلوى لونهم اخضر مع انى مش بدخن خالص غير هو حجر شيشه كل اسبوع مثلا حاولت بالفرشه و المعجون و المسواك و الحاجات دى برضو مافيش فايده ارجوا الفاده لسمحت و لك جزيل الشكر
شكرا لهذه المبادرة الطيبة
كنت عاوزة اسأل حضرتك دلوقتي زوجي خلع ضرس بس عشان كان مسوس وهو ماحبش يعمل تنظيف وحشو واستسهل الخلع المشكلة ان المكان بتاع الضرس بيألمه من حين لاخر واحيانا مش بيقدر ياكل عليه خالص فدا من ايه
واكيد طبعا مشكلة اصفرار الاسنان دي مشكلة عند كل الناس علي الرغم من انه غير مدخن
كمان ممكن تقول لنا هو ايه افضل معجون للسنان وهل في طرق طبيعية لتنظيف الاسنان
كمان انا بنتي عندها سنة ونصف هل تحتاج لتنظيف اسنانها ولا لا
معلش الاسئلة كتيرة ،،وشكرا
سيدي الفاضل
ظهور اللون الأخضر أو الظل الأخضر على الأسنان لا يرجع غالبا للتدخين بل هو لون ناتج عن التعامل مع المعادن غالبا اما عن طريق الفم أو الأدوية المحتوية على الحديد بنسب مرتفعة
برجاء الافادة عن أي مما سبق و كذلك تاريخ اللون الأخضر (سنة- سنتين-منذ الطفولة)
في انتظار الإفادة
أولا بخصوص زوج حضرتك المحترم ,
استسهال الخلع هو تفكير غير سليم بالمرة و هو كرمي كنز بدلا من مراعاته و العناية به
و الخسارة بالطبع فادحة ...لأنها لا تقتصر على السنة المفقودة بل قد تمتد لتهدد الأسنان المجاورة و المقابلة لها ....
أما بخصوص الألم فبرجاء الإفادة بتاريخ الخلع و أي ملاحظات على عملية الخلع نفسها ...
ثانيا ,
بخصوص اصفرار الأسنان
ليكن معلوما أن أسناننا تصفر بتقدم العمر و هو شيء طبيعي أما الصبغات الناتجة من التراكمات الجيرية و الطعام و القهوة والتدخين مثلا فيجب زيارة الطبيب للتخلص منها بسهولة ...
أما الطريقة المنزلية فهناك العديد منها و أذكر لحضرتك احداها :
قطعة فحم صغيرة جدا مسحوقة جيدا + قطعة من الفراولة أو معجون أسنان
يتم وضعها على الأسنان و دعكها جيدا بالسبابة في اتجاه ثابت (من أسفل لأعلى و العكس) لمدة خمس دقائق
مضمضة جيدة
غسيل الأسنان بأي معجون مع فرشاة جيدة (medium)
هذه الطريقة تكرر يوميا و قد تظهر نتيجة مرضية خلال اسبوعين
و في حالة عدم ظهور نتيجة ينصح بالتوقف عنها .
ثالثا ، تنظيف الأسنان للصغار
يجب تنظيف الأسنان للأطفال حتى قبل ظهورها بشكل كامل للأسباب التالية:
1 - تنظيف الأسنان بالفرشاه ينشط الدورة الدموية الطرفية باللثة و لذلك فوائد كثيرة
2 - الأسنان اللبنية تحتاج للتنظيف بشكل أكبر لضعف بنيتها و عدم قدرة الفم الضعيف على تنظيفها بحركة عضلات الخدود و الشفاه و اللسان كما يحدث عند البالغين
3 - و هو الأهم , تكوين عادة راسخة في ذهن الطفل لتنظيف أسنانه وهو ما يرفع عن الوالدين جهودا كبيرة في مراعاة هذه الأسنان و حث الطفل على تنظيفها وكذلك هم اصلاحها و زيارة الطبيب الغير مرغوبة من الأطفال
مع التحية
اذا كان احتكاكك بالمعادن عن طريق الفم متكرر فده قد يكون سبب لتغير اللون
و في هذه الحالة وسائل التبييض السطحى لن تكون مفيدة بالمرة لأن اللون نابع من جسم السنة نفسه و قد تلجأ للتبييض الداخلى (وضع مواد مبيضة داخل السن) أو التبييض بالتغليف veneers .
برجاء زيارة طبيب الأسنان
ولا داعي للأسف ..أنا في خدمتك دائما :tooth:
الشاي والنسكافيه بيخلوا سناني مش ناصعة
أعمل إيه يا دكتوري ؟؟؟
سؤال مش عارف اتسأل قبل كده و اللا لأ ...
هل ممكن عمل تقويم في سن الثلاثين .. و هل يوجد طرق اخري غير السلاك (جراحة مثلا ) و اللا لازم السلك ؟؟؟؟
تحياتي
ممكن يا عبد الجواد تشربهم بشاليمو ...وبكده النسكافيه مش هايعدي على اسنانك :sifone:
جد بقى الحكاية سهلة انت لو غسلت اسنانك كويس بعد كل كوب قهوة أو شاي ولو حاجة خفيفة كده
وده طبعا مش سهل فانت ممكن تعمل تلميع خفيف مرتين في السنة بس حاجة خفيفة لزوم انها تكون ناصعة :biggrin24:
بس لما أشوفك :tooth:
سيدي الفاضل
دي فكرة مبسطة عن عملية التقويم :
1 - التقويم:
هو اصلا الخلل الشكلي أو الوظيفي للأسنان النتاج عن اختلال الترتيب الطبيعي لها و هو ناتج عن أسباب كثيرة منها
- التفاوت الخلقي (ولا أفضل كلمة عيب خلقي) في تكوين و حجم عظام الفك
- عادات سيئة تمارس عند الطفولة و قد يستمر تأثيرها للكبر (مثل مص الإبهام والتنفس من الفم ...الخ)
- سوء ترتيب الأسنان وصفها في الفك السليم المثالي
2 - طرق التقويم :
1 - تقويم الأسنان عن طريق الأجهزة البلاستيكية البسيطة (للحالات البسيطة)
2 - تقويم الأسنان بالأسلاك و هو الأكثر شيوعا لقدرته على التعديل وصلاحيته لأي سن حتى في الخمسينيات (و هذه إجابة سؤال حضرتك الأول)تقويم الأسنان عبر التحكم في - حجم الفك و تعديل نمط النمو بالأجهزة (وهذا لا يصلح بعد سن البلوغ)
3 - التقويم الجراحي وهو يعالج حلات التفاوت الخلقي في نمو وشكل عظام الفك عند العلاج بعد سن البلوغ وهو غير مناسب لحل مشاكل الأسنان فقط بل هو مناسب لحل مشاكل العظم (لأنه يحتوي على عملية في الفك غالبا ما تكون بجوار مناطق حساسة و يتبع العملية غلق الفم بالأسلاك لمدة شهر الى شهرين مع التغذية السائلة)
_______________
أما بديل الأسلاك فهناك بدائل تقوم على نفس الفكرة مع تفادي الشكل الردئ لمعدن الأسلاك وهي:
- التقويم بالأسلاك من الداخل : يعني السلك يثبت في ظهر السنة بدلا من وجهها كما في الصورة
http://www4.0zz0.com/2008/08/26/16/452215157.jpg
http://www.drkershman.com/images/invisible_braces.JPG
طبعا مافيش حاجة باينة ....بس دي مركبة تقويم
- استعمال الأسلاك البيضاء (صورة1) أو المثبتات الشفافة(صورة2) أو كليهما
http://www.palmbeach6monthbraces.com...s-close-up.jpg
................................صورة1......... ..................
http://www.drjeffreyleiss.com/images...es_ceramic.jpg
..............صورة2.................
أرجو الصورة تكون واضحة دلوقتي
و مازلت في انتظار أي استفسار